3 Juan 1:4 - Táurinakene máechejiriruwa’i ema Viya tikaijare

⁴ Tájina tákuti eta núrisamurewa'i taicha eta nusamairisiraparaka'i eta é'isira'i eti nuchichanaveana eta yátupikene echéjirirukawa maye'e ema Cristo.

Ignaciano

⁴ Tájina­rínehi tácuti eta núrisa­mu­revahi taicha eta nusamai­ri­rí­si­ra­pa­racahi eta éhisirahi eti nuchicha­naveana eta yátupiquene echáji­ri­rucava mayehe ema Cristo.

3 Juan 1:4 Iomraidhean Croise

2 Corintios 6:13

Eti, ekuti'i nuchichanave'ena'ini eta némunasira'e'i. Nuwara'a tachawa'ini eta émunasiranu'i, esuapiranu'iwaréni.

Gálatas 2:14

Taka'e, te níma'apa nuti eta naejekapirawa'i, wa'i táuri'ini eta náichakene'i, nukajachapa ema Pedro te namira'u ena vichamuriana taicha máejeki'apa eta tawanairipi'i eta yátupikeneana máechajiriruwana ema Jesús. Níchapa ema Pedro: “Piti juriyuvi'ineni, wa'isera pimikaecheracha'ini, ¿tája'a takayema puiti eta piwara'a pipamikawaka ena apawasana naicha'ini eta naye'erepiana ena juriyuana?”

Gálatas 4:19

Nuchichanavechichana, tétavikawapa takatiwa nusama taicha eta ímipanereresiranu'i, tikuti'ine'i súkani esena tikatiru'apa, taicha tikati'i susama eta amuya, ene nuka'e'i nuti eta nukatisamurerawa'i, néñamirawa'i icha eti, nuwara'a ákutini ema Cristo eta máuriwa'i, tiámainukawa te níma'a'epa ekutinasipa ema eta máuriwa'i, núrisamurenapa ícha.

1 Tesalonicenses 2:11

Éneichuware écha'i eta vétumechira'e'i, émanapachu'i vechejirika, vikuti'i mákani achane tiuri eta maechejirisira ema machicha.

1 Timoteo 1:2

nímiamareka eta juka najure piye'e piti nuparape Timoteo. Némunakavi'i tímikutijirikawa'i nuchichavina'ini. Nuwara'a makatajikavini majapanuvini ema Tata Vikaiyakene, émapa ema Viákenu Jesucristo. Náijarakavini eta táuriwaina eta pipanereruana.

2 Timoteo 1:2

puiti nápechawaware nukajurevi eta piye'e piti nuchicha Timoteo némunarukene. Nuwara'a makatajikavini majapanuvini ema Tata Vikaiyakene, émapa ema Viákenu Jesucristo. Náijarakavini eta táuriwaina eta pipanereruana.

Filemón 1:10

tiuri puiti, nuwara'a néchejiucha ema Onésimo. Puiti ema, nuchicha'i némunarukene'i te juka nukaerataiya'i.

1 Juan 2:1

Nuchichachichana, nukajure'e'i eta júkana taicha nuwara'a wa'i ekukapekaturaini. Té'esera íchapuka eta pekatu, marari'i ema tikatajira'i viye'e te mamira'u ema Tata Vikaiyakene, tikaijare Jesucristo ema tikatajika'avira'i, ema, matapiraware; tétavikawa eta máuriwa.

2 Juan 1:4

Núrisamureine'i eta néchira'i, eta nanerejisirawa'i ena pichichanaveana, tiúri'i eta náe'isira'i, yátupikeneana'i, tímiyanawanaware eta nasuapira'i eta mawanairipiana eta viye'e ema Tata Vikaiyakene, taicha ene vika'eyare'i.