Apocalipsis 3:10 - Táurinakene máechejiriruwa’i ema Viya tikaijare

¹⁰ Piti, pítaucha'i eta nuwanairipi eta pikamichiraya tamutu, eta taka'e, nujaneakaviya nuti apaesa wa'i takuimive'avi te táitekapapa eta natajiwanayare namutu ena achaneana táwapa'iana'i te juka apake'e.

Ignaciano

¹⁰ “Éti, ítauchahi eta nuvanairipi eta ecami­chiraya tamutu. Eta tacahe, nujanea­caheya núti apaesa vahi tacuimi­vehahe te táitecapapa eta nucaete­ma­ji­ri­si­ra­va­cayare namutu ena achaneana távapa­hianahi te juca apaquehe.

Apocalipsis 3:10 Iomraidhean Croise

San Mateo 24:14

Tási'a eta juka tiúrina techakare, tikámetakasiyare tamutu awasareana, apaesa naimati namutu ena tiavi'ana'i te apake'e, te taekenepa eta juka titekapainapa eta taitaviraya eta apake'e.

San Mateo 26:41

Éjamiuchawa, eyujarauchawa apaesa eyaseaka ema Viya eta etumewaina wa'i makuituruka'e ema Wínaraji. Yátupi'ineni eta iáchanewana tarata'a'i tikaratakawa, étasera eta eche, wa'i tarata'aima'i tikaratakawa.

San Mateo 6:13

Wa'i pikuisapa'avi vicha eta tamaurikeneana pikatiucha'avi maye'e ema wínaraji.’

Marcos 14:9

Nutupiruwa numetaka'e, nákani tikametarairuanayare eta tiurinakene echéjirirukawa, náechejisi'ayare eta juka suíchakene'i esu suka esena, témechanayare tamutu awasareana te juka apake'e.

San Lucas 2:1

Taka'e, te jena sácheana, ema emperador Romano Augusto, makawanairipipa nakuchuka eta wanairipi, nakatupairayare namutu ena achaneana te awasareana.

San Juan 17:6

“Nítamuturukaipa'i eta nímitusirawaka'i ena píchu'akeneana'i píjararunuana'i píti, nímimatichawaka'iware eta piúriwa'i píti. Yátupi'isera eta pichichanaveana'i ena, taicha nasuapa'i eta nímiturapiana píjararunuana'i nuti.

Romanos 1:8

Nuti, tétavikawa'i eta nukunachira'i ema Viákenu Jesucristo, nu'asulupayacha'i ema Viya íchavene'i emutu eti, namutu ena achaneana te awasareana téchejisia'eana'i eta yátupira'i ekasiñawaira'i maye'e ema Viya.

1 Corintios 10:13

Puiti juka eta vítaresira, jarari'i eta tawara'a témejekapawacha'avi, wa'isera ekuarami'ini, taicha eta taka'e'i eta maichararakawa'i namutu ena achaneana te juka apake'e. Ekasiñawayaresera muraka maye'e ema Viya, taicha yátupi eta makasiñakarewa'i ema, waipa máisapaima'i táwayuchawa'ichaini eta tapamisira'e. Jé'esare ema, tíjaraka'enapa eta etumewayare, ekamichirayare tamutu.

Efesios 6:13

Eta taka'e, akasiñawa me Viya eta maitupajijiasirawa, eta maijararu'e'i apasea árata'a eta ekanarairaina te taitekapa eta sache tiñe'ikare, tási'a eta erata'airayare ekanara, enasinapa eta étumechirawayare.

2 Timoteo 2:12

te vetumechawa eta vikatajiwaira, visiapayere te mawasa ema Viakenu; te'esera te vitsiri'aka ema Viya ema apanaware titsiri'aka'aviyare ema;

Santiago 3:12

Takutikene wa'i tiúchukaima'i eta aceite taye'e eta ta'i eta yana. Étaipa eta narasa, wa'i tiúchukaima'i eta ta'i siñáve'inapa'ini. Ene taka'e'i eta une, wa'i tajututuruka'ini te apake'e eta tipachina une takachanepa'ipukaini eta ticheveama.

1 Pedro 4:12

Némunarukeneana nuparapenaveana, wa'i ekuarami eta murakairaya eta iátajiwanayare, tímikutijirikawayare'i táramikare'ini eta eye'e.

2 Pedro 2:9

Eta taka'e, ema Viya tétavikawa'i eta makatiuchira'avi puiti, tikuchuku'a'avi eta viatajiwana viti vé'ikana'i ema, taye'e eta viátajiwana, énerichuware yátupi'i matsekaipa eta náikuñayare nákani achaneana masuapajiraira'ana'i.

Apocalipsis 1:9

Nuti Juan, núti'ichu echamurinu'i, núti'ichuware ekutikenenu'i eta nawa'asira'i ema Viya, taye'e eta vikatajiwaira'i, vikamicha'isera tamutu taicha tétumecha'avi'i ema Jesús. Taichavene eta vikametarairuira eta maechejiriruwa ema Viya, eta nukawana'ira'i ánaki tejena tiurupu'i tikaijare Patmos.

