Apocalipsis 22:2 - Táurinakene máechejiriruwa’i ema Viya tikaijare

² Taka'e, tatiari'i'i eta yukukiana, tikaitarekara'i eta ta'i. Eta távi'a'i te enumu'uiyapa'i eta tínapuka calle, te tachausipa'iware eta kajakure, tási'a dóse'e tika'i te étana añu, kajepachu eta taka'ira, ipurujiware eta tapakaji, takanaraka ena achaneana te awasareana.

Ignaciano

² Tacahe, tatiarihihi eta yucuquiana, ticaita­re­carahi eta tahi. Eta távihahi te enumu­hui­yapahi eta tínapuca calle, te tachausi­pa­hivare eta cajacure. Tásiha, dócehe ticahi te étana año. Cájepachu eta tacahira. Ipuru­jivare eta tapacaji, tacanaraca ena achaneana te avasareana.

Apocalipsis 22:2 Iomraidhean Croise

San Lucas 4:18

“Tiáwa'akanu'i ema Machanewa Viya, Taicha manerejirunuichu'i, namayare eta arairu maechejiriruwa naye'e ena páureana, eta tímitekanu'i, nukaititijikayarewa ena káeratana'i nukaimairirikayarewa ena púchukiana, nukuchuku'ayarewa ena tikatajiwana'i,

1 Pedro 2:24

Ema Cristo tikaikuña'i víchavene'i víti eta vipekaturana. Tétavikawa'i eta mátajiwana te máke'e eta vemetatasira'i te crusu. Makamicha'i tamutu, mawara'a'i waipa takuwayuaka'avi, tatupiruwayare'i eta vítaresiraina. Eta majarana, eta tikanaraka'eyare.

Apocalipsis 2:7

¡Ema Machanewa Viya tímituka'eyare eta juka mametarapiana eti nuchanerana'i! Emutu eti ekamichana'i, ímiyanawa'i eta é'isiranu'i, nukasiapa'eyare te paraíso íkumuna'i me Tata. Nénika'eyare eta ta'i, eta yukuki tiama'i eta táurikakarewayare eta ítaresira.

Apocalipsis 21:21

Eta dósekene tapajana takaye'e'i eta doce perla. Taye'epachu'i eta tapaja eta étana perla. Eta tínapuka calle, takaye'e eta yátupikene uru, tijanunuka'i takuti eta cristale eta tajara'iwa'i.

Apocalipsis 21:24

Éneichuware ena akenukana te awasareana, ichape eta námawa'uanayare me Viya te jena awasare mávi'a'i ema.

Apocalipsis 22:1

Ema ángele tímechanuwarepa eta tapachinakene kajakure, tétavikawa'i eta takaitarekaraiwa'i eta ta'unera. Takutiyaréni eta cristale eta tajararaesira. Eta táuchusi'a'i eta maye'e trono ema Viya, émapa ema Cordero.

Apocalipsis 22:14

Tétavikawa eta náurikakarewayare nákani tépachinachana eta náchanewana, takuti te tikasipaji'ana eta namuiri'ana, ena tatuparaka'i nanikayare'i eta ta'i eta yukuki tikaitarekara'i, tatuparaka'iware nasiapayare eta Arairu Jerusalén.

Apocalipsis 22:19

Éneichuware ekaunechawa eta iáñauchira eta táechejisi'akeneana'i te juka libro, machu máñaucha'e ema Viya eta esiapira eta juka máwasa sántokene'i, machu wa'i makuenika'e eta ta'i eta yukukiana tikaitarekara'iana, étaipa eta nájurekeneana te juka libro.