Apocalipsis 13:6 - Táurinakene máechejiriruwa’i ema Viya tikaijare

⁶ Je'esareine'i tepanawapa techejika tíñema'ipiwaka eta máechejisira, makaeka'ira'i ema Viya étapa eta mapena, makaeka'iware ena tiávi'ana'i te anuma.

Apocalipsis 13:6 Iomraidhean Croise

San Mateo 12:34

¡Étisera machichanaveana ema Wínaraji! ¿Waipaine'i ítukaima'i échejisi'a eta táurinakeneana, taicha eti tamaverasiawa'i eta ewínarajiwana? Eta échejiriruwana'i tikaechera'i eta ewínarajiwa te esamureana.

San Mateo 15:19

Taicha eta táiñema'ikeneana panérerukana, tási'akeneana'i te ama'e eta nasamureana ena achaneana. Mákani achane mapanerecha'i makaesenara esu apana esena apayena. Nákaniware, tipanerechana'i eta tikaparekana, tiámerekana, tiwayuarekana, técheji'iana.

San Juan 1:14

Émaichu'ineni ema Echéjirirukawa, tépiyakawapa ajaira'i, tási'ia tikachane'avipa viye'e viti, tási'a vima'a'i eta majaraiwa, majachapakene'i me Maiya, táicha makarichu'i machicha, tetavikawa'i eta yátupikenera'i maemunaraiwa'i.

Romanos 3:13

Tíñema'ipi eta náechejirisirawana. Tétavikawaware eta nawayuaraiwana'i, ena nakuti'i eta kichare téchura'i,

Colosenses 1:19

Taicha ema Viya máijarakapa ema Machicha makutiyare'i eta masantuwa'i, étapa eta máuriwa'i, étapa eta máitupajijiasirawa'i.

Colosenses 2:9

Ema Viákenu Jesucristo, jé'eware ema, yátupikene'i santu, taicha tikutikakana'i ema Tata Vikaiyakene eta nasantuwana'i ena, tikutikakana'iware eta náuriwa'i, étapa eta náitupajijiasirawa'i,

Hebreo 9:2

Ani taka'e'i eta táima'i te náepiyakainapa, eta tínapuka cuartu tikaijare'i Lugar Santu, takapika'ukene'i, eta távi'a'i eta kandeleru étapa eta mesa távirare eta pan Takapika'ukene maye'e'i ema Viya.

Hebreo 9:24

Ema Jesucristo, tájina máimatiya'ini mayujaraka'ini eta te jena santuario te juka apake'e. Étakene'isera masiapa eta mayujarasirayare eta te Santuário tiávi'a'i te anuma. Puíticha matupi'amiraucha'i ema Viya eta mayaseuchira'avi'i víti.

Apocalipsis 11:12

Taka'e, ena nani apinana profetana nasamainapa eta ma'u ema tíchu'awaka'i te anuma, muraka eta ma'u eta máichuirawaka'i: “¡Yare, íteka, iápana!” Taka'e, járajapapa eta úkaji táepanawakapa ena, támapa te anuma, ena nanarana'i náimararakaipa eta nayanira'i.

Apocalipsis 12:12

¡Tétavikawaya eta íurisamurewaya, eti iávi'ana'i taye'e eta juka anuma! ¡Páureanasamisera ena tikawasana'i te apake'e énapa ena tiávi'ana'i te ichapeama une, taicha ema wínaraji máecha'i eta ánipine'i, máukupauchawakaipa, tétavikawa eta masemanewapa'i!”

Apocalipsis 15:5

Tási'a, níma'awarepa te anuma téjiaka'i tamutu eta templo.

Apocalipsis 18:20

Iúrisamurekarepa puiti eye'e eti iávi'ana'i te anuma, emutu eti machanerana'i ema Viya étipa eti apústuleana, étipa eti profetana, taicha máitsirijiekene'aipa puiti ema Viya tamutu eta táemekatajiwachira'e'i eti.

Apocalipsis 21:3

Nusamawarepa muraka eta ma'u ema ángele, tiási'a'i te anuma. Ánipa maka'e: “Puiti, ema Viya makukupaikapa eta mapena te juka apake'e, áninapa mavi'ayare viye'e viti achaneana. Tiáwa'aka'enapa eti achaneana, yátupikenenapa Ekaiyakeneya ema.

Apocalipsis 4:1

Te táekenepa eta juka, níma'awarepa téjiaka'i eta anuma; nusamawarepa eta ma'u ema, émaichu'i ema tínapuka'i téchejikanu'i. Tirure'ucha eta ma'u. Tíchu'anupa, ánipa maka'e: “Yare, piápana. Nuwara'a nímechaviyare eta táicharakawayare puiti juka vikaiju'eyare.”

Apocalipsis 4:4

Te távi'a'i eta ichape trono, tavikuaka'iware eta véinticuatru trono. Natiari'iware ena véintikuatruanaware téjakana'i taye'e, víyara'ana tuparairukana: tijapu amairi'a eta namuiri'ana. Namutu tikaye'eana'i corona te nachutiana, amairi'a'i uru.

Apocalipsis 5:13

Nusamaware eta ta'u tamutu eta máepiyaruana'i ema Viya, eta tiávi'ana'i te anuma, étapa eta tiávi'ana'i te apake'e, énerichuware eta tiávi'ana'i te ama'e eta apake'e, étapa eta tiávi'ana'i te ichape une. Ánipa taka'e'i: “¡Ema tejaka'i te maye'e trono, ema tikaijare, Cordero, eti, tétavikawa eta ekunachakarewa'i. Eti, tétavikawa eta epikauchakarewa'i máitawakakayare eta vitsiusira'eyare!”

Apocalipsis 7:15

“Eta taka'e, titupi'ana'i te tamira'u eta trono mávi'a'i ema Viya, tási'a tamutu sácheana yátiana naitati'i te maye'e'i templo. Ema tejaka'i te trono ema majaneakawaka'i.

Apocalipsis 7:9

Taka'e, níma'awarepa ena kamurikeneana achaneana tiási'ana te tamutu awasareana, apaechejiriruwakeneana. Waipa titupachakareana eta nasimutuwa'i. Titupi'ana'i ena te tamira'u eta trono, mávi'a'i ema Cordero, tijapumuiri'awaka eta namuiri'ana, tási'a nakarataka'i te nawa'uana eta káchipaka.