2 Juan 1:1 - Táurinakene máechejiriruwa’i ema Viya tikaijare

¹ Nuti víyara'anupa, nukatupara'akene'i naye'e ena vichamuriana nukajurevi eta juka nechejiriruwana emutu eti nuparapenaveana, manerejiru'e ema Viya, namutu ena echamuriana. Yatupi eta nemunasira'e'i, wa'isera nakarichu'i nemunaka'e'ini eneichuware ena vichamuriana timatiana eta yatupikene temunaka'eana'iware.

Ignaciano

¹ Nuti Juan, víyara­hanupa, nucajurevi eta juca nucartane piti ati. Néchajicavi piti manere­jiruhi ema Viya. Éneri­chuvare némecha­ji­ri­si­havaca ena pichicha­naveana. Eti némuna­ru­he­quenehi núti, tacuti eta náemuna­si­ravaca namutu ena apamuriana títucana tisuapana eta yátupiquene máechaji­riruva ema Viya.

2 Juan 1:1 Iomraidhean Croise

San Lucas 1:3

Tetavikawa eta tauriwa eta nimaira'i te taekenepa eta nukayesereruira'i te taepaninewa eta vichakene'i, taka'e najuchinaviya eta juka apaesa pimatiekene'a yatupina tamutu piti Teófilo,

San Juan 8:32

tási'a, ímatinapa eta yátupikeneana táurikeneana, eta taurikeneana eta tikatiucha'eya, taicha te vimati eta taurikeneana vimatiya eta maemunasira'avi ema Viya.

Hechos 11:30

Taka'e, náimiamarekapa maye'e ema Bernabé émapa ema Saulo, náijarakayare'i ena náiyara'ana te judea.

Romanos 16:13

Échejisinanuware ema Rufo. Ema, tétavikawa'iware eta masuapira'i ema Viákenu. Échajisinanuware esu maena. Esu, tímikutijirikawa'i memena'ini eta nuye'e esu.

Gálatas 2:14

Taka'e, te níma'apa nuti eta naejekapirawa'i, wa'i táuri'ini eta náichakene'i, nukajachapa ema Pedro te namira'u ena vichamuriana taicha máejeki'apa eta tawanairipi'i eta yátupikeneana máechajiriruwana ema Jesús. Níchapa ema Pedro: “Piti juriyuvi'ineni, wa'isera pimikaecheracha'ini, ¿tája'a takayema puiti eta piwara'a pipamikawaka ena apawasana naicha'ini eta naye'erepiana ena juriyuana?”

Gálatas 2:5

Tájinasera wa'i vísapawa'ini nakachuriaka'avi'ini, taicha víti viwara'a'i takuija'ini ta'apapika'e'ini eta é'isira'i eta Arairu maechejiriruwa ema Viya.

Gálatas 3:1

¡Páure'echapukaini, eti nuparapenaveana gálatanas! ¿Naja'asika ena tinaka'eana'i? Eta vikametarairuira'i vimikacherachina'e'i apaesa eti ákaikutiara'ini eta taichararakawa'i eta maepenira'i makaetataira'i te crusu ema Viákenu Jesucristo.

Gálatas 5:7

Eti, iúrinipa'i eta é'isira'i ema Jesús. ¿Tája'aserapuka takayema'i eta ewaraira'i ekainajiruwa Ísapawayarepa tiyuruka'eana, tíminajika'eanayarepaini eta yátupikeneana'i?

Colosenses 1:5

taicha ekuchapawainapa eta esiapiraya taye'e eta máwasa anuma ema Viya. Viúrisamurewa'i eta visamairisira'i eye'e, Ichape eta viúrisamurewa'i eta táuriwa'i esama eta metarapi, eta yátupikene máechejiriruwa ema Viya

1 Timoteo 2:4

Taicha mawara'a'i ema máimimatichayare namutu ena achaneana eta yátupikeneana máechejiriruwana apaesa náuchuku'a ena apanawa.

Hebreo 10:26

Taicha te vímiyanawaichuchapuka vicha eta pekatuana, tayanapane'i ímati'ipa'i puiti eta yátupikeneana, eti émepururekaipa'i ema Cristo eta vímikapasira'i táichavene'i eta epekaturana. Páure'esami, taicha nájina apanaina'ini ekasiña'ini;

1 Pedro 1:2

emutu eti, yátupikene'i eta manerejisira'e'i ema Tata Vikaiyakene taicha taka'e'i eta mapanereru'i akane eta táepanirawa'i. Émaipa ema Machanewa Viya, tiáwa'aka'eipa máepachiasira'e'i eta epekaturana eta te máitine ema Jesucristo. Apaesa ejachapa ichapemurikene eta majapanuraiwa etapa eta viuriwayare.

1 Pedro 5:1

Nuwara'a nechejirika'eya emutu eti pastoreana ejaneakana'i ena vichamuriana. Nuti éneichuware pastulerunu'i. Éneichuware nitametaka'eya eta nímararasira'i eta makatajiwaira'i ema Cristo. Esuapanuyare puiti eta nechejirapi, taicha vikutikakayare eta vikatupara'airaya viávi'ayare te majaraiwa ema Cristo te táitekapa eta machaviraya.

1 Pedro 5:13

Énaipa ena vichamuriana tikawasana'i te juka awasare Babilonia, téchejika'eana. Éneichu'iware ena, manerejiruana'i ema Viya ekuti'i eti eta manerejisira'e'i. Téchejika'e'iware ema nuchicha Marcos.

1 Juan 2:21

Nukajure'e'i táichavene'i eta ímatira'i eta yatupikeneana, écha'iware ena timatiana eta yatupikeneana waipaine'i tepiya'ira'ianaima'i.

1 Juan 3:18

Nuchichanavechichana, vémunakakachucha vikajikaka eta vikaye'ekeneana, wá'iware vikuepiya'ira'i eta vémunasirakakaira'i, wa'i takukarichu eta véchejiriruwa.

2 Juan 1:13

Téchejikaviana ena suchichanaveana esu péchavi, ésuichuware manerejiru'i ema Viya.

2 Juan 1:5

Tiuri puiti, eti, nukajure'e, taicha nuwara'a némecha'e eta juka mawanairipi ema Viya, étaichu'i eta vémunasirakakayare vimutu. Te tépanawainapa eta vikasiñaira'i ema Viya, tiwaneka'avi'ipa'i eta vémunasirakakayare.

3 Juan 1:1

Ema viyara'a tikatupara'a, ema némunarukene'i Gayo nukaju'i, ema temunaka'i eta yatupikeneana.