1 Juan 4:5 - Táurinakene máechejiriruwa’i ema Viya tikaijare

⁵ Ena nani, ta'apapirikawaka'i eta tájiparakana taye'eana eta apake'e tamaurikeneana, tási'a, ena achaneana máe'ikara'ana'i ema Viákenu náurikaipa nasamararakawaka'i.

Ignaciano

⁵ Ena nani, tahapa­pi­ri­ca­vacahi eta tájipa­racana tayeheana eta apaquehe tamauri­queneana. Tásiha, ena achaneana máehica­ra­hanahi ema Viáquenu náuricaipa náiteca­pau­chavaca.

1 Juan 4:5 Iomraidhean Croise

San Lucas 16:8

Ema mákenuini maechapa eta máichakeneana'i ema maye'eni nákenumuri ena músuana, ma'asulupayachapa eta maechemaraiwa, taichavene eta maitusira'i makatiuchawaka ena kanteveanaini'i. Ene naka'e'i ena achaneana máimatira'ana'i ema Viya. Ena tiápajupanawana'iware eta náitusira'i eta tayanirawa. Nakachurika'i ena té'ikana'i ema Viya.

San Juan 17:14

Taicha ena achaneana te juka apake'e, ichapemuri'i eta nakatianasirawaka'i táicha yatupi'i ena waipa taye'eanaina'ini te juka apake'e, tikutinuanaipa'i nuti wa'i taye'enuina'ini te juka apake'e.

San Juan 17:16

Taicha yátupi'i ena waipa taye'eanaina'ini eta juka apake'e, tikutinuanaipa nuti wa'i taye'enuina'ini eta juka apake'e.

San Juan 3:31

“Ema Jesús, máimatirine'i tamutu eta táichararakawana'i te anuma taicha mási'akene'i ema te anuma. Víti achaneana viávi'a'i vikawasana'i te juka apake'e, vímati'i étachucha eta táichararakawana'i te juka apake'e, émasera ema Jesús, eta mási'aira'i te anuma, tímati'i tamutu, tiápajupanawa'i eta máitupajijiasirawa'i. Tikachurika'avi'i,

San Juan 8:23

Ema Jesús máichawarepa: –Eti taye'e'i eta apake'e, nútisera taye'enu'i te anuke'e, eta iáwasa'i eti te apake'e iávi'a'i. Nuti náwasaichu'i te anuke'e.

2 Timoteo 4:3

Taicha titekapayare eta sácheyare ena achaneana waipa nasuapaima'i eta vímiturapiana táurikeneana, étainapa náichayare eta nawara'akeneanaichu. Natanukainapa ena nákani tímitukanayare eta tájiparakana, nakarichuinapa tisamakareanayare naye'e.

Apocalipsis 12:9

taka'e, tikakijianapa te juka apake'e eta ichape kichare, eta tikaetema'i esu suinapure esena Eva, émapa ema nákenumuri'i tikaijare Ereana Wínaraji, ema tikaetema'i namutu achaneana te juka apake'e. Namutu tikakijiana ema, enapa ena machanerana, te juka apake'e.