Apocalipsis 17:8 - Táurinakene máechejiriruwa’i ema Viya tikaijare

⁸ Eta juka sárare píma'akene'i, tanasikeneipa'ineni akane, tájinaipa'isera puiti, tiúchujikayarewaresera tási'aya taye'e eta táupenakene pusu, te tane'ipa eta takaikuñairayare pajarainapa. Ena achaneana tikawasana'i te juka apake'e, namutu ena tájina'i eta nakaju'ini taye'e eta Ajureka te tepanawainapa eta apake'e, ichape eta náramesirayare, te naima'apa eta Útsutsure, tanasikeneni'i akane, puitisera tajinaipa'i, tichawayaresera titareka.

Ignaciano

⁸ Eta juca sárare pímaha­quenehi, tanasi­que­ne­ri­pa­hineni acane, tájinai­pa­hisera puiti. Tiúchuji­ca­ya­re­va­resera tásihaya tayehe eta táupenaquene pusu. Ichape eta nárame­si­rayare eta náimairayare ena achaneana, namutu ena tájinahi eta nalistai­nahini acane te tépana­vainapa eta apaquehe, tayehe eta libro tiama eta nalistana ena náitare­rua­nayare. Tatupi­ru­va­ya­resera eta sárare tépenayare títaeque­nénapa.

Apocalipsis 17:8 Iomraidhean Croise

Apocalipsis 17:11

Étaichuware eta sárare útsutsure táitareruini'i akane, tájinaripa'isera puiti, eta, makuna'i ema na'uchune ena siétekeneana akenukana, émaichu'ineni ema nachamuri'i ena sietekeneana, te máuchujikapa, majakapayare eta máwakureyare, tíja'uchawayasera eta máitaviraya.

Apocalipsis 11:7

Té'esera te táitauchawapa eta nakametarairuirayare, makanarawakainapa ema tíñe'i achane wínarajikene tikaijare Útsutsure, tási'a masapi'ainapa tikaparekayare makapakawakainapa ena apinana mawanarana ema Viya.

Apocalipsis 3:10

Piti, pítaucha'i eta nuwanairipi eta pikamichiraya tamutu, eta taka'e, nujaneakaviya nuti apaesa wa'i takuimive'avi te táitekapapa eta natajiwanayare namutu ena achaneana táwapa'iana'i te juka apake'e.

Apocalipsis 3:5

Emutu eti ekamichana'i, ímiyanawa'iware eta é'isiranu'i, níjaraka'eyare ekamuiri'ayare eta tijapu. Wáipa nukaepa'aima'i eta íjareana taye'e eta libro tiama eta íjareana ena náitareruanayare. Nímimaticha'eyare te mamira'u ema Tata, etapa te namira'u ena ángeleana.

San Mateo 25:34

Tási'a, máichainapa ema Rey ena tiávi'ana'i te nuwaure: ‘Yare eti, iúrikakareana'i, manerejiruana'i ema Tata, níjaraka'enapa eta etupara'ayare, íkuchi'i maye'e ema Viya akane te tépanawainapa eta apake'e.

Apocalipsis 20:12

Tási'a níma'awarepa namutu ena náepenakeneanaini, ena amaperuana, énapa ena ichanaruana, namutu titupi'ana'i te mamira'u ema Viya téjaka'i te trono, tási'a tatiari'i eta libro tiama eta najukunana ena náitareruanaya. Tatiari'iware eta apamuriana libro takajuiya'i eta náichawakenewana'i ena achaneana.

Tito 1:2

etara eta juka vikuchapakene'i taicha eta vitaresira maichekuarakirenapa. Taicha ema Viya wa'i maepiya'ira'ini.

Efesios 1:4

Akane, te tamira'u eta táepanirawapa eta apake'e, ema Viya tinerejika'avipa maye'e ema Machicha Jesucristo apaesa vitinapa machaneranayare ema, eta taka'e tajinainapa eta vipekaturaina,

San Juan 17:24

“Tata, píti píjarakanu'i, nuwara'a nakachanenu nuti te navi'ayare, apaesa naima'a eta nujaraiwa eta pijarararunu'i, taicha piti pemunakanu'i akaneipa eta takaepiyairayare eta apake'e.

Apocalipsis 20:15

Tasi'a etapa ánaki, nakakijiya'i ena tájina'i takaju'ini eta náijarena, taye'e eta Ajureka máitawakaka.

Apocalipsis 20:10

Tási'a ema Wínaraji, ema tiwayuarekaini'i, nakaratakapa náepujukichapa taye'e eta táijurekene yuku, táetiraraisina eta tamuruira, étaipa eta mávi'a'i ema útsutsure, émapa ema Falso Profeta. Tájina nanarasiraima'i, tamutu sacheana yátiana, máichekuarakireya eta nakatajiwairaya.

Hechos 15:18

Etara eta jukana maimeru'avi'i ema Viákenu, eta juka akanewakaipa'i, eta maijarasira'avi'i eta maechejiriruwa.’

1 Pedro 1:20

Akane te tépanawainapa eta apake'e ema Viákenu Jesucristo tikatupara'aipa taka'eyare'i eta máepeniraya. Wá'isera táitauchawawane'ini. Tapaenumawapa puiti, títauchawa'i étavenepa eta iúchukuirayare'i eti.

San Lucas 8:31

Énasera yaseuchawanapa maye'e ema Jesús, wa'i makuakijika te taupenakene pusu.

San Lucas 10:20

Wá'isera ekukasiñawawaika eta erata'aira'i iákijika ena éreanana. Iúrisamurereakawasera eta táejasiraipa te anuma eta íjare.

Apocalipsis 17:2

Ena akenukana te juka apake'e namutu'i suíturukawaka sukachanewaka ena, suíchu'aware ena suwara'akeneana'i suíturukawaka taye'e tamutu eta tájiparakana tamaurikeneana, maichanupa.”