Efesios 1:1 - Táurinakene máechejiriruwa’i ema Viya tikaijare

¹ Nuti Pablo, maye'enu'i apústule ema Jesucristo, taicha manerejirunuichu'i ema Tata Vikaiyakene, nawaraira'i nímitukaya ena achaneana eta máechejiriruwana, tási'a puiti, nukajure'e eta juka carta eye'e eti nuchamuriana ekawasana'i taye'e eta awasare Éfeso, taicha eti machanera'eipa ema Viya, táurikene'i eta é'isira'i ema Jesucristo.

Ignaciano

¹ Nuti Pablo, mayehenuhi apóstole ema Jesucristo, taicha manere­ji­ru­nuichuhi ema Tata Vicaiyaquene, navarairahi nímitucaya ena achaneana eta máechaji­ri­ruvana. Tásiha puiti, nucajurehe eta juca carta eyehe eti nuchamuriana ecava­sanahi tayehe eta avasare Efeso, taicha éti machane­ra­heripa ema Viya, táuriquenehi eta éhisirahi ema Jesucristo.

Efesios 1:1 Iomraidhean Croise

San Lucas 16:10

“Nákani tiúri'i eta náechapajirisira'i jákani, ene taka'eyare'i eta táuriwayare eta náechapajirisirayare. Nákanisera wa'i tiúri'i eta náechapajirisira'i jákani ánichichakene'i, éneyareichu'iware wa'i tiúrima'i eta náechapajirisirayare eta kamurikene'i.

Hechos 16:15

Enewane'i tikaikachasi'i esu, énapa ena tiávi'ana'i te supena. Taka'e, suwara'apa tiáma'avi eta te supena. Suka'epa: –Te yátupira'i eta né'isira'i nuti eñi Viákenu Jesús, ítekapauchanupaini te nupena. Tási'a, tikamesa'avipa tiáma'avi te supena.

Hechos 18:19

Te titekapanapa te Éfeso, ema Pablo manakikapa ema Áquila esupa esu Priscila, tási'a tiyanapa taye'e eta peti naurujisirarewa ena juriyuana, maechejikawarepa ena juriyuana.

Hechos 18:21

taka'e tikametawapa naye'e, máichapa: “Te máwara'a ema Viya takuijaichu nichawa, nuchawayare níma'apana'eyare.” Taka'e tíawaku'apa ema Pablo, majunijikapa taye'e eta Éfeso.

Hechos 9:13

Te masamapa ema Ananías, maka'epa: “Tata, namutu timetakanuana eta máichararakawa'i ema achane eta mawínarajiwa'i naye'e ena té'ikaviana tikawasana te Jerusalén.

Romanos 1:1

Nuti Pablo, mawanaranu'i ema Viákenu Jesucristo, manerejirunu'iware eta maye'enuyare'i apústule, tituparakanu'i eta nukametarairuirayare eta mapanerechira'i ema Viya eta mawaraira'i makuchuku'aya namutu ena tikasiñawanaya maye'e ema Machicha.

Romanos 1:7

Emutu eti ekawasana te Roma, maemunarukene ema Viya manerejiru'ekene'i machaneranayare'i santuana: Nu'asulupayacha ema Tata vikaiyakene eta iuriwaina eta itaresira te maijare ema Viakenu Jesucristo.

Romanos 8:1

Puítisera, viti viáwa'akanaipa'i ema Jesucristo, waipa vikaikuñáima'i.

1 Corintios 4:12

Vikávitarakawa'i te viwa'uana eta vikaematanera. Ena achaneana tewajiriaka'aviana'i. Vítisera tájina wákayema'ini naye'e, tiúri'i eta vijikapirawaka'i ena, tipanajirika'aviana, vítisera vikamicha'i tamutu.

1 Corintios 4:17

Eta taka'e, néwatakayare eta ara eye'e ema némunarukene nuchicha Timoteo títaura'i eta makaemataneasira'i ema Viákenu. Ema, temecha'eyare, eta takayemakeneana eta nímiturapiana eta vé'isira'i ema Cristo. Táurikene'i eta máimiturapiana taicha étaichu'i eta nímiturapi'i naye'e ena vichamuriana te jákani nupaisineanapa'i.

