1 Juan 4:16 - Táurinakene máechejiriruwa’i ema Viya tikaijare

¹⁶ Víti vécha'i eta yátupira'i máemunasira'avi'i ema Viya. Ema Viya emakene temunara'i, ema yatupikene temunara'i, timatikare'i eta mawa'asira'i ema Viya, tási'a ema Viya mawa'aka'iware ema.

Ignaciano

¹⁶ Víti véchahi eta yátupirahi máemuna­si­ra­havihi ema Viya. Eta tacahe, vicasi­ñavahi eta mayehe. Témuna­ra­hiquene éma. Tásiha, víti apana, te vémuna­ra­hipuca, viávahácaya ema Viya; éma apana, tiávahá­ca­haviya.

1 Juan 4:16 Iomraidhean Croise

San Juan 6:69

Víti vitupiruwa'i eta visuapiravi'i. Vécha'iware eta yátupikeneravi'i Cristo, Machichakenévi'i ema yátupikene'i Viya.

San Juan 9:3

Ema Jesús majikapawarepa: –Wá'ineni etaina taviucha'ini eta mapekatura ema. Enaipa ena tikachichana, wá'iware enaparakaina. Matupara'aichu'i, mawaraira'i nímerekayare'i puiti eta máitupaijiasirawa'i ema Viya.

1 Corintios 2:9

Taicha, taka'e'i eta Takapika'ukene Ajureka: “Tétavikawaya eta náurikakarewaya ena nani témunakana'i ema Viya máijarakawakaya eta náikuchi'i ena, etapa eta máima'asiricha'a.”

1 Juan 3:1

Íma'a, tétavikawa eta máemunasira'avi'i ema Tata Vikaiyakene, tímijarecha'avi'i machichanaveana. Puíti'ipa yátupikene'i machicha'avipa'i. Énasera ena apamuriana achaneana wicha'a nákaikutiara'ini eta makachichaira'avi'i ema Viya, taicha wicha'a náimati'ini eta máemunaraiwa'i ema.

1 Juan 3:16

Ema Jesucristo tímecha'avi'i eta máemunasira'avi'i, taicha tíjarakawa'i tépena vítivene'i, tási'a víti, te jákani táichararakawa, tituparaka'avi víjarakawayare vépena énavene ena vichamuriana, vímechiraya eta vémunasirakaka'i.

1 Juan 3:24

Te visuapa eta mawanairipiana, viáwa'aka'i ema, énerichuware ema tiáwa'aka'aviya, vécha'i eta matiari'ira'i ema Viya eta viye'e, máicha ema Machanewa Viya mawaneru'i ema.

1 Juan 4:7

Nuparapenaveana némunakasareana, takamunu eta vémunakaka wámutu, taicha ema Viya tímituka'avi'i eta vémunasirakakaya. Vimutu viti vémunakaka'i, étapa tímereucha'avi'i eta makachichaira'avi'i ema Viya, yátupi'i eta vímatira'i ema.