Apocalipsis 11:10

Ena achaneana, natiari'ikeneana te tamutu awasareana ena tiúrisamureanaya eta náimairaya ena, eta naepeniraipa. Tikapiestaranainapa, tíjarakasichakakanainapa eta námawa'uana, taicha títawanaipa ena apinana profetanaini, taicha éna'i ti'apapirikana'i eta náichira'i eta tamaurikeneana.

Apocalipsis 13:10

“Mákani témeratakayare ema apana, énerichuware tikaeratayare ema apanaware, mákani tikapareka'i, nakapakayarewa ema.” Eta taka'e, tikaecherainapa ena yatupikeneana tikasiñawana me Viya, eta nakamichirayere eta nakatajiwarayare, nákani machanerana ema Viya.

Apocalipsis 13:14

Ichape eta náramira'i, étavene'i eta juka táimeresira'i eta tiáramikareana, étainapa tiwayuakaya ena achaneana, tisuapakarenapa titsiukakarenawarepa eta Útsutsure, taicha náima'a'i eta tanarasira'i eta tajara te tumare; tiápechawa títareka'i, taka'e, makawanairipipa náepiyakaya eta máima'i ema Útsutsure, nasiñarajiya.

Apocalipsis 13:8

Eta akane te tépanawainapa eta apake'e, tatiari'i eta Ajureka tiama eta najukunana ena títarekanaya te apana vítaresira, makarataru'i ema nakaparu'i Cordero, natiari'isera ena apamuriana achaneana tikawasana te juka apake'e, tájina'i eta nájukunaina'ini taye'e eta Ajureka, ena nani ena titsiukanayare eta Útsutsure.

Apocalipsis 14:12

¡Eta taka'e, ena machanerana'i ema Viya, ena tisuapana'i eta mawanairipiana, túmesamureanayare eta náe'isiraya ema Jesús, puiti nakamichayare'i tamutu!

Apocalipsis 14:6

Níma'awarepa ema émana ángele tiárarairika'i, tikametarapi'i eta tékene'a mametarapi eta máichuaresira'i eta náeñauchirawaina ena achaneana tiáviana'i te tamutu awasareana, apaechejiriruwakeneana. Máitawakakainapa eta náitaresiraya nákani ena tisuapana'i.

Apocalipsis 16:14

Ena'i ena nachanewana ena ereanana, ena tíchana'i eta tiáramikareana tawayuarakiana'i naye'e ena akenukana te tamutu awasareana, nawaraira'i nakurujikawakayare, eta nae'akakairayare'i te taitekapapa eta jena sache masachera ema Viya máitupajijiakawakene'i.

Apocalipsis 17:2

Ena akenukana te juka apake'e namutu'i suíturukawaka sukachanewaka ena, suíchu'aware ena suwara'akeneana'i suíturukawaka taye'e tamutu eta tájiparakana tamaurikeneana, maichanupa.”

Apocalipsis 17:8

Eta juka sárare píma'akene'i, tanasikeneipa'ineni akane, tájinaipa'isera puiti, tiúchujikayarewaresera tási'aya taye'e eta táupenakene pusu, te tane'ipa eta takaikuñairayare pajarainapa. Ena achaneana tikawasana'i te juka apake'e, namutu ena tájina'i eta nakaju'ini taye'e eta Ajureka te tepanawainapa eta apake'e, ichape eta náramesirayare, te naima'apa eta Útsutsure, tanasikeneni'i akane, puitisera tajinaipa'i, tichawayaresera titareka.

Apocalipsis 2:10

Wa'i ekupika eta ekatajiwairaya, numetaka'e, ema wínaraji tímisiapa'eya te cárcel eta máitsamaresira'eya te tíminajika'eyarepuka, ekamichachuchasera, taicha diez sache eta ekatajiwairayare, nutuparaka'echa. Ejikapaikayare tayanapanepuka nakapaka'e nuti níjaraka'eyare eta táitsiwayare, tiúriyare eta ítaresiraya.

Apocalipsis 3:8

Nuti nímati eta píchakeneana'i eta pikaemataneasiranu'i, pima'a, te pimira'u núnaka'i eta tapaja najinasera narata'a naerataka'ini, wa'ichu'ineni pawayuchawa'ini eta pitumewaina'ini, pisuapa'isera eta nechejiriruwa wa'iware peñaucha'ini eta nijare.

Apocalipsis 6:10

Puiti ena, tipiaraikana'i muraka naka'e'i: “Tátachicha, santukenevi'i píti. Yátupikenevi'i eta pikasiñakarewa. ¡Puiti viwara'a pítauchayare eta pitsirijiekene'airayare ena tikapaka'aviana'i te apake'e! Tási'a viwara'apa nakáemechara'ipaini.”

Apocalipsis 8:13

Taka'e, nésenikapa te anuke'e. Níma'awarepa ema émana ángele tiáraraika'i. Nusamapa tipiarakapa'i muraka, tási'a ánipa maka'e: Páureanasami ena tiávi'ana'i te apake'e, tétavikawaya eta nakatajiwairayare, puiti te táitauchawapa eta nakachujairaya ena mapanakeneana ángeleana.