1 Juan 4:6 - Táurinakene máechejiriruwa’i ema Viya tikaijare

⁶ Vítisera machicha'avi'i ema Viya. Tisamararaka'aviana ena tímatiana ema Viya, énasera ena apamuriana máimatira'ana ema Viya, wa'i tiúrima'i eta nasamira'avi. Etainapa, tímatikareanaya ena máwa'aruana ema Machanewa Viya, énerichuware tímatikareanaya ena máwa'aruana ema wínaraji.

Ignaciano

⁶ Vítisera machicha­havihi ema Viya. Tisama­ra­ra­ca­haviana ena tímatiana ema Viya. Énasera ena apamuriana máimati­rahana ema Viya, vahi tiúrimahi eta nasami­rahavi. Tásiha, tímati­ca­reanaya ena mávaháruana ema Espíritu Santo. Éneri­chuvare tímati­ca­reanaya ena mávaháruana ema Váinaraji.

1 Juan 4:6 Iomraidhean Croise

San Lucas 10:22

“Ema Tata Nukaiyakene, ema tíjarakanu'i eta nútiraya néchaya tamutu. Nájina timatina ema machicha emachucha ema Vikaiyakene, nájinawa timatina ema Vikaiyakene emachucha ema machicha manerejiru.”

San Juan 10:16

Narari'iware ena apamuriana nuchanerana. Wá'isera ánina nakawasa. Nukurujikawakayaresera, népanayarewa. Tisuapanuanayarewa, etanayaréichuwa eta náumuriwa. Nukarinenapa nuti néchawaka.

San Juan 10:27

Eta nuye'eana uvesa tímatia'uchanuana'i eta. Nuti apanaware nímatiwaka'iware. Eta taka'e, té'ikanuana'i.

San Juan 10:3

Émasera ema pástuleru, te yátikara'iana mavejiékene'a'i eta tapaja, máichu'a'i eta táijareana eta uvesana. Eta máichuira'i, tiúchuchujikanapaipa táe'ikapaipa, taicha táimatia'ucha'i.

San Juan 13:20

Nutupiruwa numetaka'e, nákani tijachapa'eanayare eti nuwaneruana, nuti'i tijakapanuana'i, tási'a nákani tijakapanu'i nuti, najakapa'iware ema tiwanekanu'i.”

San Juan 14:17

Ema tímituka'eyare, máitametakayare tamutu eta yátupikeneana'i, tási'akeneana eta me Tata. Énasera ena achaneana, wa'i tikaijarakasianaima'i, taicha wa'i náwara'a'ini najakapa'ini ema. Étisera ímatiyare ema, taicha máitawakakayare eta máwa'asira'eyare.

San Juan 15:26

“Étasera, te maitekapapa ema katiura'iya, ema nuwaneruyare mási'akeneyare me Tata, nuyaseakaya mawaneka ema Machanewa, ema te máitekapapa, tímereucha'eyare eta yátupikeneana, tímereuchanuyarewa nuti eta eye'e.

San Juan 16:13

Te máitekapapa ema Machanewa Viya, émainapa timimaticha'eyare eta yátupikeneana, wa'i tasi'akenema'i te machuti eta maechejiriruwaya, ema timetaka'eyare tamutu eta masamakenaeana'i, émainapa timinekapa'eyare tamutu eta taiparakana étapa eta íchawakenewanayare.

San Juan 18:37

Taka'e, ema Pilato mayaserekapa: –Taka'e, ¿yátupi'i eta pirrey-wa'i? Ema Jesús majikapapa: –Pitupiruwa'i eta piyaseresiranu'i: nuti rey-nu'i. Eta núkupaisira'i, te juka apake'e, nímitureka'i eta yátupikeneana, nákani tisuapajira'iana, nasamararakayare eta yátupikeneana'i.

San Juan 20:21

Tási'a, máicha'avipa: –¡Icharakawa eti! Takuti'i eta mawanesiranu'i ema Tata núkupaikayare te juka apake'e, nímituka'eyare'i eti. Puiti nuwaneka'eyare nuti ímitukawakayare'i ena achaneana, apaesa náe'ikanu'ini ena apanawa.

