Apocalipsis 15:2 - Táurinakene máechejiriruwa’i ema Viya tikaijare

² Níma'a tatiwa eta tikutiyaréni táima'i eta une te ichapekene kákiure, tétavikawasera eta tajanunusira takuti'i eta espejo, tási'a takutiyaréni eta yuku eta táima'i. Te tachakaya eta une titupi'ana'i, nakarataka'i eta naye'eana guitarrana máijararuana ema Viya, eta nasuapira'i ema. Taicha ena tita'arekana, wa'i naisapawa'ini manaka'ini eta maikutiara, tási'a wa'iware naisapawa'ini manaka'ini eta májure étapa eta maijare útsutsure.

Ignaciano

² Nímaha tativa eta ticuti­yaréni táimahi eta une te ichapequene cáquiure. Tétavi­ca­vasera eta tajanu­nusira tacutihi eta espejo. Tásiha, tacuti­yaréni eta yucu eta táimahi. Natiari­hi­hivare ena máisapa­va­ra­hanahi najirau­chahini natsiuca­hi­pucaini ema Útsutsure étapa eta máimahi náepiyaruhi, váhivare náisapa­vahini nacama­rcahini eta mamarca. Te tachacaya eta une titupi­hanahi. Nacara­tacahi eta nayeheana guitarrana máijararuana ema Viya.

Apocalipsis 15:2 Iomraidhean Croise

San Mateo 3:11

Yátupi nuti, níkachasika'e'i te une, apaesa éñauchawa maye'e ema Viya, marajapainapasera ema tíkachasika'eyare, ema Machanewa Viya. Ema tiápajupanawa'i nuye'e nuti, wáipaine'i nákutinasima'i eta máitupaijiasirawa'i. Wáipaine'iware nákaemuñawaima'i nuvejuchupewacha eta maeparupewa.

1 Pedro 1:7

Ema Viya máisapa'i eta juka ekatajiwairana, mawaraira'i ímereuchawayare eta yátupikene'i eta ekasiñawaira'i eta maye'e. Ekutiyare eta uru te nakaitsamaraji te yuku te yátupi'ipuka étakene'i. Étisera étaviviriaka'i eta tatumewa eta uru, taicha eta uru títawayare'i, témitiakayare'i. Te wa'i ekainajiruwa eta ekasiñawaira'i maye'e ema Viákenu, tétavikawayare eta ekunachakarewayare'i maye'e ema eta machimapira'eyare te machawa.

1 Pedro 4:12

Némunarukeneana nuparapenaveana, wa'i ekuarami eta murakairaya eta iátajiwanayare, tímikutijirikawayare'i táramikare'ini eta eye'e.

Apocalipsis 12:11

Ena vichamuriana naita'aka'i taicha eta maepusaisira'i eta maitine ema Cordero tási'a náimimaticha'i, eta máechejiriruwana ema Viya, wa'i napikakawawaka'ini eta náitaresira, tijarakawana'i te náepenirayare'i.

Apocalipsis 13:1

Taka'e níma'apa eta útsutsure tiúkupaikapa'i tásiapa'i te ichapeama une. Siete eta tachuti. Diez eta taji'uana. Te tápusi eta taji'uana tatiari'i eta taye'e corona, tási'a te tachutiana tatiari'i eta ajureka tímijachawa'i Víyaina'ini.

Apocalipsis 13:14

Ichape eta náramira'i, étavene'i eta juka táimeresira'i eta tiáramikareana, étainapa tiwayuakaya ena achaneana, tisuapakarenapa titsiukakarenawarepa eta Útsutsure, taicha náima'a'i eta tanarasira'i eta tajara te tumare; tiápechawa títareka'i, taka'e, makawanairipipa náepiyakaya eta máima'i ema Útsutsure, nasiñarajiya.

Apocalipsis 13:17

Námayare'i eta táijare eta Útsutsure étapa eta taye'e número, énerichuware makawanairipipa wa'i nakuisapa nakujachapa eta nawacharapiana ena tajina naikutiaraina eta taijare eta Útsutsure etapa eta número.

Apocalipsis 21:18

Eta yúchama amairi'a mari jaspe timájumeana. Eta awasare amairi'a eta yátupikene uru. Tijanunuka'i takuti eta cristale eta tajara'iwa'i.

Apocalipsis 4:6

Tijararakaware te tamira'u eta trono takutipa eta tajara'iwa'i eta ichape une. Natiari'iware ena kuatrukeneana tijanearekana'i te machakaya ema Viya. Ena, ekutiarareana eta máitupajijiasirawa. Takutima'i tikauki'awaka'i te namira'u té'epa nachepa. Tikauki'awaka'i amairi'a'i eta te nake'eana.

Apocalipsis 5:8

Te makaratakapa eta ajureka, ena nani kuátrukene ekutiarareana, énerichuware ena veintikuatrokeneana víyara'ana tuparairukana tépuyukanapa te mamira'u ema Cordero. Ena nani soverapakeneana, namutuye'e'i te nawa'uana eta arpa étapa eta pusillu, amairi'asera uru, tinika'i eta incienso, táikutiara'i eta táuriwa'i eta nayujarasirana'i ena machanerana'i ema Viya.