Apocalipsis 3:12 - Táurinakene máechejiriruwa’i ema Viya tikaijare

¹² Emutu eti ekamichana'i, ímiyanawa'iware eta é'isiranu'i; nítsirijikawayare eye'e. Máichekuarakireyare eta ekachaneraya ema Tata te máwasa. Iámayare eta máijare, étapa eta níjare arairu. Iámayareware eta táijare eta arairu Jerusalén, taicha tachicha'ewakaya.

Ignaciano

¹² “Emutu eti ecami­chanahi, ímiya­na­va­hivare eta éhisi­ranuhi; nítsiri­ji­ca­vayare eyehe. Máichecua­ra­qui­reyare eta ecacha­neraya ema Tata te mávasa. Iámayare eta máijare, étapa eta níjare arairu. Iámaya­revare eta táijare eta arairu Jerusalén, taicha tachicha­he­vacaya.

Apocalipsis 3:12 Iomraidhean Croise

Marcos 12:16

Ena náminapa, tási'a ema Jesús máichawakapa: –¿Nája'a tikaijare eta juka, nája'aware tikawasima'i eta juka mirare eta te juka reale? Ena najikapapa: –Maye'e ema akenuka emperador.

Gálatas 2:9

Ema Santiago, ema Pedro émapa ema Juan tímiyanawanayare tímiturekana'iware ena israelítana, tépurunuanaichuchapuka eta náimairanu'i, tayanapanesera wá'ipuka nujakapakare'i naye'e eta apústulenuira'i, nútisera nécha'i eta manerejisiranu'i ema Viya eta apústulenuirayare.

Efesios 3:15

ema, táiyakene'i tamutu eta anuma. Émaichuware técha'i tamutu te juka apake'e.

Hebreo 12:22

Étisera tachicha'eanapa puiti eta máwasa ema Viya Vikaiyakene, tikaijare Arairu Jerusalén, eta távi'a'i eta mari Sión te anuma, te náurujisi'awa'i ena kamurikeneana ángeleana eta najirauchira'i ema Viya,

Hebreo 13:14

Taicha te juka apake'e, wa'i apajaraima'i eta viawasa'i. Víyana vitanuka eta viawasaya arairuyare. Tétavikawa eta vijamurachira'i viyápawane.

1 Juan 4:4

Nuchichanavechichana, eti machicha'e ema Viya, eti ekapakechaipa ena naenana tepiya'ira'iana, taicha ena tawa'aka'e eti ema tapajupanawa'i titupajijiapanawa'i maye'e ema tiavi'a te juka apake'e.

Apocalipsis 14:1

Níma'apa ema Cordero, titupi'a'i te tikaijare'i Sión. Te machakaya natiari'i'i ena 144 mil keneana ena achaneana ena té'ikana'i ema. Ena tatiari'i'i eta naikutiara'i te nana'uana eta máijare ema Cordero émapa ema Maiya.

Apocalipsis 17:14

Taka'e, ena nani nakanarainapa ema Cordero, wá'isera nárata'aima'i, máita'akawakayare'i ema Cordero. Taicha ema, yátupikene'i Rey, Akenuka'iware, mawaneka'i ena reyeana énapa ena akenukana, natiari'iyarewa ena makachanekeneanayare ema, nakanerejikene'i eta máichuira'i ema Viya, taicha, yátupi'i eta náe'isira'i ema.”

Apocalipsis 2:11

¡Ema samara'i masamayare ema Machanewa Viya eta makayemakene'i taye'e ena pichamuriana! Nakaini tita'arekanayare wa'i tikatajiwaima'i taye'e eta taiñema'ikeneana, étapa eta tapechirawayare eta naepenira.’

Apocalipsis 2:17

¡Ema tikakiña masayare eta makayemakene ema Machanewa Viya naye'e ema pichamuriana! Enasera ena tita'arekanayare nijarakayare eta nanikayare eta maná, nijarakayareware eta marichi tijapu, eta taye'e marichicha tikajuyare eta taijare arairu, najinasera timatina makarichu ema tijachapayare maimatiyare eta taijare.

Apocalipsis 2:7

¡Ema Machanewa Viya tímituka'eyare eta juka mametarapiana eti nuchanerana'i! Emutu eti ekamichana'i, ímiyanawa'i eta é'isiranu'i, nukasiapa'eyare te paraíso íkumuna'i me Tata. Nénika'eyare eta ta'i, eta yukuki tiama'i eta táurikakarewayare eta ítaresira.

Apocalipsis 21:2

Tási'a, níma'awarepa eta tiúrina awasare, tikaijare'i Arairu Jerusalén, tétavikawa'i eta tasantuwa, taicha tási'apa'i te anuma te mávi'a'i ema Viya. Tiúrinapa'i eta takaetupiri'ira'i, takuti'i te tikaetupiri'i esu araimayare.

Apocalipsis 22:4

Naimararakayare te mamira tamutu sacheana. Tási'a namayare eta máijare te nana'u.

Apocalipsis 3:5

Emutu eti ekamichana'i, ímiyanawa'iware eta é'isiranu'i, níjaraka'eyare ekamuiri'ayare eta tijapu. Wáipa nukaepa'aima'i eta íjareana taye'e eta libro tiama eta íjareana ena náitareruanayare. Nímimaticha'eyare te mamira'u ema Tata, etapa te namira'u ena ángeleana.