Apocalipsis 13:5 - Táurinakene máechejiriruwa’i ema Viya tikaijare

⁵ Taka'e, ema Viya máisapapa eta útsutsure taechejisiawa, eta makapika'uira'i taicha emakene'i yátupikene'i Viya, tási'a maisapaware akenukayare'i taye'e tamutu eta awasareana te juka apake'e, cuarenta y dos kaje eta akenukairayare'i.

Ignaciano

^5-7 Tacahe, ema Viya máisapahi ema Útsutsure téjacahi te mávacure, ichape aquenuca, ticava­nai­ripipa tayehe tamutu avasareana te juca apaquehe. Ema Viya vahi máicuña­ca­va­nehini eta masiña­va­vai­sirahi, tímija­chavahi Víyainahini. Tíñema­hi­pivaca eta máechajisira, macaeca­hirahi ema Viya étapa eta mapena. Macaeca­hivare ena tiávihanahi te anuma. Éneri­chuvare mapana­ji­ri­cavaca ­ ena machanerana ema Viya. Máimica­ra­ta­ca­vacapa, mavarairahi máimica­pa­ca­vacaya. Cuarenta y dos caje eta macami­chirahi ema Viya eta máimiyu­se­ma­sirahi ema Útsutsure.

Apocalipsis 13:5 Iomraidhean Croise

2 Tesalonicenses 2:3

Wa'isera ekuisapawa nawayuaraka'e ena tepiya'ira'iana. Taicha wicha'a titekapaima'i ema Viya, tiamainukawa te mauchukapa ema achane tikaticha'i ema Viakenu taicha ema techepukainapa makanarainapa, je'ewarenapasera tiane'inapa eta maitekapirayare ema Viya, te'esera te maitekapapa émainapa tikuñakayere.

2 Tesalonicenses 2:4

Ema maka achane ema tikanara'i ema Viya namutu ena te'ikana'i tisuapana'i ema Viya, tási'a ema maka achane tinakawainapa te templo, timijachawainapa yatupikene emakene ema Viya.

2 Tesalonicenses 2:8

Je'ewarenapasera tiuchukainapa ema achane wínarajikene, ema maikuñaruyare ema viakenu Jesucristo, taicha taratayarechu'i eta machajurapa takamitiekene'ayare taicha tijara'iyarepa'i eta maitekapirayare, taicha ichape eta maitupajiniasirawa'i.

Apocalipsis 11:7

Té'esera te táitauchawapa eta nakametarairuirayare, makanarawakainapa ema tíñe'i achane wínarajikene tikaijare Útsutsure, tási'a masapi'ainapa tikaparekayare makapakawakainapa ena apinana mawanarana ema Viya.

Apocalipsis 12:14

Ésusera tikaijarakasipa eta apina ichapekeneana supawanayare'i takuti eta tapawa eta ichape máti'i. Sumaitasiawayare'i tiara taye'e eta máwapa'i apake'e suávi'ayare'i. Ánaki natiari'iyarewa ena téchapajirikanayare'i. Mapana añu y medio eta náenisirayare'i. Eta Serpiente wa'i táitekapauchaima'i esu.

Apocalipsis 12:6

Tási'a, esu esena tijunawanepa te máwapa'i apake'e eta suávi'ayare'i maicha ema Viya, natiari'iyare'isera ena ténikanayare'i esu, mil doscientos sesenta sácheana eta náitatirayare'i esu esena.

Apocalipsis 13:7

Maisapaware, makanara te'akakana taye'e eta awasare santukene'i, etapa eta maita'asirayare'i, maisapaware eta ma'akenukawayare'i, naye'e ena apánapanenejiana achaneana te juka apake'e, enapa ena apaechejiriruwana tiavi'ana te apana awasareana.