Apocalipsis 12:1 - Táurinakene máechejiriruwa’i ema Viya tikaijare

¹ Níma'awarepa eta apana ekutiarare te anuma: sutiari'i esu esena, eta sumuiri'a takutiyaréni eta tajaraiwa eta sache, te tápeku eta suíwapeana takutiyaréni eta kaje, eta te suchuti sukaye'e eta corona, jarari'i takutiyaréni eta dósekeneana jarairiki.

Ignaciano

¹ Nímaha­varepa eta apana ecutiarare te anuma. Tiárami­carehi éta. Sutiarihi esu esena. Eta sumuiriha tacuti­yaréni eta tajaraiva eta sache. Te tápecu eta suívapeana tacuti­yaréni eta caje. Eta te suyehe corona te suchuti, jararihi tacuti­yaréni eta dócequeneana jarairiqui.

Apocalipsis 12:1 Iomraidhean Croise

San Mateo 12:38

Enananajiwaka ena fariséuana énapa, ena escriwánuana naichapa ema Jesús: –Tata maestro, viwara'a vima'avi picha'ini eta tiáramikareana.

San Mateo 24:30

Taka'e, tikaecherainapa te anuma eta ekutiarareya, maye'e ema Machicha ema Ajaira, tási'a tíya'anainapa eta napisira namutu ena achaneana táwakuana'i eta awasareana te apake'e, tási'a, naíma'ainapa ema Machicha ema ajaira, támainapaipa eta úkajiana taye'e eta anuma, tétavikawayare eta majaraiwayarepa'i.

Marcos 13:25

eta jarairikiana témirikanainawarepa. Étaipa eta tiávi'ana'i te anuma vima'akeneana'i, éneichuware tiyamurikanainapa, tiyejejekawanainapa.

San Lucas 21:11

Tatiari'iyarewa eta ichape eku'amu'uya te awasareana, éneichuwa tiyamuripaikaya eta apake'e tatiari'iyare eta jumaremu'uya, te anuma tímerekawainapa eta ichape ekutiarareya.

San Lucas 21:25

“Jarari'iyare eta ekutiarareya te sache, te kaje, étapa te jarairikiana, tipikanainapa ena achaneana te juka apake'e. Tiáramekanainapa taicha eta nasamirayare eta murakakene táepakuru'a eta ichapeama une.

San Juan 3:29

Nuti nímikutijirisina'e te natiari'i ena araimana'i, namutu ena nakaichu'asikeneana tiúrisamureana'i eta náimaira'i ena araimana. Nakunacha'i ema arayena, ene nuka'e'i nuti eta núrisamurewa'i eta nímaira'i puiti eta nakunachira'i ema Jesús.

Hechos 2:19

Te anuma nímerekayare eta tiáramikareana, tási'a tépusaikawayare eta íti, nukamirikayare eta yuku étapa eta kijare, te juka apake'e.

Romanos 13:14

Tási'asera, ímereka eta iúriwaina. Ákuti ema Viákenu Jesucristo eta máuriwa'i ema. Waipa ekusuapa eta tajamurachakeneana'i eta iáke'eana. Wá'iware ekupanerecha eta íchiraya eta.

Romanos 3:22

Eta taka'e'i puiti, yátupi'i eta vijakapakarewa'i vimutu viti vikasiñawana'i maye'e ema Jesucristo. Ema Viya wa'i manerejikaima'i nákarichu'ini ena tiúriana. Wá'iware máepuruima'i ena achaneana tisipekaturana'i,

2 Corintios 11:2

Puiti, tétavikawa'i eta néñamirawa'i ícha eti, tási'akene'isera me Viya. Taicha nuwara'a táuri'ini eta majakapira'eyare ema Cristo. Ákuti'ini súkani esena amaperu te sutupiruwa'i eta sukaimaira, tájinasarepa makayema'ini ema suima.

Gálatas 3:27

Puiti, eta ekaikachasira'i te máijare ema Jesucristo, tiáwa'aka'eripa ema, eti ekutinapa eta máuriwa'i.

Gálatas 4:26

Jarari'isera eta apana'iware awasare tikaijare Jerusalén, tiávi'a'i te anuma, víti tachichanaveana'i, waipa vítiparakaina'ini tapamika'avi'ini eta wanairipianaini.

Gálatas 6:14

Nútisera, eta nítaresira'i, nuwapinawa'i ichape maicha ema Jesucristo, máepeninanu'i te crusu níchavene'i nuti. Taka'e, nuti apana nínajikaipa eta né'isiraini'i eta taye'erepiana eta apake'e, waipa nútiparakaina taye'e, taicha eta máepenira'i níchavene'i nuti.

Efesios 5:32

Te juka timerekawa eta taichapewa eta takayemakene eta tayumururewakene'i me Viya. Taka'e, puiti nímituka'e, viti machanerana ema Cristo, eta viúrujiasira'i ema,

Apocalipsis 1:20

Numetakaviya eta takayemakene'i eta sietemurikeneana jarairiki nukarataru'i te waure, étapa eta siétekikeneana kandeleruana urukiana, eta juka siete jarairiki, énara ena tikametarairura'iana naye'e ena sietemurikeneana pichamuriana, eta sipikeneana kandeleruana, énara ena sipimurikeneana nuchanerana.

Apocalipsis 11:19

Taka'e, téjiakapa eta tapajakura eta templo mapena ema Viya tiávi'a'i te anuma, tikaecherapa eta sagrario takaunaiya'i eta echéjirirukawana matratuneana'i ema Viya. Tási'a enewanepa térameka'i, tirurekapa, tiyamurikapa eta apake'e, témirikapa eta uvereki.

Apocalipsis 12:3

Tási'a, témuna'irikawarepa tiúchujika eta apana ekutiarare: táiñe'ikene sárare ichape kichare, titsi eta táima'i, siete eta tachuti, diez eta taji'uana, tamutu eta tachutiana tikaye'e'i eta corona.

Apocalipsis 15:1

Níma'awarepa te anuma eta apana ekutiarare, natiari'iware ena siétekeneana ángeleana, tikatuparakasianapa ena eta nakamirisirayare'i eta siétekene ekuñarakiana te apake'e, eta masemanewa'i ema Viya.

Apocalipsis 21:14

Te apake'e eta yúchama, tatiari'i eta doce márimeana táeja'ameruana'i eta yúchama, táma'i eta dósekene náijareana ena apústuleana maye'eana'i ema Cordero.

Apocalipsis 21:23

Takutikene, wa'i tákamunu'ini eta sache, étaipa eta kaje eta tamikauchiraina'ini eta awasare, taicha tamikaucha'i eta majaraiwa ema Viya, émapa ema Cordero.