Apocalipsis 19:2 - Táurinakene máechejiriruwa’i ema Viya tikaijare

² Taicha ema máikuñaka'i ena tikaviurewana, eta taka'e máemechareka'i esu tú'usikene, ichape eta suwayuareresiraini'i ena achaneana, puiti pítipa pítsirijiekene'a'i eta nakapasira'i ena mawanaranaini ema Viya.”

Ignaciano

² Taicha títauchavapa eta náicuñahi ena ticaviu­revana, vahi pémeta­via­ca­va­cahini eta náemecha­rahiana ena túhusi­queneana tachicha­na­vea­nainihi eta avasare. Ichape eta navayua­re­re­si­rainihi ena achaneana te apanana avasareana eta túhusicare. Puiti pítipa pítsiri­jie­que­nehahi eta nacapa­si­ra­havihi viti machane­ranaini”.

Apocalipsis 19:2 Iomraidhean Croise

Apocalipsis 15:3

Tási'a tijirana'i eta jirasare majirasaini ema Moisés, mawanaraini ema Viya. Eta jirasare maye'e ema Cordero, ani taka'e'i: “Píti ichapekenevi'i akenuka, tétavikawa eta pítupajijiasirawa. Tamutukene'i píturuekene'a. Tétavikawapa eta táramikarewa'i eta pépiyaruana'i. Tiúrikakare'iware eta pinakipairuana'i. Wa'i apánapanenejina'ini eta péchejiriruwana. Píti akenukavi'i, péchaya tamutu awasareana.

Apocalipsis 18:20

Iúrisamurekarepa puiti eye'e eti iávi'ana'i te anuma, emutu eti machanerana'i ema Viya étipa eti apústuleana, étipa eti profetana, taicha máitsirijiekene'aipa puiti ema Viya tamutu eta táemekatajiwachira'e'i eti.

Apocalipsis 18:3

Taicha tamutu eta ichape awasareana, tetavikawa eta tawayuasirawaka'i eta terakare etapa eta tú'usikare, énaipa ena akenukana, te awasareana éneichu'iware naka'e'i, éneichuware, ena tíjararekara'iana eta térakare, tétavikawaipa'i eta taijarasira'i eta náima'akeneana, taichavene eta natu'usiwana.”

Apocalipsis 6:10

Puiti ena, tipiaraikana'i muraka naka'e'i: “Tátachicha, santukenevi'i píti. Yátupikenevi'i eta pikasiñakarewa. ¡Puiti viwara'a pítauchayare eta pitsirijiekene'airayare ena tikapaka'aviana'i te apake'e! Tási'a viwara'apa nakáemechara'ipaini.”