San Juan 8:19

Énasera nayaserekawarepa: –¿Távi'asika mávi'a'i ema tikachichavi'i? Ema Jesús majikapawarepa: –Eti wa'i ímatinu. Wá'iware ímatima'i ema Tikachichanu. Te ímatinu'ini, ímatipa'iwareini ema Tikachichanu.

San Juan 8:23

Ema Jesús máichawarepa: –Eti taye'e'i eta apake'e, nútisera taye'enu'i te anuke'e, eta iáwasa'i eti te apake'e iávi'a'i. Nuti náwasaichu'i te anuke'e.

Romanos 1:1

Nuti Pablo, mawanaranu'i ema Viákenu Jesucristo, manerejirunu'iware eta maye'enuyare'i apústule, tituparakanu'i eta nukametarairuirayare eta mapanerechira'i ema Viya eta mawaraira'i makuchuku'aya namutu ena tikasiñawanaya maye'e ema Machicha.

Romanos 11:8

Títauchawapa'i eta táechejiriruwa'i eta Takapika'ukene Ajureka: “Émaichu'i ema Viya tikamitisikawaka'i apaesa wa'i nakukaikutiara eta máimiturapiana ema Cristo, maetu'ukiñachapa waipasare samara'iana, mapuchukichapa waipasare timairirikana. Puíticha ene naka'e'i.”

1 Corintios 14:37

Te Natiari'ipuka nákani tímijachawanaipa náimatiekene'aipa tamutu eta máechejiriruwa ema Viya, náimijachaipapuka máwa'akawakaipa ema Machanewa Viya, tatuparaka'i ena napánerechinawanumayare eta juka nájure'i eye'e, tási'akene'i me Viákenu, mawanairipichu'i ema.

2 Corintios 10:7

Eti ímijachaipapuka tájinakenenu'i nítupajijiasirawaina'ini, eta ímairanu'i. Németeakaware natiari'i ena tikunachawana'i machanerana'i ema Cristo. Nuwara'asera náimatinu'ini eta machanerairanu'i nuti apanawa.

2 Tesalonicenses 1:8

Eta tímitekayare ema, máikuñakayare ena wá'ikene náwara'a'ini náimati ema Viya, wá'iware náwara'a'ini nasuapa eta máechajiriruwa.

1 Timoteo 4:1

Eta mametarapi ema Machanewa Viya, ani taka'e maimikacheracha'i puiti juka vikaiju'eyare, natiari'inapa ena timútsera'awanayarepa'i tínajikawana eta náe'isira'i ema Jesús, nasuapainapaipa ena tiyurura'iana, náe'ikainapa eta náimiturapiana ena éreanana.

2 Pedro 3:2

Nuwara'aware yátupina eta esuapiraina eta Takapika'ukene Ajureka nájureana'i eta akane ena víyara'anaini santu profetana, étapa eta máimiturapiana ema Viákenu Makatiura'ikene, étaichu'iware vímiturapi'i puiti eta eye'e viti apústuleana.

1 Juan 4:1

Némunakasareana nuparapenaveana, ekuneuchawa naye'e ena tépiyakawana tikametarairuana. Taicha puiti narari'i ena, wa'i mawaneruanaina ema Viya, wá'iware máwa'aruanaina ema Machanewa Viya, tási'a, te náitekapaucha'epuka ena náwara'a tímituka'eana, eti eyaseresinawaya te yátupipuka wanairukana me Viya, esamayare te étaichupuka eta vímiturapiana'i víti.

1 Juan 4:4

Nuchichanavechichana, eti machicha'e ema Viya, eti ekapakechaipa ena naenana tepiya'ira'iana, taicha ena tawa'aka'e eti ema tapajupanawa'i titupajijiapanawa'i maye'e ema tiavi'a te juka apake'e.

1 Juan 4:8

Énasera ena nani wa'i témunakakana, wa'i náimati'ini ema Viya, taicha ema Viya, yátupikene'i eta máemunaraiwa.

1 Juan 5:19

Taicha vécha'i eta makachichaira'avi'i ema Viya, kamuripananasera ena machanerana'i ema wínaraji.

San Judas 1:17

Nuwara'aware némecha'e, eti nuparapenaveana némunarukeneana, eta nametarapi ena víyara'ana apústuleana maye'eana'i ema Viákenu Jesucristo