Apocalipsis 11:2 - Táurinakene máechejiriruwa’i ema Viya tikaijare

² Wá'isera pikuikuticha te aneka tamira'u'i eta mapena ema Viya, taicha nijararuipa'i ena maimatira'ana ema Viya, énainapa techanayare eta awasare Jerusalén namapachichijikainapa, cuarenta y dos kaje eta náichirayare.

Ignaciano

² Váhisera picuicuticha te aneca tamirahuhi eta Templo. Taicha ena apajue­cu­ruhana, nísapa­que­neanapa eta návihairaya éna. Nísapai­na­varepa eta náitaha­siraya eta tayere­ru­vanaini eta avasare tacapi­ca­hu­quenehi Jerusalén. Ichape eta namapa­chi­chi­ji­si­rayare. Cuarenta y dos caje eta náichirayare.

Apocalipsis 11:2 Iomraidhean Croise

San Mateo 27:53

Tási'a, te mapanakenepa sache, té'eware te táekenepa eta máechepusira'i ema Jesús te máekari, ena apanaware tiúchukanapa taye'e eta náekariana. Tási'a, tisiapanapa taye'e eta awasare Jerusalén, tichawanapa te napenana, ichapemuriana'i ena achaneana tíma'ana'i éna.

San Mateo 4:5

Tási'a, ema wínaraji mámawarepa ánaki te takapika'ukene awasare Jerusalén, máimiapanapa te táina'u eta templo

San Mateo 5:13

“Eti ekuti'i eta icheve tétavikawa'i eta takamunukarewa'i tejuka apake'e. Te'esera te tepa'apapa, ¿wa'ipapuka takuicheve'i? Tási'a, nájinainapa tikamunuima'i, taicha náepuruinapa namutu.

San Lucas 21:24

Natiari'iyarewa ena takaparuanaya eta espada, ena apamuriana nakaratatajikainapa. Námawakainapa te apanakeneana awasareana. Eta awasare Jerusalén énapa téchanayare ena apawasana. Tiámainukawa te máikutichapa ema Viya, enapawainapa kaikuñanayare.

Hebreo 10:29

Tétavikawa tamurakawaya eta náikuñayare ena témepururekana'i ema Machicha ema Viya, nákaini kaeka'iana'iware ema Machanewa Viya, taicha náemepurureka'iware eta máitine máepusairu'i ema Cristo, étara viwacha'i eta majakapira'aviyare'i ema Viya.

Apocalipsis 11:11

Tási'asera, te táekenepa eta mapanakene sache y medio, makaechepukawakapa ema Viya, tichawanapa títarekana, namutu ena achaneana timararakana'i, íchapeine eta napisira'i.

Apocalipsis 11:3

Nútisera nuwanekawakainapa ena apinana nuwaneruanaya profetana, ena tikisamuiri'anayarepa'i eta namuiri'ana, eta juka táikutiarayare'i eta náichuaresirayare náeñauchawa ena achaneana, mil doscientos sesenta sache eta nayerewayare.”

Apocalipsis 12:6

Tási'a, esu esena tijunawanepa te máwapa'i apake'e eta suávi'ayare'i maicha ema Viya, natiari'iyare'isera ena ténikanayare'i esu, mil doscientos sesenta sácheana eta náitatirayare'i esu esena.

Apocalipsis 21:10

Tási'a, ema Machanewa Viya tímima'anu'i eta mawara'akene tímechanuya, ema ángele tiámanupa eta te tápusi eta ichapekene mari anuke'ekene, tímechanupa eta táukupaisira'i te anuma eta awasare Arairu Jerusalén. Tétavikawa'i eta tasantuwa taicha tási'a'i te mamira'u ema Viya.

Apocalipsis 21:2

Tási'a, níma'awarepa eta tiúrina awasare, tikaijare'i Arairu Jerusalén, tétavikawa'i eta tasantuwa, taicha tási'apa'i te anuma te mávi'a'i ema Viya. Tiúrinapa'i eta takaetupiri'ira'i, takuti'i te tikaetupiri'i esu araimayare.

Apocalipsis 22:19

Éneichuware ekaunechawa eta iáñauchira eta táechejisi'akeneana'i te juka libro, machu máñaucha'e ema Viya eta esiapira eta juka máwasa sántokene'i, machu wa'i makuenika'e eta ta'i eta yukukiana tikaitarekara'iana, étaipa eta nájurekeneana te juka libro.