Apocalipsis 2:3 - Táurinakene máechejiriruwa’i ema Viya tikaijare

³ Nímati'e eta ekamichira'i tamutu eta iátajiwana'i táichavene'i eta ekaemataneasiranu'i. Wa'i eyakuji'ini.

Ignaciano

³ Nímatihe eta ecami­chirahi tamutu eta iátaji­vanahi táichavenehi eta ecaema­ta­nea­si­ranuhi núti. Vahi eyacu­jihini.

Apocalipsis 2:3 Iomraidhean Croise

Marcos 15:21

Emana achane tikaijare Simón, maiya ema Alejandro, émapa ema Rufo, maitekapirawa'i ema te máesane. Eta maetavisirapa'i ema ánaki. Napamikapa ema manaraku'a eta macrusura ema Jesús.

San Lucas 14:27

Nákani apaesaichu eta nawaraira'i té'ikanuana'i, wa'i taurika'ini eta é'isiranu'i.

San Lucas 18:1

Ema Jesús máimitukawakaware ena máimitureana wa'i nakukainajiruwa eta nayujarasiraina.

San Lucas 21:19

¡Ekamichawachucha, apaesa ítujikawa eta iuchukuiraina!

San Lucas 5:5

Ema Simón majikapapa: –Maestro, tamutu yati vinajuirika'i, tájinasera vítukawa'ini; tavetijipa puiti eta tajara'iraipa. Nusuapavisera eta juka piwanesiranu'i, nákijiekaya eta nuyuta'e.

San Lucas 8:15

Natiari'isera ena apamuriana achaneana nakuti'i eta tiúrina máteji. Ena, nasamararaka'i eta nímiturapiana, náunaka'i yátupi te nasamureana. Tájinaware náichirawaina'ini eta náe'isiranu'i. Wa'i nayakujima'i.

San Juan 15:21

Eta é'isiranu'i, étaipa tiviucha'eyare tamutu eta juka nakatianasira'enapa, táichavene'i eta wa'i náimati'ini ema tiwanekanu'i.

Romanos 12:12

Iúrisamurereakawa eta ejakapiraya eta ekuchapakene'i. Ekamichawaya taye'e eta ekatajiwairana. Wa'i takuechuki'a eta eyujarasirana.

Romanos 16:12

Échejisinanuware esu Trifena ésupa esu Trifosa. Énaichuware tikaemataneakana'i ema Viákenu. Échejisinanuware esu vémunarukene vichamuri Pérsida. Tétavikawa'iware eta sukaemataneasira'i ema Viákenu.

Romanos 2:7

Ema maíjarakawakainapa, máichekuarakireyare eta naítaresiraya, ena tikuchapawanaya eta nasiapiraya eta te majaraiwa'i ema Viya, ena tepiyakana'i eta taurikene;

Romanos 8:25

Wákamicha tamutu, vímiyanawa eta vikasiñawaira'i eta maye'e támutu sácheana. Tapaenumawainapa víma'ainapa, tájinapa vikuchapaima'i.

1 Corintios 13:7

Te yátupi'i vémunara'i, vikamichayare tamutu, enewane visuapayare tamutu, vikuchapa tamutu, wa'i víja'uchawaima'i vínajikawa.

1 Corintios 16:16

Puiti nuwara'a epikauchawaka, esuapawaka ena nani. Éneichuware epikauchaware esuapa ena apamuriana tímikataka'aviana'i eta vikaemataneasira'i ema Viákenu.

2 Corintios 10:15

Wá'isera nukunachawaima'i taye'e eta apaematane'i násapi'a'ipukaini. Nuwara'asera tápajukawa'ini eta esuapajiraiwaina maye'e ema Viya. Nuwara'aware nímituka'eyare eta apamuriana yátupikeneana, nítauchiraina eta nukatupara'aira'i. Tájina wa'i nétaviviriakawa'ini eta nusuapakarewa'i eta eye'e.

2 Corintios 11:23

Ena, tímijachawana'i mawanarana ema Cristo. Nútisera, jé'ewarekenenu'i mawanaranu'i ema. Eta juka nukaemataneasira'i me Viya, témestakanu'i, témeratakanu'iware. Éneichuware ichapemuri'i eta táimikapasiranuyare'ini.

