Apocalipsis 7:4 - Táurinakene máechejiriruwa’i ema Viya tikaijare

⁴ Tási'a, te tamutupa eta nasellaresira'i, nusamapa eta natupa ena 144,000 eta nasimutuwa. Nási'akeneana'i naye'e ena dósemurikeneana israelítana.

Ignaciano

⁴ Tásiha, te tamutupa eta nacama­rcai­ra­vacahi, nusamapa eta natupa ena nacama­rca­que­nea­naripa. 144,000 eta nasimutuva. Násiha­que­neanahi nayehe ena dócemu­ri­queneana israelítana.

Apocalipsis 7:4 Iomraidhean Croise

San Mateo 19:28

Ema Jesús majikapawakapa: –Nutupiruwa numetaka'e járajapayare eta sachewayare, takaitsiwairayare tamutu. Te maejakapa ema Machicha ema Ajaira te maejasi'ayare te tajara'ikene majarapi. Taka'e eti e'ikanuana'i éjakainapa taye'e eta dósekene Majarapi, éjakainapa taye'e eta ekatupara'airaya, étinapa ewanerekaya naye'e ena dósemurikeneana israelítana.

San Lucas 14:22

Te tichawapa ema makajurure, mametakapa ema mákenu: ‘Tata, nítauchaipa eta juka piwanairipi'i. Jukaicha'asera eta juka téjasi'akareana.’

San Lucas 22:30

tási'a étinapa enikayare erayare te numesara te navi'a'i, éjakainapa taye'e eta ekatupara'airaya, étinapa ewanerekaya naye'e ena dósemurikeneana israelítana.”

Hechos 26:7

Vimutu viti tachichanaveana'i eta viawapairu Israel, vikuchapawa'i eta juka táitauchirawaya eta máijararu'aviya ema Viya. Eta taka'e'i, rey Agripa, tamutu'i sacheana, yátiana vítati'i ema Viya, táichavene'i eta nukuchapirawa'i, timetauchanuana'i puiti.

Romanos 9:27

Énasera ena nujaneanana juriyuana, ánipa maka'e ema Isaías: “Tayanapane natiari'inapuka ena namairiekenena taye'e eta awasare Israel tayanapane kamurianaina nakuti eta tawaparu te tachausi eta ichape une matupanavene, animurianayarechu'i ena tiuchuku'anayere,

Santiago 1:1

Nuti Santiago, mawanaranu'i ema Viya, emapa ema Viákenu Jesucristo. Nuwara'a nukaitekapa eta juka néchejiriruwa eye'e emutu eti nujaneanana israelítana éjanerepairuana'i te tamutu awasareana.

Apocalipsis 14:1

Níma'apa ema Cordero, titupi'a'i te tikaijare'i Sión. Te machakaya natiari'i'i ena 144 mil keneana ena achaneana ena té'ikana'i ema. Ena tatiari'i'i eta naikutiara'i te nana'uana eta máijare ema Cordero émapa ema Maiya.

Apocalipsis 14:3

Tási'a tijirana'i eta arapiru'i najirasa'i te tamira'u eta te trono, tási'a étapa te návi'a'i ena kuatruana ekutiarareana, énapa ena víyakara'ana. Nájina apanaina títukaina eta najirasa'i. Nakarichu títukana'i ena ciento cuarenta y cuatro mil. Ena nani náuchukureana'i te namuri ena tikawasana'i eta te juka apake'e.

Apocalipsis 7:5

Doce mil ena tikasellana'i machichanavékeneana ema Judá, doce mílware ena machichanavékeneana ema Rubén. Duce mílware ena machichanavékeneana ema Gad,

Apocalipsis 9:16

Tási'a nusamapa eta natupa ena suntaruana tikaperana'i. Dosciento millone eta náichapemuriwa.