Apocalipsis 3:3 - Táurinakene máechejiriruwa’i ema Viya tikaijare

³ Péchawayare tamutu eta pímitukasiwana'i. Te wa'i pikuetupirika eta pipanereruana, nútijapaya tíja'uchawayare eta nítekapirayare nukutiyare eta maitekapira ema tiamera'i.

Ignaciano

³ Puítisera, éneucha­vayare apaesa tacuijapa ecuichi­ravaina. Échavayare éti tamutu eta ímitu­ca­si­vanahi. Yátupina eta éhisiraya. Te vahi ecuetu­pi­ricava eta epane­reruana, nútija­payare tíjahú­cha­vayare eta níteca­pi­rayare némecha­re­pa­naheya.

Apocalipsis 3:3 Iomraidhean Croise

San Mateo 25:13

Eta taka'e ekuneuchawa etsekawa'i eti –tási'a maka'ewarepa ema Jesús–, taicha wa'i echa taja'apuka jákani sacheyare eta nuchavirayare núti Manerejirunu'i ema Viya.

Marcos 13:33

“Eta taka'e, ekuneuchawa etsekawa'i eti, eyujarauchawayare. Taicha wa'i echa taja'apuka jákani sácheyare eta nuchavirayare núti Manerejirunu'i ema Viya.

Marcos 13:36

machu níja'uchawa nítekapaucha'e, wa'iware nawara'a nuchimaraka'e eta ímaka'ipuka. Taicha wa'i échaima'i tájamu'upuka nítekapayare nuti iákenunu.

1 Tesalonicenses 5:2

Takutiyare mákani tiámereka te yati, nájina tinekapaina, ene taka'eyare eta máitesirayare ema Viákenu, wá'isera vécha tájamu'uyarepuka.

1 Timoteo 6:20

Tiuri puiti, Timoteo, péperajika yátupina eta juka vímitukasiwa'i maye'e ema Jesucristo taicha takapika'ukene'i ichape. Wa'i pikujikapawaka ena nákani téchejisi'ana eta tájiparakana, tékatikawanachucha, wá'isera pikujikapa ena nákani nawara'a tikanaraemachaviana, ena nani tímijachawana'i náimati'íji eta táurikeneana, tási'asera ichape nayere'i eta náe'isiraina'ini ema Viya.

2 Timoteo 1:13

Píti apana, eta pé'ikayare eta juka yátupikeneana nímiturapiana'i piye'e, tájina wa'i pi'apapikaima'i. Yátupina pisuapa, yátupina eta pémunaraiwaina taicha tiáwa'akavipa ema Jesucristo.

Hebreo 2:1

Eta taka'e, tituparaka'e yátupina eta ekarawa'uiraya eta ímitukasikeneana'i, machu émitisika, machu étaina taviucha'e eta iuchukuiraina.

2 Pedro 1:13

Németeaka nétupikawa'i eta juka nechejirisira'e'i puiti juka nítaresiraicha'a te juka apake'e.

2 Pedro 3:1

Némurarukeneana nuparapenaveana, api'epa puiti nímiamareka eta juka najure, eta táechejiriruwa'i eta apinakene najureana, nuwaraira'i nechejirika'e, apaesa takuija ta'apapika'e eta é'isira'i ema Viákenu.

2 Pedro 3:10

Te táitekapapa eta sache táitaviraya tamutu maicha ema Viya, wa'i vinekapauchawaima'i, taicha makutiyare mákani achane tiámera'i eta máitesira. Eta anuma, étapa tamutu eta táwapa'iana'i, tamutuyare témitiakayare. Tikaemayare muraka, takutiyare eta takaemaira eta ichapekene yuku te taijucha eta ichape kuricheji. Étapa eta tiávi'ana'i te apake'e, tamutuyare'i títawa, énapa ena táwapa'iana'i.

Apocalipsis 16:15

“Nuti, tíja'uchawaya eta nítekapauchira'eyare eti. Wá'isera tánekapakarema'i eta nítesira, eta taka'e, tétavikawa eta iúrikakarewaya te ekunewa'i, machu ímakariana eta nuchimapira'eyare, etsiri'akareipa.”

Apocalipsis 2:25

Ísmiyanawachuchasera eta esuapira eta ímatikenepa'i, tiamainukawa te nuchawa.

Apocalipsis 2:5

Taitusiawa puiti nuwara'a, tachawa eta pémunaraiwa'i. Péñauchawa tatiwaina, apaesa píchaware eta táurikeneana takuti eta akane. Te wa'i pikuetupirikawa, nútijakaruwayare níteka, nítsiwachayare eta kandeleru íkutiara'i eye'e.

Apocalipsis 22:7

“¡Níja'uchawanenapa nútijapa! ¡Tétavikawa eta náurikakarewaya ena tisuapana'i, napanerekene'aira'i eta nametarapi, te juka Ajureka maechejiriruwa ema Viya!”

Apocalipsis 3:11

Tiáne'ipa eta nuchaviraya. Petumechawaya eta pé'isira'i, machu pémepurureka pijakapirayare eta píkuchi'i.

Apocalipsis 3:19

Nuti netupirikaya eta napanereruana namutu ena némunaruana te náejekapawa. Éñauchawaware, apaesa takuija ekuichirawaina.

Apocalipsis 3:2

Pikuneuchawayare apaesa wa'i pikuemitiaka eta pé'isiranu'i. Taicha nímararaka'i nuti wa'i tátupiruwa'ini eta pisamure, eta pikaemataneasira'i ema Tata.