2 Juan 1:10 - Táurinakene máechejiriruwa’i ema Viya tikaijare

¹⁰ Te natiari'inapuka naitekapaucha'e eti te iúrujisirarewa, te'esera esama apanaina eta naimiturapiana wa'i ekujakapa te epenana wa'iware ekuechejika;

Ignaciano

¹⁰ Tacahe, te náiteca­pau­cha­hepuca te iúruji­siavahi ena nácani, téhesera vahi nacuecha­jisiha eta máimitu­rapiana ema Cristo, tasiha, vahi ecujachapa te epenana. Váhivare ecuichuha: “Yare, ani, íteca­pauchanu” vahi ecuquicha éna.

2 Juan 1:10 Iomraidhean Croise

Hechos 15:23

tási'a éneichu'iware tiamana'i, eta ajureka: “Vímiamareka eta juka véchejiriruwa viti apústuleana, énapa ena víyara'ana, énapa ena vichamuriana te juka Jerusalén. Viwara'a tatiwayare véchejika'e eti viparapenaveana'i te mawa'uana ema Viákenu, eti apawasana tiáviana'i te Antioquía, étipa eti tiáviana'i te táunawana'i eta Siria étapa eta Cilicia.

1 Corintios 16:22

Nákanisera máesachara'ana'i ema Viákenu náimainawapainepa ena eta náikuñayare te machawapa. ¡Tata Viákenu, pítekawaneni!

1 Corintios 5:11

Mákanisera tímijachawa'i echamuri'i, wa'i nuwara'a ekachanejirika, ema tive'a'i esu esena apayena, émapa ema tawayuaru'i eta plata, émapa ema tikasiñaraji, émapa ema titupiara'i, émapa ema tikawa'arasi, émapa ema tiámera'i. Mákani echamuri, te ene maka'e'i, tájina wa'i táurika'ini ákachanewaka'ini eta enisirana.

2 Tesalonicenses 3:14

Te natiari'inapuka nákani wa'i nakusuapa eta viwanairipiana'i te juka viajure'i, ekuneyare ena. Tási'a, waipa ekukachane ena, apaesa nátsiri'a ena nani eta namasuapajiraiwa'i.

2 Tesalonicenses 3:6

Nuparapenaveana, te natiari'inapuka ena echamuriana'i plújuana, wá'ipuka náesacha'i tikaemataneana, te wá'ipuka náwara'a'ini náetumechawa'ini, nasuapa'ini eta vímiturapiana'i, viwaneka'e eti te máijare ema Viákenu Jesucristo, wa'i ekuemeña'awa naye'e.

Tito 3:10

Te matiari'ipuka ema mákani mawara'a ma'apapika eta napanereruana ena vichamuriana, pímichu'ayare pechejirikayare eta mapanereru'i. Te api'ekenénapa eta pímichu'a, te máviraichu wa'i makusuapavi, péwatakayare mayana máuchuka,

2 Juan 1:11

Taicha te íchapuka eta juka, tikutinapapuka eta éti'ichu'i nachamuriana ena tiwayuara'iana, wa'ira ekuimisiapawa naye'e, máchura étaina etapirawaina eta juka náichira'i ena eta tamaurikeneana.

3 Juan 1:10

Tási'a, nutiari'inapa eta ara eye'e, nuti nítametaka'eyare tamutu eta máichakeneana. Ema, téchejika'i eta viye'e. Kátichakare'i eta máechejiriruwana, wá'isera másuapakare'ini. Ema wa'i majakapaima'i ena vichamuriana tipaikana'i. Te natiari'i ena nawara'a najakapa, ema maka makawanairipi nakuija nakujakapa. Éneichuware mawara'a makaerajika te emuri ena tiwara'ana najakapa.