Apocalipsis 11:8 - Táurinakene máechejiriruwa’i ema Viya tikaijare

⁸ Eta nake'enaini tejarupaikawainapa taye'e eta calleana te ichapekene awasare, ánaki te naetatasine'i ema Viakenu, eta juka awasare, tétavikawa'i eta tamauriwa'i takuti eta awasare Sodoma, étapa eta Egipto.

Ignaciano

^8-9 Tásiha, ema Tíñehi Achane Útsutsure vahi máisapaimahi náecara eta náqueheana. Tanasi­yarehi te aneca. Tacahe, náimahayare namutu ena achaneana te juca apaquehe. Mapana sache y medio eta nacaheyare te calle eta te avasare. Eta juca avasare, étarichuhi eta macaeta­tainehi ema Viáquenu. Eta juca avasare, tétavi­cavahi eta tamauriva tacuti eta avasare Sodoma, étapa eta Egipto.

Apocalipsis 11:8 Iomraidhean Croise

San Mateo 10:15

Nutupiruwa numetaka'e, te táitekapa eta juicio, tiápajupanaya eta náikuñayare, takachurikayare eta nakaikuñaira'i ena achaneana wínarajikeneana tikawasanaini te Sodoma étapa eta Gomorra.

Hechos 9:4

Ema Saulo tiákipaikawapa te apake'e. Masamapa eta ma'u ema Jesús. Máichapa: “Saulo, Saulo, ¿tája'a takayema pipánajirikanu?”

Hebreo 13:12

Ene maka'e'i ema Cristo, tikatajiwa'i eta máepenira'i te tachachaku eta awasare, mawaraira'i máepachiaka'aviyare'i viti achaneana taye'e eta máitineichu ema.

Hebreo 6:6

Te'esera te nachawa nakipaikawa, waipa warata'a vimichawa maye'e ema Viya taicha enapa tiapecha naemetataka'i ema machicha ema Viya tási'a nakaeka'ipa'i tamutu eta naichararakawa'i.

2 Pedro 2:6

Nuwara'a némecha'eware naye'e ena tikawasanaini'i te awasare Sodoma, étapa te Gomorra, wá'iware majapanuwaka'ini ema Viya, makamirika'i eta yuku, náikuña'i ena, táija'uchawakapa takamitiekene'awaka namutu, títawanapa, amairi'anecha tsimapa eta náitavira'i, ema Viya máimereka'i eta juka, naye'e ena najurureanapa te juka apake'e puiti, mawaraira'i máemechawaka ena achaneana wíinarajipanereruana'i te napikayarepuka.

San Judas 1:7

Takutinasi eta náichararakawa'i ena achaneana tikawasanaini te apinakene awasare Sodoma étapa eta Gomorra, étapa eta awasarechichana te tachakayana'i, tijararekawanapa tu'usianapa, tisapawanapa naicha eta tamaurikeneana, taitusiawa tikatajiwanapa taye'e eta taijurekene yuku, taka'e puiti vechapawaya vimutu.

Apocalipsis 11:13

Enewanepa tiyayakarepa eta apake'e, muraka eta tayamurisira'i, kamuri eta pétiana tiákipaikawawaka'i, siete mil eta náichapemuriwa ena náepenakeneana'i. Ena achaneana táemachana'i, tétavikawaine'i eta napisira'i, náimatinumaine'i ema Viya, napiarakapa, nakunachapa eta máitupajijiasirawa'i ema Viya tiávi'a'i te anuma.

Apocalipsis 11:9

Tási'a mapana sache y medio eta naka'eyare eta te awasare, apánapanenejianayare ena achaneana naitekapakeneanayare tiasi'ana te apanana awasareana apaechejiriruwana, ena tima'anayare eta nake'enaini nakaparuana'i, enasera wa'i naisapaima'i naekara ena naepenakeneana.

Apocalipsis 14:20

Te tachachaku eta viáwasa eta takajapapa'esi'a'i, tiúchukapa eta náitine, takuti eta kajakure, étana metro eta táupenawa, tresciento kilómetro eta táunawayare.

Apocalipsis 14:8

Taka'e, ema apana ángele, ánipa maka'e: “¡Tájinapa táipuina takamitiaruinapa eta ichapekene awasare Babilonia, taicha tétavikawa'i eta tamutuira'i taicha eta tamaurikeneana. Tawayuaka'i tamutu eta apana awasareana táichiraya eta tamaurikeneana, takuti'i súkani esena suétaviurekene'i eta sutu'usiwa'i!”

Apocalipsis 16:19

Eta tayamurisira'i eta apake'e, tiákipaikawanapa eta pétiana tamutu awasareana, tavetijipa eta ichapekene awasare Babilonia, tiákipaikawapa tamutu eta pétiana, mapana eta táejepa'i eta apake'e te taju'e eta awasare. Taicha ema Viya máechapanapa eta naviurewana'i ena tachichanaveana, máimerekapa ema eta masemanewa'i, tétavikawa'i eta tamurakawa eta táikuña'i.

Apocalipsis 17:1

Tási'a, tipauchanupa ema émana ángele nasietene'i ena tikaratakana'i eta escudillana. Máichanupa: “Yare, nímechaviyare eta suíkuñayare esu esena tú'usi, tawayurewa'i eta supekaturana, esu, tejaka'i te tachausi eta ichape une.

Apocalipsis 17:18

Esu esena pima'akene'i esu takuna'i eta ichape awasare esu tiakipairika'i ena akenukana taye'e tamutu awasareana.”

Apocalipsis 17:5

te suchuti, tatiari'i'i eta ajureka eta suíjaru'i, tayumururewachuchasera eta takayemakene'i: “Eta ichapekene awasare Babilonia, naena ena tú'usiana, tákenuyare eta tájiparakana táiñema'ikeneana.”

Apocalipsis 18:10

Nayererekinainapa eta náimararasirayare táichavenena'i eta napisirayare eta yuku táikuñayare eta awasare. Tási'a, naka'enapa: “¡Páurevisami, piti ichapekeneni awasare, Babilonia eta ichapekeneni awasare! Eta táija'uchirawapa eta titekapa eta taikuña.”

Apocalipsis 18:18

Eta náimaira'i eta takijarera eta yuku táijuira'i eta awasare, tipiararekanapa: “¿Tájina apanaina awasarena tákuti'ini eta juka ichapekenéni'i awasare?”

Apocalipsis 18:2

Téchejikapa muraka, ánipa maka'e: “¡Tájinapa táipuina tákipairuwainapa eta ichapekene awasare Babilonia! ¡Énanecha tikapenana'i ena wínarajiana, nakapenapa ena nachanewana ena ereanana, nakajachakarekeneana, tapenapa eta taiparakana kayureana, takajachakareneneana, etapa eta taiñe'ikeneana sarareana, taiñema'ikeneana!

Apocalipsis 18:21

Taka'e, tiúchujikapa ema émana ángele, máetaviure eta mamurakawa. Manaraku'apa eta ichapekene mari ticheyarame, mákijiekapa te ichape une. Tási'a, maka'epa: “Taka'eyare eta tamurakawaya eta nákipaisiraya eta ichapekene awasare Babilonia, tájinapa tímiapechaima'i náima'a'ini.

Apocalipsis 18:24

Eta júkatataji awasare, tikaviurewa'i eta nakapasirawaka'i namutu ena machaneranaini ema Viya te juka apake'e, énaipa ena profetanaini.