Apocalipsis 13:1 - Táurinakene máechejiriruwa’i ema Viya tikaijare

¹ Taka'e níma'apa eta útsutsure tiúkupaikapa'i tásiapa'i te ichapeama une. Siete eta tachuti. Diez eta taji'uana. Te tápusi eta taji'uana tatiari'i eta taye'e corona, tási'a te tachutiana tatiari'i eta ajureka tímijachawa'i Víyaina'ini.

Ignaciano

^1-2 Te táequenepa eta juca, te nuvapure, nutupihahi tayehe eta playa eta mar. Nímahapa eta útsutsure tiúcupai­capahi tásihahi te une. Siete eta tachuti. Dies eta tajihuana. Te tápusi eta tajihuana tatiarihi eta tayehe corona. Eta juca sárare tavasi­ma­hi­yaréni eta ichini. Táiñehi­quenehi eta tajaca. Eta táivapeana tacuti­yaréni eta táivape eta aticure. Tásiha, te tachutiana tatiarihi eta ajureca tímija­chavahi Víyainahíni. Macuna­hisera ema achane majupaha ema Satanás. Eta tacahe, eta Serpiente táijaracapa eta máitupa­ji­jia­si­ra­va­yarehi ema Útsutsure eta macaete­ma­rai­va­yarehi marata­hai­ra­yarehi tamutu. Aquenu­cayare te tamutu avasareana maicha eta Serpiente.

Apocalipsis 13:1 Iomraidhean Croise

Apocalipsis 11:7

Té'esera te táitauchawapa eta nakametarairuirayare, makanarawakainapa ema tíñe'i achane wínarajikene tikaijare Útsutsure, tási'a masapi'ainapa tikaparekayare makapakawakainapa ena apinana mawanarana ema Viya.

Apocalipsis 12:3

Tási'a, témuna'irikawarepa tiúchujika eta apana ekutiarare: táiñe'ikene sárare ichape kichare, titsi eta táima'i, siete eta tachuti, diez eta taji'uana, tamutu eta tachutiana tikaye'e'i eta corona.

Apocalipsis 13:11

Tási'a, níma'awarepa eta apana utsutsure, taiñe'ikene tiúchujika te ama'e apake'e. Eta juka sárare, makuna'i ema achane tikaijare Falso Profeta, eta juka, tatiari'i'i eta apina eta taji'uana, takuti eta taji'u eta uvesa, étasera eta táechejisira takutia'u eta ta'u eta ichape kichare.

Apocalipsis 13:14

Ichape eta náramira'i, étavene'i eta juka táimeresira'i eta tiáramikareana, étainapa tiwayuakaya ena achaneana, tisuapakarenapa titsiukakarenawarepa eta Útsutsure, taicha náima'a'i eta tanarasira'i eta tajara te tumare; tiápechawa títareka'i, taka'e, makawanairipipa náepiyakaya eta máima'i ema Útsutsure, nasiñarajiya.

Apocalipsis 13:15

Etasera eta tapinane Útsutsure tajachapapa eta taitupajijiasirawayare'i eta táchanechira'i eta náepiyaru'i táima'i eta tainapure Útsutsure, téchejikayare táicha, eta juka nasiñaraji, tawanekapa, namutu natsiukakayare'i, énasera nákani wa'i náwara'a'ini natsiuka, taimikapakawakayare'i.

Apocalipsis 15:2

Níma'a tatiwa eta tikutiyaréni táima'i eta une te ichapekene kákiure, tétavikawasera eta tajanunusira takuti'i eta espejo, tási'a takutiyaréni eta yuku eta táima'i. Te tachakaya eta une titupi'ana'i, nakarataka'i eta naye'eana guitarrana máijararuana ema Viya, eta nasuapira'i ema. Taicha ena tita'arekana, wa'i naisapawa'ini manaka'ini eta maikutiara, tási'a wa'iware naisapawa'ini manaka'ini eta májure étapa eta maijare útsutsure.

Apocalipsis 16:13

Tási'a, níma'awakapa ena mapanakeneana tikaetemara'iana'i, eta Ichape kichare, eta Útsutsure, émapa ema Falso Profeta, tiájajakana'i ena, te najaka, tiúchuka'i eta mapana eta tawásiyareni eta warutete.

Apocalipsis 17:16

Eta diéskene'i taji'uana eta útsutsure píma'akene'i takuna'i ena diéskeneana akenukana, ena, nakatichayare esu tú'usi, té'esera te táekenepa eta juka, náitarakainapa esu eta sukaye'ekeneanaini, náepachiakainapa, nákipaikayare tamutu eta supenana. Tási'a, eta náemachayare náijuchainapa te yuku.

Apocalipsis 17:3

Taka'e, ema Machanewa Viya tímima'anu'i eta mawara'akeneana tímechanuya ema ángele, ema ángele tiámanupa taye'e eta máwapa'i apake'e. Ánaki níma'apa esu esena téjaka'i te táina'u eta táiñe'ikene sárare, machanewa'i ema Útsutsure, titsi eta táima'i, te táke'e, amairi'a eta ajureka táimijarechawa'i, tímijachawa'i Víyaina'ini, siete eta tachutiana, diez eta taji'uana.

Apocalipsis 17:5

te suchuti, tatiari'i'i eta ajureka eta suíjaru'i, tayumururewachuchasera eta takayemakene'i: “Eta ichapekene awasare Babilonia, naena ena tú'usiana, tákenuyare eta tájiparakana táiñema'ikeneana.”

Apocalipsis 19:19

Níma'awarepa ema útsutsure, tási'a énapa ena reyeana akenukana te awasareana, étapa eta maye'eana ejército, kurujikakanapa, náurujiakapa ema tikapera'i eta kawayu tijapu, énapa ena té'ikana'i maye'eanapa'i ejército.