1 Juan 4:8 - Táurinakene máechejiriruwa’i ema Viya tikaijare

⁸ Énasera ena nani wa'i témunakakana, wa'i náimati'ini ema Viya, taicha ema Viya, yátupikene'i eta máemunaraiwa.

Ignaciano

⁸ Énasera ena nani vahi témuna­cacana, vahi náimatihini ema Viya. Taicha ema Viya, yátupi­quenehi eta máemunaraiva.

1 Juan 4:8 Iomraidhean Croise

2 Corintios 13:11

Tiuri puiti, nuparapenaveana, ítatijirikawa'i. Etánukayare eta táurikeneana eta ítaresirana. Ekurisamurechakaka. Takuija'ini eta semanerena eta eye'e. Tákutikaka eta epanereruana. Máijaraka'e'ini ema Viya eta tanarasiraina eta iáchanewana, taicha tétavikawa'i eta máemunaraiwa'i ema.

Efesios 2:4

Tétavikawa'isera eta majapanuira'avi'i ema Viya. Ichapeware eta máemunasira'avi'i,

Hebreo 12:29

Taicha ema Viákenu makuti'i eta yuku, marata'a'i mámainuka máitaekene'a.

1 Juan 1:5

Vimetaka'e eta máimitusira'avi ema Jesucristo. Eta juka eta makayemakene'i: jarari'i eta tijara'i maye'e ema Tata Vikaiyakene, tájina timapikuina maye'e.

1 Juan 2:4

Te narari'ipuka ena nákani achaneana naka'e'i: “Nuti nímati ema Viya”, wa'isera nasuapa'ini eta mawanairipiana, taka'e náepiyewa'i ena, wa'i tásuapakare'ini eta náechejiriruwa.

1 Juan 2:9

Te narari'ipuka ena nákani achaneana naka'e viti viavi'a'i eta te majaraiwa ema Viya, enasera nakaticha'i ena naparapenaveana, nanasi'ichu'i navi'a'i te timapiku.

1 Juan 3:10

Nákani wa'i tíchana'i eta táurikeneana, wá'iware náemunaka'ini ena nachamuriana, náimereka'i eta wa'i machichawakaina'ini ema Viya. Nímereka'i eta machichairawaka'i ema wínaraji. Vítisera, víchira'i eta táurikeneana, étapa eta vémunasirakaka'i, vímerekawa'i eta makachichaira'avi'i ema Viya.

1 Juan 3:6

Taka'e te viáwa'aka'i ema, tituparaka'avi waipa vikuimisiapawa taye'e eta pekatuana. Énasera ena tikapekaturara'iana wa'i náimati'ini ema Cristo.

1 Juan 4:16

Víti vécha'i eta yátupira'i máemunasira'avi'i ema Viya. Ema Viya emakene temunara'i, ema yatupikene temunara'i, timatikare'i eta mawa'asira'i ema Viya, tási'a ema Viya mawa'aka'iware ema.

1 Juan 4:7

Nuparapenaveana némunakasareana, takamunu eta vémunakaka wámutu, taicha ema Viya tímituka'avi'i eta vémunasirakakaya. Vimutu viti vémunakaka'i, étapa tímereucha'avi'i eta makachichaira'avi'i ema Viya, yátupi'i eta vímatira'i ema.