Apocalipsis 2:10 - Táurinakene máechejiriruwa’i ema Viya tikaijare

¹⁰ Wa'i ekupika eta ekatajiwairaya, numetaka'e, ema wínaraji tímisiapa'eya te cárcel eta máitsamaresira'eya te tíminajika'eyarepuka, ekamichachuchasera, taicha diez sache eta ekatajiwairayare, nutuparaka'echa. Ejikapaikayare tayanapanepuka nakapaka'e nuti níjaraka'eyare eta táitsiwayare, tiúriyare eta ítaresiraya.

Ignaciano

¹⁰ Vahi ecupica eta ecata­ji­vairaya. Numetacahe: Ema Váinaraji tímisia­paheya te cárcel eta máitsama­re­si­raheya te tímina­ji­ca­he­ya­repuca. Ecami­cha­chu­chasera, taicha diésquenerichu sache eta ecata­ji­vai­rayare. Nutupa­ra­cahecha: Ejica­pai­cayare tayana­pa­nepuca nacapacahe. Núti níjara­ca­heyare eta táitsivayare. Tiúriyare eta ítare­siraya.

Apocalipsis 2:10 Iomraidhean Croise

San Mateo 10:22

Namutuya ena achaneana tikatianaka'eanayare táichavene'i eta é'isiranu'i, émasera mákani tikamicha'i te táitawapa tamutu, tiuchuku'ayare.

San Mateo 10:28

Wa'i ekupika nákani tikapakana eta iáke'e, taicha wa'i narata'aima'i nakapaka eta iáchanewa, makarichu epikayare ema Viya, taicha ema, marata'a'i makamitiekene'a eta iáchanewana taye'e eta táiñe'ikene ekuñaraki.

San Mateo 24:13

Énasera mákani tikamichaya te táitawapa tamutu, tiuchuku'ayare.

Marcos 13:13

Namutu ena achaneana tikatianaka'eanayare táichavene'i eta é'isiranu'i, émasera mákani tikamichaya te táitawapa tamutu, tiuchuku'ayare.

Marcos 8:35

Taicha mákani téñama'i eta máitaresira, émajiwayare tikamitiekene'awaya. Émasera mákani jachapa'i eta Arairu téchakare, tíjarakawa'i eta máe'isiranuyare, ema tiúchuku'aya.

San Lucas 21:12

“Tatiwanumayaresera tipanajirika'eanayare eti. Tikarataka'eanayare, tiáma'eanayare te peti náurujisirarewa ena juriyuana, taka'e temerataka'eanainapa, tási'a, tiáma'eanaya te namira'u ena reyeana, te'epa te namira'u ena akenukana, ekaviurewayare táichavene'i eta é'isiranu'i.

San Juan 12:25

Mákanisera téñamawa'i eta máitaresira, émajiwayare tikamitiekene'awayare; mákanisera tíjarakawayare eta máe'isiranuyare, eta te juka apake'e, tiúchuku'ayare ema, máichekuarakireyare eta máitaresirayare.

San Juan 13:2

Jé'esare ema Júlasi, máimipanerechaipa ema Wínaraji eta máijararesirayare'i ema Jesús.

San Juan 13:27

Jé'esareine'i, ema Julasi te majakapapa eta pan, ema wínaraji enewanepa máwasamurecha'i. Tási'a, ema Jesús máichawanepa: –Eta juka pipanereru'i, táitauchawawanepa puítinaichu picha.

Hechos 20:24

Tájinasera wa'i nupikakawa, tayanapaneine népenapuka, wa'i néñama eta nítaresira. Nuwara'a nímiyanawaya eta núriwa'i maye'e ema Viya, nuwapinawa'i eta nítauchiraya eta nutuparakasiwa'i maye'e ema Viákenu Jesucristo. Taicha ema tituparakanu'i nukametarairuya eta máemunasira'avi'i ema Viya vimutu viti achaneana.

Hechos 21:13

Émasera ema Pablo máicha'avipa: –¿Tája'a takayema ímipanererekanu eta juka íyauchiranu'i? Wa'i nupika te náitiakanupuka, nuti níjarakawa népena te Jerusalén máichavenena'i ema Viákenu Jesucristo.

1 Corintios 9:25

Enapa ena tikavijaruanayare eta peluta tijaneakawanayare'i muraka, ichape eta tikarawa'unumanayare apaesa túmeanainapa eta narata'airaya navereasi'aya ena nánaranayare'i, najakapainasarepa eta naikuchi'i, wa'ineni tayerema'i eta, vitisera ichape eta vétumechirawayare apaesa tauri eta vikaemataneasiraya ema Viákenu, vijakajakapasarepa eta vikuchi'i maye'e.

