Apocalipsis 8:10 - Táurinakene máechejiriruwa’i ema Viya tikaijare

¹⁰ Te tikachujapa ema apana ángele, témirikapa eta ichape jarairiki tási'a'i te anuma, tétiraraikapaine eta táemirisira'i. Tajararekapa eta une taye'e eta tercera parte eta kajakureana.

Ignaciano

^10-11 Te ticachujapa ema apana ángele, témiricapa eta ichape jarairiqui. Tétira­rai­ca­parine eta táemiri­sirahi. Tajara­recapa eta une tayehe eta tercera parte eta cajacureana étapa eta cáquiureana. Venenoamapa taicha eta jarairiqui. Ichape­mu­ria­navare ena achaneana tépena­ra­canahi taicha eta náerirahi eta une tisucareama. Eta tacahe, ena tacaiti­ruanahi tímija­re­chanahi eta ecuñaraqui: Eta Súcareama Venenoama.

Apocalipsis 8:10 Iomraidhean Croise

San Mateo 25:1

“Eta mawasa ema Viya Akénuka te anuma takutiyare te tive'akakanayare: ena diéskeneana esenachichana amaperuana tikuchapana'i ena arayena, nákapirayare te nasamapa eta máitekapiraya. Tiámauchawanapaipa eta namika'uana lámparinana nakuchapi'aya ema arayena.

San Lucas 10:18

Ema Jesús maichawakapa: –Nunekapira'i eta mákipaisirawa'i ema Wínaraji, takuti'i eta te emarere eta táija'uchirawa'i eta makakijira'i te anuma.

San Judas 1:13

Ena, nakutiware eta táepakuru'a eta ichape une tétavikawa'i eta tatsiri'akarewa'i eta náichakene'i eta tamaurikeneana. Nakutiware eta jarairikiana tiyejepaikawana. Jarari'isera eta nakaikuñaiyayare eta ichapekene timapiku, máitawakakayare eta nanasirayare.

Apocalipsis 1:20

Numetakaviya eta takayemakene'i eta sietemurikeneana jarairiki nukarataru'i te waure, étapa eta siétekikeneana kandeleruana urukiana, eta juka siete jarairiki, énara ena tikametarairura'iana naye'e ena sietemurikeneana pichamuriana, eta sipikeneana kandeleruana, énara ena sipimurikeneana nuchanerana.

Apocalipsis 12:4

Eta te táijiki, táestakapa eta mapamuriana eta táichapemuriwa eta jarairikiana, takamirikapa te juka apake'e. Tási'a, titupi'apa eta sárare taiñe'ikene ichape kichare te sumira'u esu esena esu tínakayare'i, titsekawaipa eta tanisirayare'i eta suchicha te suinakapa.

Apocalipsis 14:7

Muraka eta máichuaresira'i, ánipa maka'e: “Epikauchayare ema Viya, taicha ema tépiyaka'i eta anuma, eta apake'e, eta ichapeama une, eta kákiureana. Émaina ejiraucha. Taicha járajapainapa puiti eta máikuñasiraya ena achaneana.”

Apocalipsis 16:4

Ema apana ángele máepusaikawarepa eta makarataru'i taye'e eta kajakureana, te kákiureana, étapa te tatawarapiana. Éneichuware ítiamawarepa.

Apocalipsis 6:13

Eta jarairikiana tiávi'ana'i te anuma, témiririjikapa te apake'e, takuti eta taemirisira eta ta'i eta mitu te murakaicha tékatikawa.

Apocalipsis 8:7

Te tikachujapa ema tínapuka ángele, témirikapa te apake'e eta uvereki, étapa eta tikiwa ítiama. Témirikaware eta yuku, taijuchapa eta tercera parte eta apake'e. Támairiakapa eta yukukiana, eta muiji, étapa eta sukurekana.

Apocalipsis 9:1

Te tikachujapa ema nasinkune'i ángele, níma'apa eta jarairiki takipairuwa te juka apake'e, tasi'akene te anuma, tási'a naijarakapa eta llave eta mavejiasirayare eta pusu táupenakene tikaijare abismo.

Apocalipsis 9:15

Taicha akane ema Viya manerejikaipa eta juka ura eta makaitisirainapa ena kuatrukeneana ángeleanaini, máisapainapa eta nakapasirayare'i kamurikeneana achaneana, ena mapamurikeneana eta náichapemuriwa.

Apocalipsis 9:18

Kamuriana'i ena achaneana, ena takaparuanapa'i eta juka mapanakene ekuñaraki eta takuchusirapa'i te tajaka: eta yuku, eta kijare, étapa eta azufrepu'a.