Apocalipsis 1:7 - Táurinakene máechejiriruwa’i ema Viya tikaijare

⁷ ¡Íma'a, márajapainapa ema Cristo támayarepa'i eta úkaji! Namutuyare nanekapa ena achaneana te juka apake'e, tási'a, tipikanainapa ena tijarachana'i; tási'a namutu ena tiavi'ana'i te apake'e tíya'a'akawanainapa eta naimairayare. Eta taka'eyare eta juka, amén.

Ignaciano

⁷ Ímaha, máraja­painapa ema Cristo. Támaya­repahi eta úcaji. Namutuyare nanecapa ena achaneana te juca apaquehe. Náimahainapa, tásiha, tipica­nainapa. Tíyaha­ha­ca­va­nainapa eta náimairayare, énaripa ena námarie­queneana ena tijara­chanahi, taicha téchavanahi éna eta náejeca­pi­ravahi ena náchuca­na­veanaini. ¡Ene tacaheyare! ¡Máiteca­pa­va­nepaini!

Apocalipsis 1:7 Iomraidhean Croise

San Mateo 16:27

Taicha ema Machicha ema Ajaira, tichawayare'i, mámainapaipa eta majaraiwa ema Tata, makachanéwakayare ena ángeleana. Te jena sácheyare, tíjarakawakainapa eta náikuchiana'i ena machanerana, jákani náemataneanapachu'i.

San Mateo 16:28

Nutupiruwa numetaka'e, eti etiari'ikeneana'i puiti, enerejikawayare, wa'i épenawanema'i, íma'anumaya eta makatupara'airayare ema Machicha ema Ajaira.

San Mateo 24:30

Taka'e, tikaecherainapa te anuma eta ekutiarareya, maye'e ema Machicha ema Ajaira, tási'a tíya'anainapa eta napisira namutu ena achaneana táwakuana'i eta awasareana te apake'e, tási'a, naíma'ainapa ema Machicha ema ajaira, támainapaipa eta úkajiana taye'e eta anuma, tétavikawayare eta majaraiwayarepa'i.

San Mateo 25:31

“Te machawapa ema Machicha ema Ajaira, tachayakayapa'i eta majaraiwa, tási'a énapa namutu ena maye'eana ángeleana, tejakainapa te maejasi'ayare takapika'ukene.

San Mateo 26:64

Ema Jesús majikapapa: –Petupika'i eta píchira'i, tási'a nuti eneichuware, numetaka'eyare eti, eta íma'ayare ema Machicha ema Ajaira eta maéjasirayare te mawaure ema Máitupajijiaruwakene'i, tási'a eta maúkupaisirayare mási'ayare te anuma, támirayarepa'i eta úkajiana.

Marcos 13:26

Taka'e, tikaecherainapa ema Machicha ema Ajaira eta maitekapirayare, támainapaipa eta úkajiana, tétavikawayare eta majaraiwayarepa'i.

Marcos 14:62

Ema Jesús máichapa: –Nuti'ichu'i. Tási'a eti íma'ayare ema Machicha ema Ajaira eta maéjasirayare te mawaure ema Máitupajijiaruwakene'i, tási'a eta maúkupaisirayare mási'ayare te anuma, támirayarepa'i eta úkajiana.

San Lucas 21:27

Taka'e tikaecherainapa ema Machicha ema Ajaira eta maitekapirayare, támainapaipa eta úkaji, tétavikawayare eta majaraiwayarepa'i.

San Juan 19:34

Táitsiwa'isera ema émana suntaru mayuwarakapa te macheneji taye'e eta lanza. Enewanepa tiúchuka'i eta iti étapa eta une.

San Juan 19:37

Jarari'iware eta apana Ajureka, ániware taka'e'i: “Náima'ayare ema najarachakene'i.”

1 Tesalonicenses 1:10

eneichuware timetaka'aviana eta ekuchapira'i eta machaviraya ema Machicha ema Viya mási'airaya te anuma, ema maka Jesús émaichu ema makaechepukasikene'i te máekari maicha ema Maiya. Émara tikatiucha'aviyare taye'e eta ekuñaraki náikuchi'i ena masuapajiraira'ana.

1 Tesalonicenses 4:17

taka'e, viti vítareruanaicha'a viyanainapa vimutu. Vikáchanenapa ena náepenakeneanaini. Viakapajikainapa ema Viákenu te anuke'e te távi'a'i eta úkaji. Tási'a, máichekuarakireyare eta vikachaneraya ema Viákenu.

Hebreo 10:29

Tétavikawa tamurakawaya eta náikuñayare ena témepururekana'i ema Machicha ema Viya, nákaini kaeka'iana'iware ema Machanewa Viya, taicha náemepurureka'iware eta máitine máepusairu'i ema Cristo, étara viwacha'i eta majakapira'aviyare'i ema Viya.

Hebreo 6:6

Te'esera te nachawa nakipaikawa, waipa warata'a vimichawa maye'e ema Viya taicha enapa tiapecha naemetataka'i ema machicha ema Viya tási'a nakaeka'ipa'i tamutu eta naichararakawa'i.

1 Juan 3:2

Nuparapenaveana némunarukeneana, machicha'avipa ema Viya. Vuícha'asera tímecha'avi ema eta viúriwayare. Véchaipasare eta vikutirayare ema Jesucristo eta te machawa. Taicha víma'ayare eta máima'ikene ema.

San Judas 1:14

Ema Enoc ema maekenereru, mae'iru ema Adán, maechejikapa ena achaneana maichawapa: “Níma'a'i, ema Tata Viya makachanemuripa'i maverakeneana ena maye'eana ángeleana.

Apocalipsis 22:20

Mákani títametaka'i eta júkana, maka'e'i: “Tiuri nútijapawaneyare.” Amén ¡Yarepa, Tata Jesús!

Apocalipsis 22:4

Naimararakayare te mamira tamutu sacheana. Tási'a namayare eta máijare te nana'u.