2 Corintios 1:1

Nuti Pablo, maye'enu'i apústule ema Jesucristo, manerejirunuichu'i ema Tata Vikaiyakene, mawaraira'i nímitukaya ena achaneana eta máechejiriruwana ema, puiti juka najure, nápechawa nukajure'e nuti, émapa ema viparape Timoteo, véchejika'e'i emutu eti machanerana'i ema Viya ekawasana'i taye'e eta awasare Corinto, énapa namutu ena vichamuriana'i machanerana'iware ema Viya tikawasana'i te awasareana taye'e eta tinapaika Acaya.

Gálatas 1:1

Nuti Pablo, yátupikenenu'i maye'enu apústule ema Jesucristo taicha manerejirunu'i, ema Tata Vikaiyakene tikuti'i eta mapanereru'i ema Machicha eta máichuiranu'i, puíticha émakene'i ema Jesucristo tinakanu'i, émaparakichu'i ema Tata Viya tikaechepuka'i te maekari ema Jesús.

Gálatas 3:26

Puiti, eta ekasiñairapa ema Jesucristo, machicha'eipa ema Viya.

Gálatas 3:28

Tayanapane apawasasajiana'e eti, tayanapane'iware ekasirikikíji'i eti ajairana, ena esenana, tayanapane'iware músuanapuka, wa'inenipuka musuanaina, té'esera te mamira'u ema Viya, étanaichu'i eta víma'i.

Gálatas 3:9

Tási'a, viti vikasiñana'i ema Viya puiti, tétavikawayare'i eta viúrikakarewayare, taicha vikutinapa ema Abraham eta makasiñaira'i ema Viya.

Efesios 1:15

Taicha nusamairikapa eta yátupira'i ekasiñawa maye'e ema Viákenu Jesucristo étapa eta émunajirisirakaka'i emutu eti machanerana'i ema Viya,

Efesios 2:10

arairuinapa eta vítaresira maicha ema Viya, émaichuware tikajuruka'avi eta vé'isira'i ema Jesucristo, mawaraira'i víchayare eta táurikeneana, eta víchira'i, vítaucha'i eta mapanereruana akane.

Efesios 2:13

Puítipasera eta é'isira'i ema Jesucristo, iúrujiakaipa'i. Taicha ekasiñawa'i eta máepenina'e'i. Puiti waipa eyere'i, ekachakayapa maye'e ema Jesucristo.

Efesios 2:6

Puiti, eta viáwa'asira'i ema Cristo, yátupi'i eta véchepusiraya, vikaikuchipa eta makaejasira'avinapa taye'e eta viáwakureyare te anuma.

Efesios 6:21

Tiuri puiti, máima'a'einesera ema vémunarukene'i vichamuri Tíquico. Ema, títametaka'eyare tamutu eta níchararakáwa'i nuti. Tétavikawa'i eta máimikatasiranu'i eta vikaemataneasira'i ema Viákenu.

Colosenses 1:2

Puiti nukajure'e eta juka ajumeruka eye'e eti nuchamuriana ekawasana'i taye'e eta awasare Colosas, taicha eti machanera'eipa ema Viya, tiúri'i eta é'isira'i ema Jesucristo.

Apocalipsis 17:14

Taka'e, ena nani nakanarainapa ema Cordero, wá'isera nárata'aima'i, máita'akawakayare'i ema Cordero. Taicha ema, yátupikene'i Rey, Akenuka'iware, mawaneka'i ena reyeana énapa ena akenukana, natiari'iyarewa ena makachanekeneanayare ema, nakanerejikene'i eta máichuira'i ema Viya, taicha, yátupi'i eta náe'isira'i ema.”

Apocalipsis 2:10

Wa'i ekupika eta ekatajiwairaya, numetaka'e, ema wínaraji tímisiapa'eya te cárcel eta máitsamaresira'eya te tíminajika'eyarepuka, ekamichachuchasera, taicha diez sache eta ekatajiwairayare, nutuparaka'echa. Ejikapaikayare tayanapanepuka nakapaka'e nuti níjaraka'eyare eta táitsiwayare, tiúriyare eta ítaresiraya.

Apocalipsis 2:13

Nuti nímati tamutu eta píchakeneana'i, eta piavi'aira'i te mawasa ema Wínaraji, wá'isera ínajikawa'ini, étumechawaichucha eta é'isiranu'i nuti. Étaipa te íma'apa eta nakapasira'i ema nuchaneraini Antipas, yátupikene'i eta masuapiranu'i ema, ena machanerana'i ema Wínaraji nakapaka'i ema te jena iávi'a'i eti.