Apocalipsis 8:12 - Táurinakene máechejiriruwa’i ema Viya tikaijare

¹² Te tikachujapa ema apana ángele, tiúchujikapa eta tépakucha'i eta sache, eta kaje étapa eta jarairikiana. Úchukene ura eta táetaviuchira'i eta tamapikuwa. Taka'e, úchuware ura eta takaecheraira'i eta sache. Uchu uraware eta takaecheraira'i eta kaje étapa eta jarairikiana.

Ignaciano

¹² Te ticachujapa ema apana ángele, tiúchujicapa eta tépacuchahi eta sache, eta caje étapa eta jarairiquiana. Óchorine hora eta táetaviu­chirahi eta tamapicuva. Tacahe, óchovare hora eta tacaeche­rairahi eta sache. Ocho hóravare eta tacaeche­rairahi eta caje étapa eta jarairiquiana.

Apocalipsis 8:12 Iomraidhean Croise

San Mateo 24:29

“Te táitawapa eta juka sacheana, eta vikatajiwairaya, téma'ainapa eta sache, eta kaje waipa timikaucha'avima'i eta tajaraiwa, eta jarairikiana témirikanainawarepa. Étaipa eta tiávi'ana'i te anuma vima'akeneana'i, éneichuware tiyamurikanainapa, tiyejejekawanainapa.

San Mateo 27:45

Tepanawapa, te tupiriku'apa eta sache tási'a ticheku'a te las trespa kapere'i, timapikupa tamutu eta apake'e.

Marcos 13:24

“Te'esera jena sacheana te taetavikawapa eta vikatajiwairaya, eta sache téma'ainapa, eta kaje waipa timikaucha'avima'i eta tajaraiwa,

Marcos 15:33

Te titekapapa, te tupiriku'a eta sache tási'a ticheku'a te las trespa kapere'i, timapikupa tamutu eta apake'e.

San Lucas 21:25

“Jarari'iyare eta ekutiarareya te sache, te kaje, étapa te jarairikiana, tipikanainapa ena achaneana te juka apake'e. Tiáramekanainapa taicha eta nasamirayare eta murakakene táepakuru'a eta ichapeama une.

Hechos 2:20

Eta sache, tema'ayare eta tajaraiwa mapikuinapa, tási'a ítimeyare eta táima'i eta kaje, eta masacherayare machaviraya ema Tata, jena sacheyare, ichapeyare eta makunachakarewaya.

2 Corintios 4:4

Taicha ena wa'i nasuapa'ini eta maechejiriruwa ema Viya, émapasera ema tasiñaraji te juka apake'e, emapa tepaka'aukicha'i, waipasare nákaikutiara, waipaware nakuima'a eta tajaraiwa eta maechejiriruwa ema Viakenu Jesucristo.

Apocalipsis 12:4

Eta te táijiki, táestakapa eta mapamuriana eta táichapemuriwa eta jarairikiana, takamirikapa te juka apake'e. Tási'a, titupi'apa eta sárare taiñe'ikene ichape kichare te sumira'u esu esena esu tínakayare'i, titsekawaipa eta tanisirayare'i eta suchicha te suinakapa.

Apocalipsis 16:10

Ema apana ángele máepusaikawarepa eta makarataru'i te táina'u eta máwasa ema útsutsure, eta máejasi'a'i. Taka'e timapikuwarepa te návi'a'i ena majupa'ana. Namutu ena machanerana, tikapitikia'echawanapa, tinikanenechawanapa taicha eta takatiwa nasama,

Apocalipsis 6:12

Te mavepistakawarepa ema Cordero eta nuevekene sello, níma'apa eta tayamuripaisira'i eta apake'e. Eta sache téma'awarepa, tétavikawa'i eta takisawa. Éneichuwa eta kaje amairi'apa ítime,

Apocalipsis 9:15

Taicha akane ema Viya manerejikaipa eta juka ura eta makaitisirainapa ena kuatrukeneana ángeleanaini, máisapainapa eta nakapasirayare'i kamurikeneana achaneana, ena mapamurikeneana eta náichapemuriwa.

Apocalipsis 9:18

Kamuriana'i ena achaneana, ena takaparuanapa'i eta juka mapanakene ekuñaraki eta takuchusirapa'i te tajaka: eta yuku, eta kijare, étapa eta azufrepu'a.