Apocalipsis 1:11 - Táurinakene máechejiriruwa’i ema Viya tikaijare

¹¹ Ánipa maka'e'i: Piájuchaya tamutu eta juka píma'akeneanaya te ajumeruka, pímiamarekapa eta piajure naye'e ena siétemurikeneana pichamuriana tikawasana'i te Asia: ena tiávi'ana'i te Éfeso, ena tiávi'ana'i te Esmirna, ena tiávi'ana'i te Pérgamo, ena tiávi'ana'i te Tiatira, ena tiávi'ana'i te Sardis, ena tiávi'ana'i te Filadelfia, énapa ena tiávi'ana'i te Laodicea.”

Ignaciano

¹¹ Ánipa macahehi: —Piájuchaya tamutu eta juca pímaha­que­neanaya. Pímiama­recapa eta piájure nayehe ena siétemu­ri­queneana pichamuriana: ena tiávihanahi te Efeso, ena tiávihanahi te Esmirna, ena tiávihanahi te Pérgamo, ena tiávihanahi te Tiatira, ena tiávihanahi te Sardis, ena tiávihanahi te Filadelfia, énapa ena tiávihanahi te Laodicea —macahepa.

Apocalipsis 1:11 Iomraidhean Croise

Hechos 16:14

Sutiari'i esu esena tikaijaru'i Lidia; esu, suchusine'i te awasare Tiatira. Esu suka tíjararekara'i eta yerérukawa sedana mularumeana. Ésuichu, tipikaura'i me Viya. Susamarakaipa eta mametarairu'i ema Pablo. Ema Viya mavejiasinaipa eta susamure sujakapirayarepa'i eta mametarairu ema Pablo.

Hechos 18:24

Te jena sácheana'i, títekapa'i te awasare Éfeso ema émana juriyu tikaijare Apolo, ema máuchure'i te awasare Alejandría. Máituka'i tikametarairu ema, máimatiware yátupi tamutu eta Takapika'ukene Ajureka.

Hechos 20:17

Etasera eta mávi'aira'i te Mileto, ema Pablo máimichu'awakapa ena náiyara'ana taye'e eta awasare te Éfeso.

1 Corintios 15:32

Muraka'i eta nukanaramurira'i ena achaneana tikawasana'i te awasare Éfeso. Náetaviucha'i eta nawínarajiwana'i, nakuti'i ena eta sárareana táiñe'ikeneana'i. Tájinachuchasera táimaekenena'ini nuye'e eta nímiyanawayare eta nukatiuchira eta vé'iru'i, te takuija yátupina'ini eta véchepusirayare te vépena. Taicha ani naka'e'i: “¡Vikamapurawachucha puiti vera vinika, taicha achichupuka vépenakaru!”

1 Corintios 16:8

nuwara'a'iwaresera nunasipananumayare ani te juka Éfeso. Tiámainukawa te táetavikawapa eta piesta Pentecostés, nútijapainapa,

Efesios 1:1

Nuti Pablo, maye'enu'i apústule ema Jesucristo, taicha manerejirunuichu'i ema Tata Vikaiyakene, nawaraira'i nímitukaya ena achaneana eta máechejiriruwana, tási'a puiti, nukajure'e eta juka carta eye'e eti nuchamuriana ekawasana'i taye'e eta awasare Éfeso, taicha eti machanera'eipa ema Viya, táurikene'i eta é'isira'i ema Jesucristo.

Colosenses 2:1

Nuti ichapemuri'i eta néñamirawa'i eye'e eti numaimatikeneanaicha'a, énapa ena apamuriana vichamuriana'iware tikawasana'i te Laodicea.

