1 Juan 3:5 - Táurinakene máechejiriruwa’i ema Viya tikaijare

⁵ Ema Jesucristo, tájina matapirawaina ema. Vímati'ipasera eta tímiteka'i ema te juka apake'e eta makaepa'airayare eta vipekaturana.

Ignaciano

⁵ Ema Jesucristo, tájina matapi­ravaina éma. Vímati­ri­pasera eta tímitecahi éma te juca apaquehe eta macaepa­hai­rayare eta vipeca­turana.

1 Juan 3:5 Iomraidhean Croise

San Mateo 1:21

Taka'e, te máuchukapa ema amuya, pinakayare eta máijareyare Jesús. Ema tikatiuchayare ena achaneana, taye'e eta napekaturana.”

San Lucas 23:41

Víti, viwachacha'i eta juka vitapirawa'i, taicha ichapekene'i eta véjekapirawana'i. Émasera ema maka achane, tikatajiwa'i tájina'ineni taviucha'ini.

San Lucas 23:47

Taka'e, ema kapita romano. Te maima'apa eta taichararakawa'i makunachapa ema Viya, maka'epa: –Yátupikeneichuyapa, ema maka achane matapiraware'i.

San Juan 1:29

Te apanapa sache, máima'apa ema Juan eta mapauchirapaipa'i ema Jesús. Taka'e, máichawakapa ena achaneana: “¡Íma'a, márajapa ema Wanairuka me Viya. Ema, tikaepa'ayare eta vipekaturana te juka apake'e!

San Juan 1:31

Núti'ipa néchejisi'a'i ema, wícha'asera nímati'ini. Numetaka'isera ena israelítana eta nakaikachasiraina, apaesa natsekawa'i eta najakapiraina ema te jákani máimerekawapa.”

San Juan 14:30

Ánipine puiti eta juka néchejirisirawa'i eta eye'e, taicha áwanepaipa títekapa ema wínaraji, ema yátupi'i tákenu'i eta juka apake'e. Wá'ikenesera títa'akanuima'i nuti,

San Juan 8:46

Eti, ímijachanupuka jarari'i eta néjekapirawa'i. Nutupiruwa'i eta numetasira'e'i eta yátupikeneana. ¿Tája'a takayema wa'i esuapanu?

2 Corintios 5:21

Ema Cristo, tájina mapekaturaina'ini. Étasera mawaraira'i ema Viya viúchuku'ayare víti, émapa ema Cristo tamuriaka'i eta vipekaturana. Puiti, tájinasarepa víchirawaima'i, tájinawarepa viviurewaina te mamira'u ema Viya vimutu viti viúrujiaruana'i ema Cristo.

1 Timoteo 1:15

Nuwara'a námutu'ini ena achaneana nasuapa eta vé'iru'i taicha yátupi'i eta juka vímiturapiana: Ema Viákenu Jesucristo tímiteka'i te juka apake'e makuchuku'awakayare'i ena tikapekaturara'iana.

1 Timoteo 3:16

Taicha eta juka vé'iru'i vimutu, tétavikawa'i eta táuriwa taechapewa'i: Ema Viakenu timerekawa'i eta máukupaisira'i makake'era'i eta juka viake'e'i viti achaneana, émaipa ema Machanewa Viya makametarapi'iware eta yátupira'i Machicha ema Viya. Náima'a'iware ena ángeleana eta máechepusira'i te máekari. Nakametarairpa tamutu awasareana, namutu achaneana nasuapa'i te juka apake'e. Ichapemuriana ena tijachapána eta majaraiwa te anuma.

Tito 2:14

Ema, máepenina'avi'i, mawaraira'i makaichepaikaya tamutu eta víchira'i eta tamaurikeneana'i. Máepachinachayare tamutu eta tamaeperajiwana eta viáchanewana. Taicha mawara'a'i machanerakene'aviyare. Taka'e, puiti vichaya eta táurikeneana.

Hebreo 1:3

Ema tikaye'e'i eta majaraiwa'i máijararu'i ema Maiya. Eta máukupaisira'i eta viye'e, tímimaticha'avipa eta máuriwa'i ema Maiya. Tási'a, te tamutupa eta makaepa'aira'i eta vipekaturana, tichawapa te anuma. Ánaki ema Maiya makaejakapa te maejasi'ayare te mawaure,

Hebreo 4:15

Ema, yátupi'i tiyaseura'ikene'i eta viye'e, taicha tímati'avi eta vimatumewa'i. Tijapanu'avisera, taicha ema éneichuware tikatajiwa'i tamutu'i makaitsamaraji ema winaraji, takuti eta makaitsamarajira'avi'i víti. Emasera wa'i makapekatura'ini ema Jesús.

Hebreo 7:26

Taka'e'i puiti eta makatupara'aira'i ema Jesús téchejiucha'aviyare. Tétavikawa'i eta vikamunuira'i ema, taicha yátupikene'i santu, matapiraware'i ema. Tájinaware máimatiya'ini makapekatura'ini. Wá'ikene mákuti'ini ena pekatumareana eta napanereruana. Puíticha ema mávi'a'i taye'e eta anuke'e anuma.

