1 Juan 3:2 - Táurinakene máechejiriruwa’i ema Viya tikaijare

² Nuparapenaveana némunarukeneana, machicha'avipa ema Viya. Vuícha'asera tímecha'avi ema eta viúriwayare. Véchaipasare eta vikutirayare ema Jesucristo eta te machawa. Taicha víma'ayare eta máima'ikene ema.

Ignaciano

² