1 Juan 5:1 - Táurinakene máechejiriruwa’i ema Viya tikaijare

¹ Yátupi'i eta makachichaira'avipa ema Viya vimutu viti visuapana'i ema Jesús eta émaira'i ema Cristo. Tási'a, vémunaka'i ema tikachicha'avi'i.

Ignaciano

^1-2 Yátupihi eta macachi­chai­ra­havipa ema Viya vimutu viti visuapanahi ema Jesús eta émairahi ema Cristo. Tásiha, vémuna­carine ema ticachi­cha­havihi. Tásiha, te vémunaca ema Viya, téhepa visuapa eta mavanai­ripiana, titupa­ra­cahavi tacuti­yareichu eta vémuna­siraya namutu ena vichamuriana, taicha machicha­na­vea­na­hivare éna, vipara­pe­na­veanahi te mavahuana ema Viya.

1 Juan 5:1 Iomraidhean Croise

San Mateo 16:16

Ema Simón Pedro majikapapa: –Pítira ema Cristo, Machichakenevi'i ema Viya, ema tijaraka'avi eta vitaresira.

San Lucas 7:5

Taicha ema témunaka'avi, tási'a maemepiyarekaware eta viurujisirarewa.

San Juan 1:3

Taye'e eta Echéjirirukawa tatiari'ipa'i tamutu eta tatiari'ikeneana'i, tamutu eta tatiari'ikeneana, tájina máejekeruina'ini, nájinaware apanaina'ini náepiyaka'ini eta tatiari'ikeneana.

San Juan 15:23

taicha nákani tikatichanuana'i, nakatianaka'iware ema Tata.

San Juan 3:3

Ema Jesús máichapa: –Puiti nutupiruwa numetakavi mákani achane wa'i tepanawa eta maitaresira wa'i títujikawaima'i tisiapa te mawasa ema Viya akenuka te anuma.

San Juan 6:69

Víti vitupiruwa'i eta visuapiravi'i. Vécha'iware eta yátupikeneravi'i Cristo, Machichakenévi'i ema yátupikene'i Viya.

San Juan 8:42

Ema Jesús majikapawarepa: –Te yátupina'ini machicha'ena'ini ema Viya, etupiruwaipa'ini émunakanu. Taicha nuti étakene'i nási'a me Viya. Wa'i nútijiriruwaina'ini eta nítesira'i puiti. Nuwanekasiwa'i maye'e.

Hechos 8:36

Te máechapa ema achane, mapanerekene'aine'i. Taka'e, te nakapayakapa eta únekure, maka'epa: –Júka'ri'i eta une. Nuwara'a píkachasikanu, eta puiti'ichu.

Hechos 8:37

Ema Felipe máichapa: –Te yátupi'ipuka eta pisuapira'i te pisamure eta pikasiñairaya ema Jesús, níkachasikaviya. Tasi'a ema achane májikapapa: –Yátupi nusuapa ema Jesucristo eta émaira'i machicha ema Viya.

Santiago 1:18

Taicha ema mawaraira'i machicha'aviyare'i, eta taka'e tijaraka'avipa eta arairu vitaresirayare'i, taye'e eta yatupikene maechejiriruwa, taicha maichekuarakirenapa eta vitaresira.

1 Pedro 1:3

Tétavikawa'i eta vikunachira'i ema Viya, Makaiyakene ema Viákenu Jesucristo, tétavikawa'i eta majapanuira'avi'i, tepanawa'i maicha eta vitaresira eta machavira'i titareka ema Viákenu Jesucristo. Eta juka yátupikenepa eta viuchukuiraipa,

1 Juan 2:10

Nákanisera náemunaka'i ena naparapenaveana, nanasi'ichu'i navi'a'i te majaraiwa ema Viya, tási'a, tiúri'i eta napaisira'i, najina taimiakipaika'ini.

1 Juan 2:29

Eti écha'i eta máetaviuchira eta máuriwa'i ema Jesucristo. Tási'a, ímatiyare ena apamuriana machichanaveana ema Viya, táichavene eta náichira'i eta táurikeneana.

1 Juan 3:14

Víti vécha'i, te táekeneraya eta vépeniraya. Vikaiju'enapa eta vítaresiraya máichekuarakireya. Vécha'i eta juka, táichavene'i eta vémunasira'i ena vichamuriana. Énasera ena wa'i náemunaka'ini ena nachamuriana, nanasi'ichu. Wa'i tiúchuku'anaima'i eta náepenira.

1 Juan 3:17

Te marari'i ema mákani achane tikaima'akene'i, te wa'i achanesamurena'i maye'e ema machamuri eta makaiju'era'i, ema maka wá'iware máemunaka'ini ema Viya.

1 Juan 3:9

Víti machicha'avipa ema Viya, wáipa vímisiapawaima'i te pekatuana, taicha vikutinapa ema eta tamajinaira'i matapirawaina, ema tájina mapekaturaina. Eta makachichaira'avi'i ema Viya, wa'i vikapekaturaima'i.

1 Juan 4:2

Eta juka eta ímatiarayare ena máwa'aruana ema Machanewa Viya: te naka'e'ipuka: Ema Jesucristo yátupikene'i achane eta máuchusira'i.

1 Juan 4:20

Te narari'ipuka ena naka'e'i: “Viti vémunaka ema Viya”; tasi'asera nakatichaichucha ena nachamuriana, ena tépiya'ira'iana'i. Taicha náima'anenipuka ena nachamuriana, wá'isera náemunaka'ini, ene taka'e'i eta namaemunasira'i ema Viya máima'asikene'i.

1 Juan 4:7

Nuparapenaveana némunakasareana, takamunu eta vémunakaka wámutu, taicha ema Viya tímituka'avi'i eta vémunasirakakaya. Vimutu viti vémunakaka'i, étapa tímereucha'avi'i eta makachichaira'avi'i ema Viya, yátupi'i eta vímatira'i ema.

1 Juan 5:18

Vecha eta wa'i vímisiapawaima'i taye'e eta vikapekaturairana viti machichanaveana'i ema Viya, taicha ema Machicha ema Viya tijaneaka'avi'i vimutu víti, wa'i márata'aima'i tikaetema'avi ema wínaraji.

1 Juan 5:4

tási'a, viti machichanaveana ema Viya virata'aya vínajika eta tamaurikeneana eta vítaresiraya. Taicha tímikataka'avi'ipa ema Jesús, táichavene'i eta vikasiñaira'i eta maye'e.

1 Juan 5:5

Víti visuapa'i eta yátupira'i Machicha ema Viya ema Jesús. Tási'a, viti vé'ikana'i ema, vikarichu'i víti virata'a vínajika eta tamaurikeneana'i eta vítaresira.