2 Corintios 4:1

Eta taka'e, wá'ikene viyakujiekene'awaima'i eta vikametarairuira, taicha ema Viya tímecha'avi'i eta máemunaraiwa eta matuparasira'avi'i eta juka vikaemataneasirayare'i ema.

2 Corintios 4:16

Eta taka'e, wáipaine'i vikainajiruwaima'i. Tayanapanepuka tivitaji eta viáke'e, étasera eta viáchanewa tétavikawaichucha eta tatumewa tamutu sácheana.

2 Corintios 5:9

Eta taka'e, viwara'a ichapemuri'i eta vikurisamurechira'i eta vikaemataneasira ema Viákenu puiti juka vítaresiraicha'a, tási'a ema, tiúrisamureyare eta viye'e te vímerekawainapa te mamira'u.

2 Corintios 6:5

eta náestasiranu'i, eta náeratasiranu'iware, tájinaneni viviurewaina'ini. Kamuri'iware eta numakaimasirawa'i. Kamuri'iware eta nékuawa'i.

Gálatas 6:2

Ímikatakaka eta ekatiuchirawaina eta jákani íchararakawana'i, ene taka'e'i eta ítauchira'i eta mawanairipi ema Viákenu Jesucristo, étaipa eta vémunasirakakayare'i.

Gálatas 6:9

Eta taka'e, wa'i vikukainajiruwa eta víchira'i eta táurikeneana, wá'isera vikuyakujiekene'awa eta vikuchapira'i eta víkuchi'i maye'e ema Viya te táitekapapa eta jena sacheyare máijarasira'aviyare.

Filipenses 2:16

Ímitukawaka'ini eta máechajiriruwa ema Viya, eta íchu'airawakaware náe'ikaware, apaesa náuchuku'a'ini taye'e eta apana náitaresira, taka'e, te máiteka machawa ema Viákenu Jesucristo, eta máimaira'eyare'i eta juka táurikeneana íchakeneana'i, tétavikawainapa eta nukunachirawaya nuti íchavene'i eti eta táuriwa'i eta nímitusira'e'i, wa'i támapuruji'ini eta nukaemataneasira'e'i.

Filipenses 4:3

Nutuparakaviware, piti némunarukene'i nápinanevi'i eta vikaematanera'i, pímikatakawaka'ini ena nani apinana esenana viparapenaveana'i, taicha ena ichapemuri'i eta náimikatasiranu'i taye'e vikametarairuira'i, náimikataka'i ema Clemente, énapa ena apamuriana nuchamuriana'i, eta náijareana ena nani tikajuanaipa taye'e eta ajumeruka tiama eta víjareana viti vítareruanayare.

Colosenses 1:11

Énerichuware viyaseaka'i ema Viya máijaraka'eni eta ichapekene máitupajijiasirawa apaesa ekamicha'ini tamutu eta ekatajiwairana, apaesa ekamicha'ini muraka, iúrisamurereakawachuchaini

1 Tesalonicenses 1:3

Taicha tamutu sácheana vécharairika'eparaka eta ímeresira'i eta esuapira'i é'isira'i ema Viákenu Jesucristo, étapa eta epamisirawa'i ekaemataneaka'i yátupi, táichavene eta émunasira'i ema, étapa eta ekamichira'i tamutu táichavene eta ekuchapirawa'i eta machaviraya. Ema Tata Vikaiyakene máima'a tamutu eta íchararakawana.

1 Tesalonicenses 2:9

Nuparapenaveana, te vinasikeneipa eta eye'e, eta vikametarairuira'i eta máechejiriruwa ema Viya, ímararaka'avichu'i eti eta vikaematanera'i muraka eta vítatijirisirawa'i. Tamutu'i sácheana, yátiana vikaematane'i, taicha wa'i wáwara'a'ini vétsepanaraka'e'ini eta vinikakenerepi.

1 Tesalonicenses 5:12

Nuparapenaveana, énerichuware vituparaka'e eta epikauchiraina ena víyara'ana pastoreana taicha ena tichejirika'eana'i, tímituka'eana'i eta juka é'isira'i ema Viya.

2 Tesalonicenses 3:13

Eti apamuriana nuparapenaveana, wa'i ekuinajika eta táuriwa'i eta ekaematanerana.

