Apocalipsis 4:1 - Táurinakene máechejiriruwa’i ema Viya tikaijare

¹ Te táekenepa eta juka, níma'awarepa téjiaka'i eta anuma; nusamawarepa eta ma'u ema, émaichu'i ema tínapuka'i téchejikanu'i. Tirure'ucha eta ma'u. Tíchu'anupa, ánipa maka'e: “Yare, piápana. Nuwara'a nímechaviyare eta táicharakawayare puiti juka vikaiju'eyare.”

Ignaciano

¹ Te táequenepa eta juca, nímaha­varepa eta téjiacahi eta anuma. Nusama­varepa eta mahu ema émarichuhi ema tínapucahi téchaji­canuhi. Tirurehucha eta mahu. Tíchuhanupa, ánipa macahe: —Yare, piápana. Nuvaraha nímecha­viyare eta táichara­ca­vayare puiti juca vicaiju­heyare —macahepa.

Apocalipsis 4:1 Iomraidhean Croise

San Mateo 3:16

Te titawapa eta makaikachasira'i ema Jesús, tiúkupaikapa te une, tási'a, tíja'uchawapa téjiaka eta anuma, máima'apa ema Machanewa Viya tiúkupaikapaipa'i, mawasima'ipaipa eta paluma, tavenesikapa ema Jesús.

Marcos 1:10

Te tamutupa eta makaikachasira'i ema Jesús, tiúkupaikapa te une, tási'a, tíja'uchawapa téjiaka eta anuma, máima'apa ema Machanewa Viya tiúkupaikapaipa'i, mawasima'ipaipa eta paluma, tavenesikapa ema Jesús.

San Lucas 3:21

Taka'e ema Juan te maikachasikaipa'i namutu ena achaneana, ema Jesús maitekapauchapa mawaraira'i tikaikachasi ema apanaware. Taka'e, te tamutupa eta makaikachasira'i, mayujarasira'i. Tíja'uchawapa tejiaka eta anuma.

San Juan 16:13

Te máitekapapa ema Machanewa Viya, émainapa timimaticha'eyare eta yátupikeneana, wa'i tasi'akenema'i te machuti eta maechejiriruwaya, ema timetaka'eyare tamutu eta masamakenaeana'i, émainapa timinekapa'eyare tamutu eta taiparakana étapa eta íchawakenewanayare.

Hechos 10:11

Maima'apa tejiaka'i eta anuma tási'a máima'aware eta tiúkupaikapa'i eta te mávi'a'i ema, takutiyaréni eta ichape sáwana, tikaitiapusiwakapa'i te tapusime.

Hechos 7:56

Taka'e, ema Esteban máichawakapa ena achaneana natiari'ikeneana'i: –Ésenika te anuke'e, nuti níma'a'i eta anuma téjiaka'i, émapa ema Jesucristo, máena'i titupi'a'i te mawaure ema Maiya.

Apocalipsis 1:10

Te jena sachekene'i lumínkukene'i, ema Machanewa Viya tímechanu'i eta mawara'akeneana tímechanu ema Jesucristo, taka'e'i eta táepanirawa'i eta máimemechiranu'i, tatiwapa nusama'i eta ma'u ema émana te nukeku, muraka eta máechejisiranu'i, tirure'ucha eta nusamira'i takutia'u eta nachuja.

Apocalipsis 1:12

Taka'e, néviurukawapa, nuwara'apa níma'ayare'i ema téchejikanu'i, tási'a, níma'apa eta sipi kandeleru, amairi'a uru,

Apocalipsis 1:19

Piti Juan, piájuchayare eta juka píma'akeneana'i: puiti juka tatiari'ikeneana étapa eta táichararakawayare nímechakeneviyare taekenereruanayare.

Apocalipsis 11:12

Taka'e, ena nani apinana profetana nasamainapa eta ma'u ema tíchu'awaka'i te anuma, muraka eta ma'u eta máichuirawaka'i: “¡Yare, íteka, iápana!” Taka'e, járajapapa eta úkaji táepanawakapa ena, támapa te anuma, ena nanarana'i náimararakaipa eta nayanira'i.

Apocalipsis 11:19

Taka'e, téjiakapa eta tapajakura eta templo mapena ema Viya tiávi'a'i te anuma, tikaecherapa eta sagrario takaunaiya'i eta echéjirirukawana matratuneana'i ema Viya. Tási'a enewanepa térameka'i, tirurekapa, tiyamurikapa eta apake'e, témirikapa eta uvereki.

Apocalipsis 16:17

Ema tékene'a ángele nasietene'i máepusaikapa eta maye'e escudilla te anuke'e, tási'a, nusamapa muraka eta ma'u ema Viya tiási'a'i te trono taye'e eta mapena ema Viya, tási'a ánipa maka'e: “¡Títauchawapa puiti tamutu!”

Apocalipsis 19:11

Níma'awarepa eta anuma téjiaka'i, tási'a tiúchukapa eta kawayu tijapu. Eta máijare ema, yátupikene títaura'i, taicha ema, tatupiruwa eta ma'akenukawa'i.

Apocalipsis 22:6

Máichanuwarepa ema ángele: “Eta juka nímeruvi'i, yátupikeneya eta, tamutuyare títauchawa, je'eware eta tisuapakareana. Taicha émaichu'i ema Viákenu Viya ema timitukawaka'i ena profetana akaneni, mawa'aka'i ema machanewa Viya, mawaneka'i ema ángele, ema timitukawakayare'i, ena mawanarana ema Viya, eta tane'irainapa titauchawa tamutu.”