1 Juan 4:9 - Táurinakene máechejiriruwa’i ema Viya tikaijare

⁹ Ema Viya, tímecha'avi'ipa eta máemunasira'avi'i, eta mawanesira'i ema makarichukene Machicha, mawaneka'i títeka te juka apake'e, tíjaraka'aviyare eta vítaresirayare máichekuarakirenapa.

Ignaciano

⁹ Éma, tímecha­ha­viripa eta máemuna­si­ra­havihi, eta mavane­sirahi ema macari­chuquene Machicha. Mavanecahi títeca te juca apaquehe, tíjara­ca­ha­viyare eta vítare­si­rayare máichecua­ra­qui­rénapa.

1 Juan 4:9 Iomraidhean Croise

Marcos 12:6

“Matiari'icha'asera ema apana: émajakaruwapa ema machicha máemunarukene'i máewatakapa ema, máimijachaine'i: ‘Émaina'ipukaini napikaucha'ini ema machicha.’

San Lucas 4:18

“Tiáwa'akanu'i ema Machanewa Viya, Taicha manerejirunuichu'i, namayare eta arairu maechejiriruwa naye'e ena páureana, eta tímitekanu'i, nukaititijikayarewa ena káeratana'i nukaimairirikayarewa ena púchukiana, nukuchuku'ayarewa ena tikatajiwana'i,

San Juan 10:10

“Ema tiámera'i, tímiteka'i ema tiámerekayare, tikaparekayare. Makaejanerepaikayarewa. Nútisera tímitekanu'i níjarakayare eta náitaresiraya, máitawakakayare eta náurikakarewayare nícha.

San Juan 14:6

Ema Jesús májikapawarepa: –Nútira né'ikakare'i, núti'ichuwa yátupikenenu'i. Nútiware nukaitarera'i, nájina apanaina ákasiñaima'i eta ítekapirayare me Tata.

San Juan 3:16

Taicha ema Viya, tétavikawa'i eta máemunasira'avi viti achaneana te juka apake'e. Eta máemunasira'avi, máijaraka'i ema makarichukene'i Machicha, eta máukupaisira'i eta ani viye'e. Tíjaraka'aviya eta vítaresiraya máichekuarakinepa eta vitaresira.

San Juan 3:18

“Nákani tikasiñanayare ema Machicha ema Viya, wa'i tikaikuñanaima'i; nákanisera wa'i nakasiña'ini ema, táimikuñakawakayare'i eta naviurewana'i, taicha wa'i nasuapa'ini ema machicha makarichukene Viya.

San Juan 5:23

taicha mawara'a'i epikauchanu nuti Machicha, tákuti'ichu eta epikauchira'i ema Tata. Nákanisera wa'i tipikauchanuana'i nuti, wá'iware napikauchaima'i ema Tata.

San Juan 6:29

Ema Jesús májikapawakapa: –Eta mawara'akeneana'i ema Viya íchakeneyare, esuapanuyare nuti mawanerunu'i.

San Juan 6:51

Nutira eta pan tikaitarekara'i, taukupairu'i te anuma, nákani tinikanayare eta neche, máichekuarakireyare eta náitaresiraya, eta juka pan nijararu'eyare eta'i eta neche, taicha nuwara'a takaitarekawaka'ini namutu ena achaneana.”

San Juan 6:57

Ema Tata tiwanekanu'i, éma'i tikaitarekara'i, tási'a nuti nawa'aka'i ema, taka'e nákani tinikanayare eta neche, máitawakakayare eta náitaresira.

San Juan 8:29

Puíticha, ema Tata tikachanenu'i, wa'i majunijiakanu'ini, wá'iware nákarichu'ini taicha nítauchaipa'isera nuti eta mawara'akeneana'i ema.

San Juan 8:42

Ema Jesús majikapawarepa: –Te yátupina'ini machicha'ena'ini ema Viya, etupiruwaipa'ini émunakanu. Taicha nuti étakene'i nási'a me Viya. Wa'i nútijiriruwaina'ini eta nítesira'i puiti. Nuwanekasiwa'i maye'e.

San Juan 9:3

Ema Jesús majikapawarepa: –Wá'ineni etaina taviucha'ini eta mapekatura ema. Enaipa ena tikachichana, wá'iware enaparakaina. Matupara'aichu'i, mawaraira'i nímerekayare'i puiti eta máitupaijiasirawa'i ema Viya.

Romanos 8:32

Eta majapanuira'avi'i ema Viya, wa'i mawayuaka'ini máijararekapa ema Machicha eta nakapasira'i víchavene'i vimutu víti. Tási'a, mavetijinapa eta makatiuchira'aviyare puiti te tamutu eta jákani víchawakenewana.

Hebreo 1:5

Taicha eta máechejiriruwa'i ema Viya maye'e ema Cristo, ani maka'e'i: “Píti yátupikenevi'i nuchichavi; “nuti nukachichavi'i puiti.” Wá'isera máicha'ini emanaina'ini ena ángeleana: “Nuti pikaiyakene'i, “Ema yátupikene'i nuchicha.”

1 Juan 3:16

Ema Jesucristo tímecha'avi'i eta máemunasira'avi'i, taicha tíjarakawa'i tépena vítivene'i, tási'a víti, te jákani táichararakawa, tituparaka'avi víjarakawayare vépena énavene ena vichamuriana, vímechiraya eta vémunasirakaka'i.

1 Juan 4:10

Eta vemunaraiwa ani taka'e: vítisera wa'i vitíwaina'ini vémunaka ema Viya, matiwa'i ema témunaka'avi'i, eta máemunasira'avi ema Viya, máijarareka'i ema Machicha, mawaneka'i tépenayare te crusu étavene eta makaepa'airayare eta vipekaturana.

1 Juan 4:16

Víti vécha'i eta yátupira'i máemunasira'avi'i ema Viya. Ema Viya emakene temunara'i, ema yatupikene temunara'i, timatikare'i eta mawa'asira'i ema Viya, tási'a ema Viya mawa'aka'iware ema.

1 Juan 5:11

Étaichuware eta juka eta mametasira'i ema Viya, eta máijarasira'aviripa eta vítaresirayare máichekuarakirenapa, ema Machicha ema Viya, ema técha'i eta vítaresira.

1 Juan 5:13

Nukajure'e eta juka eti esuapana maye'e ema machicha ema Viya, apaesa echa eta maichekuarakirenapa eta itaresira tiuri.