Apocalipsis 6:1 - Táurinakene máechejiriruwa’i ema Viya tikaijare

¹ Taka'e, níma'apa ema Cordero te mavepistakapa eta tínapuka sipi sello, tási'a, nusamapa ema émana ekutiarare'i, eta ma'u takutichucha tirure'ucha, ánipa maka'e: “¡Yare, piúchuka!”

Ignaciano

¹ Tacahe, nímahapa ema Cordero te mavepi­stacapa eta tínapuca sello. Tásiha, nusamapa ema émana ecutia­rarehi. Eta mahu tacutichucha tirurehucha. Ánipa macahe: —Yare, piúchuca —macahepa.

Apocalipsis 6:1 Iomraidhean Croise

San Juan 1:29

Te apanapa sache, máima'apa ema Juan eta mapauchirapaipa'i ema Jesús. Taka'e, máichawakapa ena achaneana: “¡Íma'a, márajapa ema Wanairuka me Viya. Ema, tikaepa'ayare eta vipekaturana te juka apake'e!

Hechos 4:20

Víti, wa'i vimatinaima'i eta véchejisi'airaya tamutu eta juka víma'akeneana'i visamakeneana'iware maye'e ema Viakenu.

Apocalipsis 11:19

Taka'e, téjiakapa eta tapajakura eta templo mapena ema Viya tiávi'a'i te anuma, tikaecherapa eta sagrario takaunaiya'i eta echéjirirukawana matratuneana'i ema Viya. Tási'a enewanepa térameka'i, tirurekapa, tiyamurikapa eta apake'e, témirikapa eta uvereki.

Apocalipsis 13:8

Eta akane te tépanawainapa eta apake'e, tatiari'i eta Ajureka tiama eta najukunana ena títarekanaya te apana vítaresira, makarataru'i ema nakaparu'i Cordero, natiari'isera ena apamuriana achaneana tikawasana te juka apake'e, tájina'i eta nájukunaina'ini taye'e eta Ajureka, ena nani ena titsiukanayare eta Útsutsure.

Apocalipsis 14:2

Tási'a nusamapa eta muraka tikaema'i te anuma, takutiyaréni eta muraka tirureka. Tási'a nusamawarepa tikapununeana'i eta kamurikeneana guitarrana.

Apocalipsis 19:6

Nusamawarepa eta na'u ena kamurikeneana achaneana tijajakana'i. Tétavikawa'i eta tamurakawa'i eta najiraira'i. Ánipa naka'e'i: “¡Aleluya! Taicha téjakaipa te máwakure ema Viákenu, Taicha tétavikawa eta máitupajijiasirawa,

Apocalipsis 4:8

Taka'e, ena nani kuatrukeneana, saisi eta napawana. Tikauki'awakaware amairi'a eta napawana. Ena nani, wa'i táechuki'a'ini eta nakunachira'i ema Viya, ema akanewakakene eta máitaresira'i. Tamutu'i sácheana, yátiana naka'e'i: “Santu, Santu, Santu, tétavikawa'i eta pisantuwa, piti Tata, tétavikawa'iware eta pítupajijiasirawa'i, Puiti vi'asulupayachavi'i eta pichaviraya”

Apocalipsis 5:1

Taka'e, te mawa'u waure ema máejaru'i taye'e eta trono, níma'apa makarataka'i eta ichapeme ajureka tikayuruki'i, tikanarakaka'i eta letra te taju'e étapa te tákekume. Tikaipista'i taye'e eta siete sello, táipistaruwana'i.

Apocalipsis 5:12

Énerichuware tijirana muraka: “¡Piti Cordero, piti nakaparu'i, pikarichu tatuparaka'i pijakapayare eta pitupajijiasirawayare etapa eta piurikakarewayare, Tétavikawa eta pímatiekene'aira'i tamutu etapa eta pitumewa'i, Tétavikawa eta pipikauchakarewa'i, tétavikawa eta pikunachakarewa'i, tijara'i visama te vijirauchavi!”

Apocalipsis 5:8

Te makaratakapa eta ajureka, ena nani kuátrukene ekutiarareana, énerichuware ena veintikuatrokeneana víyara'ana tuparairukana tépuyukanapa te mamira'u ema Cordero. Ena nani soverapakeneana, namutuye'e'i te nawa'uana eta arpa étapa eta pusillu, amairi'asera uru, tinika'i eta incienso, táikutiara'i eta táuriwa'i eta nayujarasirana'i ena machanerana'i ema Viya.

Apocalipsis 6:3

Níma'awarepa ema Cordero mavepistakawarepa eta tápinane sello, nusamawarepa ema napinane ena ekutiarareana: “¡Yare, piúchuka!”

Apocalipsis 6:5

Níma'awarepa ema Cordero mavepistakawarepa eta tamapanane sello, nusamawarepa ema namápanane ekutiarare'i, máichapa: “¡Yare, piúchuka!” Níma'apa eta kawayu tikisa, ema tikapera'i makarataka'i eta balanza te mawa'u.

Apocalipsis 6:7

Te mavepistakawarepa ema Cordero eta cuarto sello, nusamapa ema apana panakene ekutiarare'i, máichapa: “¡Yare, piúchuka!”

Apocalipsis 8:1

Te, mavepistakapa ema Cordero eta tékene'a sello taye'e eta Ajureka. Tamutuine'i timatina te anuma. Media urapuka eta tamatinaira.