Hebreo 9:26

Émasera ema Cristo, éta'eichu'i eta máepusaisira'i eta máitine. Wa'i mápepejirikawa'ini te añuana. Te mápepejirikawa'ini, éneichu'iwareni tiápepejikawa'ini eta máepenira'i puiti juka táepanirawa'i eta apake'e. Eta tímiteka'i ema, eta makaepa'airayare'i eta vipekaturana.

Hebreo 9:28

éneichuware ema Cristo, éta'eichu'i eta máepenira'i makaepa'airayare eta vipekaturana viti kamurikeneana achaneana. Yátupisera tiápechawaya tímerekawa, wáipasera étaima'i tímiteka mawachachaya eta pekatuana. Eta tímitekayare ema, tépana'aviyarepa viti vé'ikana'i vikuchapana'i ema eta makuchukuira'aviyare'i.

1 Pedro 1:18

Ema Viya tikuchuku'a'eipa taye'e eta tamauriwaini'i eta ítaresirana, iámapirikaicha'a eta naye'erepianaini ena iáchukanaveanaini. Échaichu'i eti eta mawacharesira'e'i ema Cristo eta iúchukuira'i, wá'isera plátaina'ini, úruina'ipukaini,

1 Pedro 1:20

Akane te tépanawainapa eta apake'e ema Viákenu Jesucristo tikatupara'aipa taka'eyare'i eta máepeniraya. Wá'isera táitauchawawane'ini. Tapaenumawapa puiti, títauchawa'i étavenepa eta iúchukuirayare'i eti.

1 Pedro 2:22

Ema Cristo, tájina'ineni maviurewaina'ini, mapekaturaina'ini. Nájinaware makaetemakenena'ini.

1 Pedro 2:24

Ema Cristo tikaikuña'i víchavene'i víti eta vipekaturana. Tétavikawa'i eta mátajiwana te máke'e eta vemetatasira'i te crusu. Makamicha'i tamutu, mawara'a'i waipa takuwayuaka'avi, tatupiruwayare'i eta vítaresiraina. Eta majarana, eta tikanaraka'eyare.

1 Pedro 3:18

Taicha ema Cristo, éta'eichu'i vímikapaka'i, táichavene'i eta vipekaturana. Ema, tétavikawa eta máuriwa, matapiraware'iware. Tíjarakawa'isera tikatajiwaya víchavene'i víti wínarajikeneana, mawaraira'i tiáma'avi me Viya. Tépena'i eta máke'e, étasera eta máchanewa tímiyanawaichucha títareka.

1 Juan 1:2

Ema, matiari'i'i akane, manasikeneipa'i maye'e ema Maiya. Tiúkupaikapasera eta viye'e. Víti vímatipa eta achánekenera'i ema. Tási'a, puiti vimetaka'e eta juka víma'akene'i étapa eta visamakene'i.

1 Juan 1:7

Té'esera yátupina eta visuapira eta mawanairipiana, vinasi'ichu'i eta te majaraiwa'i ema Viya, takuti'i eta manasiraichu'i ema eta te majaraiwa'i. Tási'a, eta vinasiraichu'i eta te majaraiwa'i, viúritarekayare'i eta viúrujiusirakaka naye'e ena vichamuriana. Éneichuware máepachinachayare tamutu eta vipekaturana, taicha te tépenapa ema Jesucristo Machicha ema Viya, máepusaika'i eta máitine eta máepachinachira'aviyare'i.

1 Juan 2:1

Nuchichachichana, nukajure'e'i eta júkana taicha nuwara'a wa'i ekukapekaturaini. Té'esera íchapuka eta pekatu, marari'i ema tikatajira'i viye'e te mamira'u ema Tata Vikaiyakene, tikaijare Jesucristo ema tikatajika'avira'i, ema, matapiraware; tétavikawa eta máuriwa.

1 Juan 2:2

Ema, tímikapakawa'i táichavene'i eta makaepa'airayare'i eta vipekaturana apaesa viúri maye'e ema Viya, wá'isera tákarichu eta vipekaturana víti. Táimikapaka'i ema eta makaepa'airayare'i eta napekaturana namutu ena achaneana te juka apake'e.

1 Juan 2:29

Eti écha'i eta máetaviuchira eta máuriwa'i ema Jesucristo. Tási'a, ímatiyare ena apamuriana machichanaveana ema Viya, táichavene eta náichira'i eta táurikeneana.

1 Juan 3:8

Ema ticha'i eta tamaurikeneana tímereuchawaka'i eta machichairawaka'i ema wínaraji. Taicha ema winaraji, ema tinakucha'i, tákenu'i eta pekatu. Eta taka'e, eta maitesira'i ema Machicha ema Viya, makaepa'airayare eta majarareruana'i ema wínaraji.

Apocalipsis 1:5

Ema Viákenu Jesucristo, ema yátupikene'i tiámaparaucha'avi'i eta juka vímitukasiwana'i. Éneichu'iware ema máinapuiru'i téchepuka te máekari. Namutu'i makachuriakawakaya ena reyeana te juka apake'e. Ema, yátupi'i eta máemunasira'avi'i, masipasina'avi'i eta viáchanewana taye'e eta vipekaturana te máitine máepusairu'i,