1 Timoteo 1:3

Péchaipa'i eta juka numetaruvi'i, te nuyanayarepa taye'e te tinapaika eta Macedonia, eta nutuparasiravi'i pinasiyare'i taye'e eta awasare Éfeso. Wicha'a pijunijikaima'i taicha pímatirípa'i píti ena nani nawara'a'i ti'apapikana eta vímiturapiana. Wa'i pikuisapawaka

Apocalipsis 1:17

Nupikaine'i eta nímaira'i, nákipaikawapa te máiwapechakaya, tiáne'i népena eta nupisira'i. Émasera manakapa eta mawa'u waure te nápusi, máichanupa: “Wa'i pikupikanu, nútichucha nuti nunakucha'i eta táepanirawa'i, núti'ichuware nécha'i eta táitavirayare tamutu,

Apocalipsis 1:19

Piti Juan, piájuchayare eta juka píma'akeneana'i: puiti juka tatiari'ikeneana étapa eta táichararakawayare nímechakeneviyare taekenereruanayare.

Apocalipsis 1:2

Takuti eta yátupi'i nukametarairuira'i eta máechejiriruwana ema Viya, étaichu'i eta máimiturapiana ema Jesucristo, puiti nutupiruwa numetaka'e eta juka numetakasiwana'i.

Apocalipsis 1:20

Numetakaviya eta takayemakene'i eta sietemurikeneana jarairiki nukarataru'i te waure, étapa eta siétekikeneana kandeleruana urukiana, eta juka siete jarairiki, énara ena tikametarairura'iana naye'e ena sietemurikeneana pichamuriana, eta sipikeneana kandeleruana, énara ena sipimurikeneana nuchanerana.

Apocalipsis 1:4

Nuti Juan nukajure'e eti siétemuriana nuchamuriana'i éjanereruana'i taye'e eta tinapaika te Asia. Nuwara'a makatajika'e'ini ichape ema Tata Vikaiyakene, émapa ema Jesucristo. Táuri'iwareni eta epanereruana. Te tamira'u eta máejasi'a'i trono, natiari'i ena siétekeneana maye'eana arcángeleana,

Apocalipsis 1:8

“Nútira nunakucha'i eta táepanirawa'i eta apake'e, núti'ichuware nécha eta táimiyanirawaya tiuri, néchayarewa eta táitavirayare tamutu,” maka'e'i ema Viya, tétavikawa eta máitupajijiasirawa, máituruekene'a'i tamutu, ema, matiari'ikene'i te tépanawainapa, puiti manasi'ichu'i eta viye'e, émarichuwa manasiyare te táitawapa tamutu.

Apocalipsis 10:4

Te timatinapa, nuwara'apa nájuekene'ayare'ini. Nusamapasera ema téchejikanu'i te anuma. Máichanupa: “Piáñauchayare eta juka pisamakene'i, tási'a wa'i pikuajucha.”

Apocalipsis 14:13

Taka'e, nusamawarepa ema téchejikanu'i te anuma, ánipa maichanu: “Piájuchayare eta juka: Tétavikawa eta náurikakarewaya ena táimikaparuanayare puiti juka vikaiju'eyare eta náe'isira'i ema Viákenu.’ ” “Éneichuware– ema Machanewa Viya–, máichanupa jé'eware, najakapainapa eta náikuchi'i taicha eta nakaemataneasira'i ema Viákenu, tájinapa nákamunuima'i, tinarakanainapa.”

Apocalipsis 19:9

Ema ángele máichanupa: “Piájuchayare eta juka: ‘Tétavikawapa eta náurikakarewa nákani nakaichu'asikeneana'i taye'e eta táurinakene mapiestara ema Cordero.’ ” Tási'a, máichanuwarepa: “Eta jukana, eta yátupikeneana'i máechejiriruwana'i ema Viya.”

Apocalipsis 2:1

“Pikajureyare eta juka numetarapiana'i maye'e ema tikametarairura'i naye'e ena pichamuriana tikawasana'i te awasare Éfeso: ‘Nuti iákenunu'i taicha nuti nukarataka'i eta sipikeneana jarairikiana te nuwa'u waure, nuti návi'a'i te tamuri eta sipikeneana kandeleruana urukiana:

Apocalipsis 2:12

“Pikajureyare eta juka numetarapiana'i ema tikametarairura'i naye'e ena pichamuriana tikawasana'i te awasare Pérgamo: ‘Eta juka maka'e'i ema tikarataka'i eta takásirikene espada tinunape eta takasiriwa:

