Apocalipsis 4:2 - Táurinakene máechejiriruwa’i ema Viya tikaijare

² Taka'e, eta nusamira'i, ema Machanewa Viya tíjarakanupa eta nukaikutiarairayare tamutu eta níma'akeneanayare'i. Níma'apa ema Viya, téjaka'i te maye'e trono te anuma.

Ignaciano

² Tacahe, eta nusamirahi eta íchuarapi, ema Espíritu Santo tíjara­canupa eta nucaicu­tia­rai­rayare tamutu eta nímaha­que­nea­na­yarehi. Tíjahú­chavapa nímaha ema Viya, téjacahi te trono te anuma.

Apocalipsis 4:2 Iomraidhean Croise

San Mateo 22:43

Taka'e maichawakapa ema Jesús: –¿Taja'apuka takayema ema David, ema Machanewa Viya eta émaira'i tíjaraka'i eta maitukakene, émasera maicha'iware Tata nákenu? Taicha maka'e'i ema David:

Hebreo 8:1

Tiuri puiti, nuwara'a yátupi ákaikutiara eta juka, tikunachakarepana'i ema téchejiura'i eta viye'e víti, taicha matiari'i te anuma, téjaka'i ema te maye'e trono te mawaure ema Viya,

Apocalipsis 1:10

Te jena sachekene'i lumínkukene'i, ema Machanewa Viya tímechanu'i eta mawara'akeneana tímechanu ema Jesucristo, taka'e'i eta táepanirawa'i eta máimemechiranu'i, tatiwapa nusama'i eta ma'u ema émana te nukeku, muraka eta máechejisiranu'i, tirure'ucha eta nusamira'i takutia'u eta nachuja.

Apocalipsis 12:5

Taka'e, ajaira eta suchicha'i esu esena, ema akenukayare'i taye'e tamutu eta awasareana, makaratakayare eta matsukurupa fiérroki. Etasera eta suchicha naverejisinapa námapa maye'e ema Viya, te mávi'a'i trono.

Apocalipsis 17:3

Taka'e, ema Machanewa Viya tímima'anu'i eta mawara'akeneana tímechanuya ema ángele, ema ángele tiámanupa taye'e eta máwapa'i apake'e. Ánaki níma'apa esu esena téjaka'i te táina'u eta táiñe'ikene sárare, machanewa'i ema Útsutsure, titsi eta táima'i, te táke'e, amairi'a eta ajureka táimijarechawa'i, tímijachawa'i Víyaina'ini, siete eta tachutiana, diez eta taji'uana.

Apocalipsis 19:4

Tási'a, ena véinticuatrukeneana víyakara'ana, énapa ena kuatrukeneana ekutiarareana tépuyumuri'anapa te mamira'u ema Viya, ema téjaka'i te trono, natsiukapa eta nakunachira'i. Ánipa naka'e: “¡Amén! ¡Aleluya!”

Apocalipsis 20:11

Níma'awarepa eta ichapekene trono tijapu, tási'a téjaka'i ema Viya taye'e. Eta nímararasira'i ema, nukamitiakapa. Waipa necha távi'apuka návi'a'i té'epuka anuma, té'epuka apake'e.

Apocalipsis 21:10

Tási'a, ema Machanewa Viya tímima'anu'i eta mawara'akene tímechanuya, ema ángele tiámanupa eta te tápusi eta ichapekene mari anuke'ekene, tímechanupa eta táukupaisira'i te anuma eta awasare Arairu Jerusalén. Tétavikawa'i eta tasantuwa taicha tási'a'i te mamira'u ema Viya.

Apocalipsis 21:5

Taka'e, nusamawarepa eta ma'u ema Viya te maye'e trono ánipa maka'e: “Puiti tépanawapa arairu, tamutupa tikaitsiwa nicha nuti.” Tási'a, ániware maka'e: “Piájuchayare puiti eta juka, taicha yátupikeneya eta táichararakawaya, tamutuyare títauchawa, je'eware eta tisuapakareana.”

Apocalipsis 3:21

Emutu eti ekamichana'i, ímiyanawa'iware eta é'isiranu'i, nuti nukaejaka'ewakayare te néjasi'ayare, takutiyare eta néjasira'i maye'e ema Tata, taicha eta nétumechirawa'i nukamichira'i tamutu.

Apocalipsis 4:10

Énawarepa ena véintikuatrukeneana víyara'ana tuparairukana tépuyukana'i te mamira'u ema Viya, mávi'a'i te maye'e trono. Nakamawa'upa eta naye'eana corona. Titsiurekanaware. Ánipa naka'e:

Apocalipsis 4:5

Tási'a téramemeka, tási'akene'i taye'e eta trono. Nusamaware tirure'uchana'i. Tási'a, tatiari'i'i te tamira'u eta trono eta sipi tijara'iwaka takutiyaréni tanene eta yuku. Ena'i ena sipikeneana arcángeleana maye'eana ema Viya.

Apocalipsis 4:9

Ena ekutiarareana na'asulupayacha'i. Puiti pinasi'ichuware eta viye'e. Píti'ichuware pinasiyare te táitawapa tamutu. Piti pitiari'ikene'i te tépanawainapa eta apake'e.

Apocalipsis 5:1

Taka'e, te mawa'u waure ema máejaru'i taye'e eta trono, níma'apa makarataka'i eta ichapeme ajureka tikayuruki'i, tikanarakaka'i eta letra te taju'e étapa te tákekume. Tikaipista'i taye'e eta siete sello, táipistaruwana'i.

Apocalipsis 5:13

Nusamaware eta ta'u tamutu eta máepiyaruana'i ema Viya, eta tiávi'ana'i te anuma, étapa eta tiávi'ana'i te apake'e, énerichuware eta tiávi'ana'i te ama'e eta apake'e, étapa eta tiávi'ana'i te ichape une. Ánipa taka'e'i: “¡Ema tejaka'i te maye'e trono, ema tikaijare, Cordero, eti, tétavikawa eta ekunachakarewa'i. Eti, tétavikawa eta epikauchakarewa'i máitawakakayare eta vitsiusira'eyare!”

Apocalipsis 6:16

ánipa naka'e: “¡Vikavi eta ichapekeneana mari, apaesa wa'i makuima'a'avi ema Viya, apaesa viúchuku'a taye'e eta táiñe'ikene máikuñaraki ema Cordero!