2 Tesalonicenses 3:5

Máimikataka'e'ini ema Viya eta ímatiraina etapa eta máemunasira'e'i. Máijaraka'ewareni eta etumewaina taye'e eta ekajapanurawaira'i.

2 Tesalonicenses 3:8

wá'isera vinikairi'i'ini te epenana. Víti vikaematane'i muraka eta vítatijirisirawa'i. Tamutu sácheana, yátiana, vikaematane'i, taicha wa'i wáwara'a'ini vétsepanaraka'e'ini eta vinikakenerepi.

1 Timoteo 4:10

Taicha yátupikene eta echéjirirukawa, ema vikasiñakene'i yátupikene'i Viya. Ema, técha'avi vimutu viti achaneana. Vivetiji viti vé'ikanaipa ema, tétavikawa'i eta makatiuchira'avipa'i.

1 Timoteo 5:17

Ena pastoreana, te tiúri'ipuka eta náechapajirisirawaka ena vichamuriana, ichapeyare eta náemunakakarewayare'i. Tatuparakawaka'i tiuriyare eta viwachachira, taicha ena, eta náematanerepi'i tímiturekana'i tikametarairuana'i.

Hebreo 10:36

Akamichawa'isera eti. Ímiyanawa ítaucha eta mawara'akene'i ema Viya, tási'a yátupinapa ejákapainapa eta íkuchi eta maye'e.

Hebreo 12:1

Puíticha víti apanaware vikamichayare tamutu eta vikatajiwairana, wákutiwaka eta nakamichira ena nani náinapureana'i té'ikana'i ema Viya, taicha puiti ena tímararaka'aviana'i víti tája'apuka táicharakawa'i eta vipaisira'i víti, eta taka'e, tituparaka'avi vínajikayare'i eta táitiasira'avi'i eta tájiparakana, tiámaparaura'iana taye'e eta pekatuana, taka'e, vikamichayare tamutu, táuriwaya eta vikaemataneasira'i ema Viya, apaesa vijakapa eta víkuchi'i.

Hebreo 13:13

Eta taka'e viti apanawa, takamunu wíchuka vé'ikayare ema Jesús. Tayanapane vikatajiwayarepuka, vikutiyaresera ema eta makatajiwaira'i.

Hebreo 6:10

Ema Viya tétavikawa'i eta máitauraiwa'i, wáipaine'i máemitisikaima'i eta ekaemataneasirana'i, étapa tímereucha'e'i eta émunasirawaka'i ímikatasirawaka'iware ena echamuriana'i taye'e eta juka vé'iru'i, máima'a'i eta ímiyanawaira'i ekaemataneaka.

Hebreo 6:12

Wá'isera nuwara'a plúju'ena, ímiyanawa'i é'ika ákuti ena echamurianaini yátupikene'i eta nakasiñawaira'i me Viya, nakamicha'i tamutu, apaesa ekutikakapa eta ejakapiraya eta íkuchi'i maye'e ema Viya.

Hebreo 6:15

Ema Abraham, ichapemuri'i eta makuchapira'i akamichira'i, eta taka'e majachapapa me Viya eta maikure'i. Makasiñawaira'i me Viya, eta makuchapira'i eta máijararuwana'i ema Viya.

2 Pedro 1:6

eta epanerechira, étapa ekaratakawa eta ichiraina eta tamauirikenana, eta ekaratasirawa eta ichira eta tamaurikeneana, eta ekamichira, eta ekamichira étapa eta éjarasira eta itesira me Viya.

Apocalipsis 1:9

Nuti Juan, núti'ichu echamurinu'i, núti'ichuware ekutikenenu'i eta nawa'asira'i ema Viya, taye'e eta vikatajiwaira'i, vikamicha'isera tamutu taicha tétumecha'avi'i ema Jesús. Taichavene eta vikametarairuira eta maechejiriruwa ema Viya, eta nukawana'ira'i ánaki tejena tiurupu'i tikaijare Patmos.

Apocalipsis 3:10

Piti, pítaucha'i eta nuwanairipi eta pikamichiraya tamutu, eta taka'e, nujaneakaviya nuti apaesa wa'i takuimive'avi te táitekapapa eta natajiwanayare namutu ena achaneana táwapa'iana'i te juka apake'e.