Apocalipsis 21:2 - Táurinakene máechejiriruwa’i ema Viya tikaijare

² Tási'a, níma'awarepa eta tiúrina awasare, tikaijare'i Arairu Jerusalén, tétavikawa'i eta tasantuwa, taicha tási'apa'i te anuma te mávi'a'i ema Viya. Tiúrinapa'i eta takaetupiri'ira'i, takuti'i te tikaetupiri'i esu araimayare.

Ignaciano

² Tásiha, nímaha­varepa núti tiúcupaica eta tiúrina avasare. Ticaijarehi Arairu Jerusalén. Tétavi­cavahi eta tasantuva, taicha tásihapahi te anuma te mávihahi ema Viya. Tiúrinapahi eta tacaetu­pi­ri­hirahi, tacutihi te ticaetu­pirihi esu araimayare.

Apocalipsis 21:2 Iomraidhean Croise

San Juan 3:29

Nuti nímikutijirisina'e te natiari'i ena araimana'i, namutu ena nakaichu'asikeneana tiúrisamureana'i eta náimaira'i ena araimana. Nakunacha'i ema arayena, ene nuka'e'i nuti eta núrisamurewa'i eta nímaira'i puiti eta nakunachira'i ema Jesús.

2 Corintios 11:2

Puiti, tétavikawa'i eta néñamirawa'i ícha eti, tási'akene'isera me Viya. Taicha nuwara'a táuri'ini eta majakapira'eyare ema Cristo. Ákuti'ini súkani esena amaperu te sutupiruwa'i eta sukaimaira, tájinasarepa makayema'ini ema suima.

Hebreo 11:10

Émasera ema Abraham, wa'i máeñamawa'ini. Yátupi'i eta makasiñawaira'i, tikuchapawaichucha eta máijarasirayare ema Viya eta máwasayare máepa'akakayare'i eta tiási'akeneyare'i te mawa'uana ema Viya, máetupiriru'i tamutu.

Hebreo 11:16

natanuka'isera eta arairu apake'e tiúripana'i, eta tiávi'a'i te anuma. Eta taka'e, tétavikawa'i eta máurisamurewa'i ema Viya eta naye'e, táichavene'i eta nakasiñawaira'i eta maye'e ema, taicha máikuchawaka'i eta arairu náwasayare'i, émaira'i nakaiyakene'i ema.

Hebreo 12:22

Étisera tachicha'eanapa puiti eta máwasa ema Viya Vikaiyakene, tikaijare Arairu Jerusalén, eta távi'a'i eta mari Sión te anuma, te náurujisi'awa'i ena kamurikeneana ángeleana eta najirauchira'i ema Viya,

Hebreo 13:14

Taicha te juka apake'e, wa'i apajaraima'i eta viawasa'i. Víyana vitanuka eta viawasaya arairuyare. Tétavikawa eta vijamurachira'i viyápawane.

Apocalipsis 1:1

Ema Tata Vikaiyakene mawara'a'i tímimaticha'aviyare eta táichararakawayare eta apake'e, apaesa vecha viti mawanarana'i. Ema máimecha'i eta juka, ema machicha Jesucristo. Tási'a, ema Jesús mawanekapa ema ángele mametapanayare'i ema Juan mawanara'i,

Apocalipsis 1:4

Nuti Juan nukajure'e eti siétemuriana nuchamuriana'i éjanereruana'i taye'e eta tinapaika te Asia. Nuwara'a makatajika'e'ini ichape ema Tata Vikaiyakene, émapa ema Jesucristo. Táuri'iwareni eta epanereruana. Te tamira'u eta máejasi'a'i trono, natiari'i ena siétekeneana maye'eana arcángeleana,

Apocalipsis 1:9

Nuti Juan, núti'ichu echamurinu'i, núti'ichuware ekutikenenu'i eta nawa'asira'i ema Viya, taye'e eta vikatajiwaira'i, vikamicha'isera tamutu taicha tétumecha'avi'i ema Jesús. Taichavene eta vikametarairuira eta maechejiriruwa ema Viya, eta nukawana'ira'i ánaki tejena tiurupu'i tikaijare Patmos.

Apocalipsis 11:2

Wá'isera pikuikuticha te aneka tamira'u'i eta mapena ema Viya, taicha nijararuipa'i ena maimatira'ana ema Viya, énainapa techanayare eta awasare Jerusalén namapachichijikainapa, cuarenta y dos kaje eta náichirayare.

Apocalipsis 21:10

Tási'a, ema Machanewa Viya tímima'anu'i eta mawara'akene tímechanuya, ema ángele tiámanupa eta te tápusi eta ichapekene mari anuke'ekene, tímechanupa eta táukupaisira'i te anuma eta awasare Arairu Jerusalén. Tétavikawa'i eta tasantuwa taicha tási'a'i te mamira'u ema Viya.

Apocalipsis 21:9

Taka'e, tipauchanupa ema émana ángele nasietene'i ena tikaratakana'i eta siétekene escudilla tiámapa'i eta siétekene ekuñarakiana táiñe'ikeneana, tási'a, máichanupa: “Yare, nímechaviyare eta awasare, návi'a'i ena machanerana ema Cordero. Tímikutijirikawa'i esu araima sukaetupiri'ikene'i eta suítauchirawayare.”

Apocalipsis 22:17

Ema Machanewa Viya énapa ena té'ikana'i ema Cordero, tíchuarekana, naka'e'i: “¡Yare!” Tási'a nákani tisamanaya naka'e: “¡Yare!” Énapa nákani timauneanayare, náiteka apaesa náera eta une tikaitarera'i, tájina wa'i nawacharekaima'i.

Apocalipsis 22:19

Éneichuware ekaunechawa eta iáñauchira eta táechejisi'akeneana'i te juka libro, machu máñaucha'e ema Viya eta esiapira eta juka máwasa sántokene'i, machu wa'i makuenika'e eta ta'i eta yukukiana tikaitarekara'iana, étaipa eta nájurekeneana te juka libro.

Apocalipsis 3:12

Emutu eti ekamichana'i, ímiyanawa'iware eta é'isiranu'i; nítsirijikawayare eye'e. Máichekuarakireyare eta ekachaneraya ema Tata te máwasa. Iámayare eta máijare, étapa eta níjare arairu. Iámayareware eta táijare eta arairu Jerusalén, taicha tachicha'ewakaya.