1 Juan 4:1 - Táurinakene máechejiriruwa’i ema Viya tikaijare

¹ Némunakasareana nuparapenaveana, ekuneuchawa naye'e ena tépiyakawana tikametarairuana. Taicha puiti narari'i ena, wa'i mawaneruanaina ema Viya, wá'iware máwa'aruanaina ema Machanewa Viya, tási'a, te náitekapaucha'epuka ena náwara'a tímituka'eana, eti eyaseresinawaya te yátupipuka wanairukana me Viya, esamayare te étaichupuka eta vímiturapiana'i víti.

Ignaciano

¹ Némuna­ca­sareana, ecuneuchava nayehe ena tépiya­cavana ticame­ta­rairuana. Taicha puiti nararihi éna. Vahi mavane­ruanaina ema Viya, váhivare mávahá­ruanaina ema Espíritu Santo. Tásiha, te náiteca­pau­cha­hepuca ena návaraha tímitu­caheana, éti eyase­re­si­navaya te yátupipuca vanairucana me Viya. Esamayare te étari­chupuca eta vímitu­ra­pianahi víti.

1 Juan 4:1 Iomraidhean Croise

Marcos 13:21

“Eta taka'e, natiari'inapa ena tiwayuara'iana tépiyakawanayare ema Cristo, tímiwasichawanainapa: ‘Íma'a makaipa ema Cristo’, ‘Íma'a titekapaipa.’ Wá'isera ekusuapa.

San Lucas 12:57

“¿Tája'a takayema wa'i áwara'a'ini é'ika eta juka yátupikeneana?

San Lucas 21:8

Ema Jesús majikapapa: “Ekuneuchawa, apaesa nakuija nakuwayuaka'e, taicha nárajapayare ena tépiyakawanayarepa'i tímiwasichawana nuye'e. Naka'enapa ‘Nútipa’ ‘Puiti táitekapakenepa eta sache.’ Étisera wa'i ekue'ikawaka.

Hechos 17:11

Ena israelítana tikawasana'i te Berea, tiúripanereruanapana naye'e ena tikawasana'i te Tesalónica. Nawapina ena, nasamararaka eta mametarairu'i ema Pablo. Tamutu sácheana nakarawa'u'i eta Takapika'ukene Ajureka. Nawara'a'i náechayare te yátupi'ipuka eta tametarapi'i eta Ajureka.

Hechos 20:29

Taicha nuti necha'i te nuyanapa te juka narajapainapa, nawara'aya tikajanereka'eanaya takutiyare eta ichini kaiturewa, nawarairaina'i nakamitiekene'a ena te'ikana ema Jesús.

1 Corintios 12:10

Narari'iware ena máijararuana'i eta nakuchusiraya eta tiáramikareana. Ena apamuriana náijarakasipachu eta nakametarairuiraya maye'e ema Machanewa Viya, eta máechejiriruwana'i ema Viya. Ena apamuriana máijarakaware eta náimatiasirawaneya ena achaneana nája'apuka nákani máwa'aruana'i ema Machanewa Viya, nája'awarepuka ena máwa'eruana'i ena éreanana. Ena apamuriana máijarakaware eta tiúri'ichuya eta náechejisiraya eta apaechejiriruwana. Ena apamuriana máijarakaware eta naitusirayare, nápepika náechejisi'a eta apaechejiriruwa.

1 Corintios 14:29

Nákani tikametarairuanayare eta máechejiriruwana tási'akeneana'i maye'e ema Viya, te apinana'ipuka, mapanana'ipuka, tájinachucha táichawa. Tikamunukare'isera ena náurujiruwana'i napanerékene'ayare'i tamutu eta nakayemakeneanapa'i.

1 Tesalonicenses 5:20

Wa'i ekuepuru nákaini tijachapana eta naitukakene eta naechejisi'aira ema Viya.

1 Tesalonicenses 5:21

Wa'i ekuemunanasikawa, epanerechinawayare te tája'apuka jákani esamakeneana'i, íma'akeneana'i, e'ikaya eta táurikeneana.

2 Tesalonicenses 2:2

wa'isera ekuitsiwacha enewanena eta epanereruana, wa'iware ekuisapawa nakarameka'e ena tepiyakawana eta naimaira'iji ema Machanewa Viya, machuware nawayuaraka'e eta najachapira'i eta naimitukasiwa'i, etapa eta najachapira'iji eta ajureka, taichavene'ji eta vika'era'iji viti eta machaviraipa ema Viakenu.

1 Timoteo 4:1

Eta mametarapi ema Machanewa Viya, ani taka'e maimikacheracha'i puiti juka vikaiju'eyare, natiari'inapa ena timútsera'awanayarepa'i tínajikawana eta náe'isira'i ema Jesús, nasuapainapaipa ena tiyurura'iana, náe'ikainapa eta náimiturapiana ena éreanana.

2 Timoteo 3:13

Énerichuware, ena achaneana wínarajikeneana tiápajukawainapa eta nawínarajiwanaya, éneichuware ena tikaetemara'iana, tiápajukawainapa eta nakaetemaraiwaya, énajikakainapa tikaetemakakanayare.

2 Pedro 2:1

Akane natiari'i'i ena tépiya'ira'iana tímijachawana'i profetana te namuri ena náchukanaveanaini israelítana. Natiari'iyarewa ena tépiya'ira'ianaya, tépiyakawanaya pastoreana eye'e, ena típichasika'eanayare, témejekapawacha'eanaya, apanaya eta náimiturapiana, wa'i émaima'i náechejisi'a ema Viákenu, énajiwa'i tíchawana'i natanuka'i eta náikuñayare, táija'uchirawayare'i eta náemitiekene'airayare.

1 Juan 2:18

Nuchichanavechichana, puiti tiáne'inapa eta táichekuiraya, títawainapa tamutu. Vimetaka'eipa eta máitesirayare ema anticristo, puítipa narari'ipa ena anticristuana. Eta taka'e véchainapa eta tiáne'inapa eta táichekuiraya tamutu.

1 Juan 2:7

Nuparapenaveana, eta juka wanairipi nijararu'ekene'i wa'i arairuina'ini: etaichu'ineni eta ejachapakene'e eti kape te taepaninewapa. Eta juka wanairipi tainapure'i etara eta maechejiriruwa ema Viya eta esamakene'i.

2 Juan 1:7

Narari'i te juka apake'e te viávi'a'i ena nawara'a'i tikaetema'eanaya, ena nani, wa'i náwara'a'ini náimikaecheracha'ini eta máuchusira'i yátupikenera'i achane ema Jesucristo. Ena nani, tiwayuara'iana'i, tikatianakana'iware ema Cristo emapa ema anticristo.

3 Juan 1:11

Nuparapenaveana némunarukeneana, wa'i pikuikutipa ena tíchana'i eta tamaurikeneana. Pikutiyaresera ena tíchana'i eta táurikeneana. Taicha viti víchana eta táurikeneana, viti machichanaveana ema Viya. Énasera ena tíchana'i eta tamaurikeneana, ena, wa'i náimati'ini ema Viya.

Apocalipsis 2:2

Nuti nímati tamutu eta píchakeneana'i; étaipa eta tamurakawa'i eta ekaemataneasiranu'i, ekamichira'i tamutu, necha'iware eta pimakamichira eta tamaurikeneana. Necha'iware eta pitsamaresira'i ena tepiyakawana'i apústuleana'i. Wá'isera ejakapa'ini ena, ímatiakawane'i eti ena tépiya'ira'ianapa'i.