Apocalipsis 7:9 - Táurinakene máechejiriruwa’i ema Viya tikaijare

⁹ Taka'e, níma'awarepa ena kamurikeneana achaneana tiási'ana te tamutu awasareana, apaechejiriruwakeneana. Waipa titupachakareana eta nasimutuwa'i. Titupi'ana'i ena te tamira'u eta trono, mávi'a'i ema Cordero, tijapumuiri'awaka eta namuiri'ana, tási'a nakarataka'i te nawa'uana eta káchipaka.

Ignaciano

⁹ Tacahe, nímaha­varepa ena camuri­queneana achaneana tiásihana te tamutu avasareana, apaecha­ji­ri­ru­va­queneana. Vaipa titupa­cha­careana eta nasimu­tuvahi. Titupi­hanahi éna te tamirahu eta trono, mávihahi ema Cordero. Tijapu­mui­ri­havaca eta namuirihana. Tásiha eta náurisa­mu­revahi nacara­tacahi te navahuana eta cáchipaca.

Apocalipsis 7:9 Iomraidhean Croise

San Lucas 12:1

Taka'e, te jena sácheana'i, títekaparakanapaichucha ena kamurikeneana achaneana. Tiyututukawanapa, tupiajirikakanapa. Ema Jesús natiwapa maechejika ena maimitureana maichawaka: “Échapawa taye'e eta lewadura eta tasisijisira'i eta masa. Takuti'ichu eta tapareasira'i eta apimirairana'i ena fariséuana.

San Lucas 21:36

Etsekawaicha yátupina. Eyujarauchawa'i támutu sacheana, apaesa tume'énapa eta ekamichiraina tamutu eta juka táichararakawayare, apaesa takuija ekuichirawaina eta ítekapauchiranuya te numira'u nuti Manerejirunu'i ema Viya.”

San Juan 12:13

Tiúrisamureanaine'i. Eta náurisamurewa'i, nave'apa eta tajuru eta káchipaka. Tiyananapa nákapa'i ema. Eta napiarasirapa'i, ánipa naka'e: –¡Pikatiucha'avi Tata! ¡Pikatiucha'avi Tata! ¡Asulupaya piti wanáirukakenevi'i me Viya, pítira Rey-vi'i taye'e eta Israel!

Romanos 11:25

Nuparapenaveana, nuwara'a numetaka'e eta juka tayumururewaini'i, máimimatichakenenu ema Viya. Eta namurakasamurewa'i ena nujaneanana. Té'esera námutupa nasiapa ena apawasana manerejiruana'i, napaenumawainapa ena nujaneanana náesenikayare ema Viya.

Efesios 6:13

Eta taka'e, akasiñawa me Viya eta maitupajijiasirawa, eta maijararu'e'i apasea árata'a eta ekanarairaina te taitekapa eta sache tiñe'ikare, tási'a eta erata'airayare ekanara, enasinapa eta étumechirawayare.

Hebreo 11:12

Taka'e, ema Abraham ichavikachichaipa, mapaenumawapa tikachicha. Tási'a, tiúchukanapa ena kamurikeneana mámariekeneana. ¡Takutipa eta jarairikiana, étapa eta tawaparu te ichape une, tétavikawa'i eta nasimutuwa'i! ¡Waipa natupachakare'ini!

Hebreo 12:22

Étisera tachicha'eanapa puiti eta máwasa ema Viya Vikaiyakene, tikaijare Arairu Jerusalén, eta távi'a'i eta mari Sión te anuma, te náurujisi'awa'i ena kamurikeneana ángeleana eta najirauchira'i ema Viya,

Apocalipsis 11:15

Taka'e, tikachujapa ema tékene'a ángele. Tási'a, tikaemapa muraka te anuma. Ánipa taka'e'i: “Ema tikawanairipiyare te juka apake'e, ema Viya, tási'a émapa ema Cristo, akanewakainapa eta émairayare techa tamutu.”

Apocalipsis 22:3

Tájinapa tímiapechaima'i tiviuchaima'i ena achaneana tikawasana taye'e eta juka awasare, eta máejasi'a'i ema Viya, émapa ema Cordero, tási'a ena mawanarana, máitawakakayare'i eta najirauchirayare'i, étapa eta natsiusirayare.

Apocalipsis 3:18

Eta taka'e nuwara'a nechejirikavi piwachareka nuye'e eta uru tiurinakene takaijukenepa yuku, apaesa yátupina pikaima'akene. Piwacharena nuye'e eta pimuiri'aina tijapu eta pikamuiri'a apaesa taepakucha eta pitsirira eta mamuriarevira, étapa eta pipurujina te piuki'a apaesa pimairirika.

Apocalipsis 4:4

Te távi'a'i eta ichape trono, tavikuaka'iware eta véinticuatru trono. Natiari'iware ena véintikuatruanaware téjakana'i taye'e, víyara'ana tuparairukana: tijapu amairi'a eta namuiri'ana. Namutu tikaye'eana'i corona te nachutiana, amairi'a'i uru.

Apocalipsis 5:11

Tási'a, nusamawarepa eta na'u ena kamurikeneana ángeleana nachayaka'i eta trono, eta návi'a'i ena kuatrukeneana ekutiarareana, énapa ena tuparairukana. Tétavikawa eta nasimutuwa'i ena,

Apocalipsis 5:9

Tijirana'i eta juka jirasare arapiru, ánipa naka'e: “Pikarichu píti tituparakavi'i eta pikaratasirayare eta ajureka, pivepistasirayare eta taye'eana sello, Tituparakavi'i taicha píjarakawa'i píti tímikapakavi'i, eta pepusaisira'i eta pítine eta viwacharesira'avi'i vimutu te mamira'u ema Viya víti apaimamajikene'avi'i te juka apake'e, apánapaneneji'iware eta vechejiriruwa. Apawasana te juka apake'e.

Apocalipsis 6:11

Taka'e tikaijarakasianapa eta namuiri'anayare'i eta tijapu. Tikametakasianapa nanara'asiranumayare apaesaina'i. Tiámainukawayare'i te tiyuritikawapa eta natupayare ena nachamuriana nakaparuanayarecha'aware ena té'ikana'i ema Cristo.

Apocalipsis 7:8

doce mílware tikasellana'i ena machichanavékeneana ema Zabulón, duce mílware ena machichanavékeneana ema José, doce mílware ena machichanavékeneana ema Benjamín.