Efesios 2:2

kape juka ítaresira'i eti, e'ika'iware eta taye'erepiana eta apake'e, tamaurikeneana'i. Esuapa'iware eta mawara'akeneana ema wínaraji, ema mapamikawaka'i ena achaneana masuapajiraira'ana'i me Viya.

Efesios 6:12

Taicha wa'i wakanara'ini ena vikutikeneana achaneana, ena vikanarakeneana'i ena'i ena kamurikeneana majupa'ana ena tiavi'anaini te anuma ángeleanaini, enapa techana'i akenukana'i te juka apake'e.

Santiago 1:12

Tétavikawa eta náuriwayare nákani vichamuriana tikamichana'i tamutu eta nátajiwana'i, járajapayare eta sacheanayare eta najakapiraya eta naikuchi'i táitsiwayare'i maicha ema Viya, máijarakainapa eta táuriwayare eta náitaresirayare, taicha tikunachakareana'i, taicha maitauchayare'i eta mapanereru'i ema Viya naye'e ena témunakana'i ema.

1 Pedro 5:4

Taka'e te machawapa ema yátupikene Pastor eta viye'e, tétavikawaya eta makunachira'eya. Tíjaraka'enapa eta íkuchi'i, máitawakakainapa eta ekachaneraya ema te mávi'a'i eta te majaraiwa'i.

1 Pedro 5:8

Ekuneuchawa yátupina. Ejaneakawa'iware, taicha ema viánara'i Wínaraji, makuti eta táiñe'ikene sárare itiare tatanuka eta tanikayare'i. Ene maka'e'i ema, matanuka'i ena mákipairuanayare.

Apocalipsis 13:14

Ichape eta náramira'i, étavene'i eta juka táimeresira'i eta tiáramikareana, étainapa tiwayuakaya ena achaneana, tisuapakarenapa titsiukakarenawarepa eta Útsutsure, taicha náima'a'i eta tanarasira'i eta tajara te tumare; tiápechawa títareka'i, taka'e, makawanairipipa náepiyakaya eta máima'i ema Útsutsure, nasiñarajiya.

Apocalipsis 13:2

Eta juka sárare níma'akene'i tawasima'iyaréni eta ichini, eta táiwapeana takutiyaréni eta táiwape eta atikure, tási'a eta tajaka takutima'iyaréni eta tajaka eta itiare. Eta taka'e, eta ichapekene kichare táijarakapa eta máitupajijiasirawayare'i ema útsutsure, étapa eta ma'akenukawayare'i.

Apocalipsis 13:7

Maisapaware, makanara te'akakana taye'e eta awasare santukene'i, etapa eta maita'asirayare'i, maisapaware eta ma'akenukawayare'i, naye'e ena apánapanenejiana achaneana te juka apake'e, enapa ena apaechejiriruwana tiavi'ana te apana awasareana.

Apocalipsis 17:14

Taka'e, ena nani nakanarainapa ema Cordero, wá'isera nárata'aima'i, máita'akawakayare'i ema Cordero. Taicha ema, yátupikene'i Rey, Akenuka'iware, mawaneka'i ena reyeana énapa ena akenukana, natiari'iyarewa ena makachanekeneanayare ema, nakanerejikene'i eta máichuira'i ema Viya, taicha, yátupi'i eta náe'isira'i ema.”

Apocalipsis 2:13

Nuti nímati tamutu eta píchakeneana'i, eta piavi'aira'i te mawasa ema Wínaraji, wá'isera ínajikawa'ini, étumechawaichucha eta é'isiranu'i nuti. Étaipa te íma'apa eta nakapasira'i ema nuchaneraini Antipas, yátupikene'i eta masuapiranu'i ema, ena machanerana'i ema Wínaraji nakapaka'i ema te jena iávi'a'i eti.

Apocalipsis 2:9

Nuti nímati tamutu eta píchakeneana'i, eta pikatajiwaira'i, étapa eta pipaurerawa'i. Tétavikawa'isera eta piúrikakarewa'i, tímikutijirikawaipa'i ríkuvina'ini. Nímatiware wa'i pisema'ini, taicha eta pépiyaekeneana'i naye'e ena tímijachawana'i machanerana ema Viya. Machanerana'i ema Wínaraji.