2 Juan 1:12 - Táurinakene máechejiriruwa’i ema Viya tikaijare

¹² Tiuri, jukari'i apamuri eta numetaru'eanaya, wícha'asera numetaka'ema'i puiti te juka najure, taicha nukunewa'i eta nítesiraya eye'e apaesa véchejirikawainapa eta vímanajirisirakakayare, tási'a, viúrisamurenapa vimutu.

Ignaciano

¹² Tiuri, júcarihi apamuri eta numeta­ru­heanaya. Vuíchahasera numeta­ca­hemahi puiti te juca carta. Taicha nucunevahi eta nítesiraya eyehe apaesa véchaji­ri­ca­vainapa eta vímana­ji­ri­si­ra­ca­cayare. Tásiha, viúrisa­mu­rénapa vimutu.

2 Juan 1:12 Iomraidhean Croise

San Juan 15:11

“Eta juka nímikutiarachira'i, nuwara'a'i iápajuka eta iúrisamurewa'i, tási'akene'i eta iáwa'asiranu'i nuti. Tási'a ekutinuya eta núrisamurewa'i.

San Juan 16:12

“Maveracha'aneni eta juka nuwara'akeneana'i numetaka'e, té'esera te numetaka'e puiti'ichu wáipaine'i árata'aima'i ekaikutiara eti.

San Juan 16:24

Puíticha tájinaicha'a eyasearapina'ini me Tata te níjare; tikamunukare'i eyaseakayare ema tíjaraka'enapa, étainapa tikurisamurereka'eyare ichape.

San Juan 17:13

“Puiti nútijapainapa, Tata, taye'e eta jara piávi'a'i, eta nukachanerawakaicha'a ena, numetakawaka'i eta pipanereruana, taicha nuwara'a wákutikaka'ini eta viúrisamurewaina.

San Juan 3:29

Nuti nímikutijirisina'e te natiari'i ena araimana'i, namutu ena nakaichu'asikeneana tiúrisamureana'i eta náimaira'i ena araimana. Nakunacha'i ema arayena, ene nuka'e'i nuti eta núrisamurewa'i eta nímaira'i puiti eta nakunachira'i ema Jesús.

Romanos 15:24

Tási'a, puiti nupanerecha'i nétawaucha'eyare achichu juka, nuyaniraya te awasare España. Nuwara'a vikaurisamurechakakainapa. Te támutupa eta nukachanera'eya eta nétawauchira'eyare, németeaka ímikatakanuyare jákani eta nuyanirayarewa.

2 Timoteo 1:4

Tétavikawa'i eta nuwaraira'i nápechawa'ini níma'avi. Wa'i némitisikawa'ini eta píyaira'i. Nuwara'a'i píja'uchawa'ini pítekapauchanu'ini, núrisamurepaini.

Filemón 1:22

Éneichuware nuwara'a pétupirisinanuya eta nítekapi'aya. Étanecha nukuchapa'i eta tasamakarewaina eta eyujarakasana me Viya eta nítujisirawaina nítekapaucha'e.

Hebreo 13:19

Nuwara'asera eta eyaseuchinanu me Viya, máisapanu'ini ema níja'uchawa'ini nuchawa'ini eta eye'e.

Hebreo 13:23

Numetaka'eware ema viparape Timoteo tiúchuku'aipa te makaerataiya'i. Te máitekapawanepuka ema, nukachaneyarepa'i te níteka eta ara eye'e. Nuwara'a'i níma'apana'e.

1 Juan 1:4

Tási'a, vikajure'epa eta juka, taicha viwara'a yátupina eta iúrisamurewaina.

3 Juan 1:10

Tási'a, nutiari'inapa eta ara eye'e, nuti nítametaka'eyare tamutu eta máichakeneana. Ema, téchejika'i eta viye'e. Kátichakare'i eta máechejiriruwana, wá'isera másuapakare'ini. Ema wa'i majakapaima'i ena vichamuriana tipaikana'i. Te natiari'i ena nawara'a najakapa, ema maka makawanairipi nakuija nakujakapa. Éneichuware mawara'a makaerajika te emuri ena tiwara'ana najakapa.