Apocalipsis 2:18

“Pikajureyare eta juka numetarapiana'i ema tikametarairura'i naye'e ena pichamuriana tikawasana'i te awasare Tiatira: ‘Nuti Machichanu'i ema Tata Vikaiyakene. Nuti nímati'i tamutu, taicha tijara'iwaka eta núki'ana, tétavikawa'i eta tawayu'aukiraiwa'i. Eta níwapeana tijanunukawakawa takuti eta bronce eta tajanunusira'i:

Apocalipsis 2:24

Etisera eti ekawasana'i te awasare Tiatira, etisera wa'i e'ika'ini eta naimiturapi wa'iware ímatiekene'ai'ini eta naeñaure'i maye'erepi ema Wínaraji, etisera tajina etapirawaina'ini wa'i nikuñaka'ema'i.

Apocalipsis 2:8

“Pikajureware eta juka numetarapiana'i naye'e ena pichamuriana tikawasana'i te awasare Esmirna: ‘Nuti nunakucha'i eta táepanirawa'i, núti'ichuware nécha'i eta táitavirayare tamutu. Nuti nakaparu'i, nuchawa'isera nítareka:

Apocalipsis 21:5

Taka'e, nusamawarepa eta ma'u ema Viya te maye'e trono ánipa maka'e: “Puiti tépanawapa arairu, tamutupa tikaitsiwa nicha nuti.” Tási'a, ániware maka'e: “Piájuchayare puiti eta juka, taicha yátupikeneya eta táichararakawaya, tamutuyare títauchawa, je'eware eta tisuapakareana.”

Apocalipsis 22:10

Énerichuware máichanuwarepa: “Wa'i pikueñaucha eta juka wanairipi, pimetajirika eta juka pimetakasiwana'i eta máechejiriruwa ema Viya piájuchakeneana eta te juka Ajureka, taicha tiáne'ipa eta táitauchirawayare tamutu eta táichararakawayare'i.

Apocalipsis 22:16

Maka'eware ema Viákenu: “Nuti, Jesús, nuwaneka'i ema nuye'e ángele máimikaecherachayare'i tamutu eta juka numetarapiana puiti eye'e eti nuchanerana te awasareana. Nuti, yátupinu'i Rey'i ekuchapakene'i, mawanerunu'iware ema Tata. Tétavikawa'i eta nujaraiwa'i taicha eta akenukairanu'i ichape.”

Apocalipsis 3:1

“Pikajureyare eta juka numetarapiana'i ema tikametarairura'i naye'e ena pichamuriana tikawasana'i te Sardis: ‘Nuti néchawaka'i ena sipikeneana machanewana ema Viya, étapa eta sipikeneana jarairikiana: Nuti nímati eta píchakeneana'i. Nímararaka'i eta pisamure. Nímati'i, tiáne'i eta pínajisiranu eta pé'isiranu'i.

Apocalipsis 3:14

“Pikajureyare eta juka numetarapiana'i ema tikametarairura'i naye'e ena pichamuriana tikawasana'i te awasare Laodicea: ‘Ani taka'e eta Amén, taicha maye'e ema tamutu titauchawa eta maechejiriruwa ema Viya naye'e ena nachanerana, ema titametakara'i matupiruwa eta maitauraiwa, ema taepaninewa eta maepiyaruana vima'akeneana'i puiti.

Apocalipsis 3:4

Wá'ineni ámutu'ini éjekapawa'ini eti ekawasana'i te Sardis. Natiari'i'i ena matapirawareana'i, wá'iware náechipejikawa'ini. Ena nani, níjarakawakainapa eta namuiri'ayare tijapu. Taicha tatuparaka'i eta návi'airayare eta nuye'e.

Apocalipsis 3:7

“Pikajureyare eta juka numetarapiana'i ema tikametarairura'i naye'e ena pichamuriana tikawasana'i te awasare Filadelfia: ‘Ani maka'e'i ema yátupikene'i Viya, yátupikene'iware eta masantuwa'i, makarichu'i ema técha'i eta tapajakura eta arairuyare awasare Jerusalén, takuti eta máechapajirisira'i ema náchukaini rey David eta táinapuiruini'i Jerusalén.