Apocalipsis 1:6 - Táurinakene máechejiriruwa’i ema Viya tikaijare

⁶ eneichuware, tinaka'avi'i te namuri ena manerejiruana'i; tuparairuka'aviyare'i eta maye'e, mawaraira'i viyujarakará'iyare maye'e ema Viya. Támutu'ini sácheana vikunacha eta máitupajijiasirawa'i ¡viáramiparaka'ini eta akenukaira'i! Amén.

Ignaciano

⁶ Éneri­chuvare, tinaca­havihi te namuri ena manere­ji­ruanahi tuparai­ru­ca­ha­vi­yarehi eta mayehe, mavarairahi viyuja­ra­ca­rá­hiyare mayehe ema Viya. ¡Támutuhini sácheana vicunacha eta máitupa­ji­jia­si­ravahi! ¡Viárami­pa­ra­cahini eta aquenu­cairahi! ¡Amén!

Apocalipsis 1:6 Iomraidhean Croise

San Mateo 6:13

Wa'i pikuisapa'avi vicha eta tamaurikeneana pikatiucha'avi maye'e ema wínaraji.’

San Juan 5:23

taicha mawara'a'i epikauchanu nuti Machicha, tákuti'ichu eta epikauchira'i ema Tata. Nákanisera wa'i tipikauchanuana'i nuti, wá'iware napikauchaima'i ema Tata.

Romanos 11:36

Taicha tamutu eta tatiari'ikeneana'i, takarichu tási'akeneana'i maye'e ema Viya. ¡Máitawakaka'i eta vikunachira'i ema Viya! Amén.

Romanos 15:6

Nuwara'aware ákutikaka'ini eta epanereru. Tási'a, te iúrujisirawana, étanainaichu'ini eta iá'uana eta ekunachirayare ema Viya, tási'a Makaiyakene ema Viákenu Jesucristo.

Filipenses 2:11

Námutu nakunachayare yátupi ema, Jesucristo ema Viya, taka'e, tétavikawa'i eta majaraiwa ema Viya Vikaiyakene.

1 Timoteo 6:16

Makarichu ema, yátupikene'i máepenakaka, máetaviucha'i eta mawáyu'aukiraiwa'i, nájina tirata'aina tikachakayaina eta majaraiwa taye'e eta mávi'a'i, ema, nájina tíma'aina, taicha máima'asikene'i ema. ¡Ema, vipikauchakene'i viwapinakene'i ichape. Máitawakakainapa eta vikunachirayare ema, jé'eware ema, tamutu marata'a! Amén.

Hebreo 13:21

Ema Viya, máimikataka'e'ini ítaucha tamutu eta mawara'akeneana, íchira'i eta táurikeneana apaesa ekurisamurecha'ini ema, tamutu eta ítaresira eta é'isira'i ema Machicha Jesucristo. ¡Máitawakakayare eta vikunachira ema Cristo! Amén.

1 Pedro 4:11

Eti máimitureana ema Viya, eta échejisira, ekuneuchawa yátupi eta máechejiriruwana ema Viya. Eti ímikatara'iana ítatiwaka ena echamuriana, wa'i éñamaima'i eta etumewa máijararu'e'i ema Viya. Étavene'i eta é'isira'i ema Jesucristo, tamutu tauri eta jákani íchakeneana apaesa nakunacha ema Viákenu namutu ena tíma'a'eana. Ema, ¡tétavikawa'i eta makunachakarewa'i! ¡Máitawakaka'iware eta vé'isiraya ema! Amén.

1 Pedro 5:11

Ema, ¡máitawakaka'i eta makunachakarewa'i! ¡Makachurika'i eta máitupajijiasirawa, máitawakaka'iware eta! Amén.

2 Pedro 3:18

Tajurukapaichuchaini eta ímatiraina, eta máemunasira'e'i ema tikatiucha'avi'i ema Viákenu Jesucristo. Tétavikawa'ini eta vijirauchira, te vinarasirana, te véjamisirana ¡vímiyanawayare! ¡Amén!

San Judas 1:25

ejiraucha ema Viya, ímati ema katiura'i. Éneichuware viti, tétavikawayare eta vikunachiraya vimutu viti, taicha eta máramikarewa'i ichapekene eta máitupaijiasirawa. Vépuyumiraucha eta visuapiraina. Máitawakakayare eta vitsiusirayare ema. Amén.

Apocalipsis 1:9

Nuti Juan, núti'ichu echamurinu'i, núti'ichuware ekutikenenu'i eta nawa'asira'i ema Viya, taye'e eta vikatajiwaira'i, vikamicha'isera tamutu taicha tétumecha'avi'i ema Jesús. Taichavene eta vikametarairuira eta maechejiriruwa ema Viya, eta nukawana'ira'i ánaki tejena tiurupu'i tikaijare Patmos.

Apocalipsis 20:6

¡Tiúrikakareanayare ena nani tiápechawanayare títarekana puiti juka masantuchainapa ema Viya! Waipa tiápechawanaima'i tépenana, tiyujarakara'ianaya maye'e ema Viya, étapa me Cristo. Taicha ema Cristo máijarakainapa eta mil añu eta nakatupara'airayare.

Apocalipsis 4:11

“¡Tata Víyakene, piti Viákenuvi'i! ¡Tétavikawa'i eta piúriwa'i! Ichapekene'i eta vikunachiravi'i. Taicha píti pépiyaka'i akane tamutu eta juka víma'akeneana'i puiti. Píti'ichuware pécha'i puiti tamutu eta pépiyaruana'i.”

Apocalipsis 5:10

Píjaraka'avi'iware eta narrey-wayare'i, pijaraka'iware eta mayujarakaraiwayare'i ema Viákenuyare'i Viya, enainapa akenukanayare'i taye'e te juka apake'e.”