Apocalipsis 3:11 - Táurinakene máechejiriruwa’i ema Viya tikaijare

¹¹ Tiáne'ipa eta nuchaviraya. Petumechawaya eta pé'isira'i, machu pémepurureka pijakapirayare eta píkuchi'i.

Ignaciano

¹¹ ¡Tiánehipa eta nuchaviraya! Étume­chavaya eta éhisirahi, machu émepu­rureca ejaca­pi­rayare eta ícuchia­nayare.

Apocalipsis 3:11 Iomraidhean Croise

1 Corintios 9:25

Enapa ena tikavijaruanayare eta peluta tijaneakawanayare'i muraka, ichape eta tikarawa'unumanayare apaesa túmeanainapa eta narata'airaya navereasi'aya ena nánaranayare'i, najakapainasarepa eta naikuchi'i, wa'ineni tayerema'i eta, vitisera ichape eta vétumechirawayare apaesa tauri eta vikaemataneasiraya ema Viákenu, vijakajakapasarepa eta vikuchi'i maye'e.

Filipenses 4:5

Námutu'ini ena achaneana náimati'e'ini eti eta táetaviuchira'i eta iúriwa. Taicha ema Viákenu, tiáne'ipa eta máitesiraya.

2 Timoteo 2:5

Eta juka takuti'i ena tijunapanayare chururiranayare, te wa'i naimitunawacha eta nake'e eta najunapirayare waipaine'i kachurirekanaima'i eta najunapiraya.

2 Timoteo 4:8

Puiti etanecha nukuchapa'i eta jena sácheyare eta máijarasiranuyare eta níjarakasiya me Viákenu, taicha eta né'isira'i yátupi. Ema, máitauchayare'i eta máijarasiranuyare eta níkuchi'i maye'e. Wá'iwaresera nákarichuima'i nuti nukaijarakasiyare. Éneichuwa máijarakayarewa namutu nákani tikuchapana'i eta machaviraya.

Santiago 1:12

Tétavikawa eta náuriwayare nákani vichamuriana tikamichana'i tamutu eta nátajiwana'i, járajapayare eta sacheanayare eta najakapiraya eta naikuchi'i táitsiwayare'i maicha ema Viya, máijarakainapa eta táuriwayare eta náitaresirayare, taicha tikunachakareana'i, taicha maitauchayare'i eta mapanereru'i ema Viya naye'e ena témunakana'i ema.

Santiago 5:9

Nuparapenaveana, wa'i ekukicha eta tájiparakana naye'e ena echamuriana. Wá'isera ekuemeteaka ena, apaesa takuija eta táimikatsiriaka'e te ekayasesere'ipa te mamira'u ema Viya. Échaichu'i eti eta táne'irapa eta máuchujisirayare ema Juez, ekayasesere'inapa.

Apocalipsis 1:3

Tétavikawa eta náurikakarewaya ena téchejiku'anaya eta juka máechejiriruwana'i ema Viya. Éneichuware tétavikawa eta náurikakarewaya namutu ena tisamanaya tisuapanaya eta juka. Taicha tiáne'inapa eta táitavirayare tamutu.

Apocalipsis 16:15

“Nuti, tíja'uchawaya eta nítekapauchira'eyare eti. Wá'isera tánekapakarema'i eta nítesira, eta taka'e, tétavikawa eta iúrikakarewaya te ekunewa'i, machu ímakariana eta nuchimapira'eyare, etsiri'akareipa.”

Apocalipsis 2:10

Wa'i ekupika eta ekatajiwairaya, numetaka'e, ema wínaraji tímisiapa'eya te cárcel eta máitsamaresira'eya te tíminajika'eyarepuka, ekamichachuchasera, taicha diez sache eta ekatajiwairayare, nutuparaka'echa. Ejikapaikayare tayanapanepuka nakapaka'e nuti níjaraka'eyare eta táitsiwayare, tiúriyare eta ítaresiraya.

Apocalipsis 2:13

Nuti nímati tamutu eta píchakeneana'i, eta piavi'aira'i te mawasa ema Wínaraji, wá'isera ínajikawa'ini, étumechawaichucha eta é'isiranu'i nuti. Étaipa te íma'apa eta nakapasira'i ema nuchaneraini Antipas, yátupikene'i eta masuapiranu'i ema, ena machanerana'i ema Wínaraji nakapaka'i ema te jena iávi'a'i eti.

Apocalipsis 2:25

Ísmiyanawachuchasera eta esuapira eta ímatikenepa'i, tiamainukawa te nuchawa.

Apocalipsis 22:12

Ániware maka'e ema Viákenu: “Nútijapawanenapa, namayarepa'i eta náijarakasianayare, émanaichusera tijakapayare eta naikuchi'i, etapasera tiamayare eta naichakeneana'i te tiuripuka wa'ipuka, ena tikaemataneakanuana'i eta náitaresira'i te juka apake'e, éneichuware námayarepa'iware eta naye'eanayare ena masuapajiraira'ana.

Apocalipsis 22:20

Mákani títametaka'i eta júkana, maka'e'i: “Tiuri nútijapawaneyare.” Amén ¡Yarepa, Tata Jesús!

Apocalipsis 22:7

“¡Níja'uchawanenapa nútijapa! ¡Tétavikawa eta náurikakarewaya ena tisuapana'i, napanerekene'aira'i eta nametarapi, te juka Ajureka maechejiriruwa ema Viya!”

Apocalipsis 3:3

Péchawayare tamutu eta pímitukasiwana'i. Te wa'i pikuetupirika eta pipanereruana, nútijapaya tíja'uchawayare eta nítekapirayare nukutiyare eta maitekapira ema tiamera'i.

Apocalipsis 4:10

Énawarepa ena véintikuatrukeneana víyara'ana tuparairukana tépuyukana'i te mamira'u ema Viya, mávi'a'i te maye'e trono. Nakamawa'upa eta naye'eana corona. Titsiurekanaware. Ánipa naka'e:

Apocalipsis 4:4

Te távi'a'i eta ichape trono, tavikuaka'iware eta véinticuatru trono. Natiari'iware ena véintikuatruanaware téjakana'i taye'e, víyara'ana tuparairukana: tijapu amairi'a eta namuiri'ana. Namutu tikaye'eana'i corona te nachutiana, amairi'a'i uru.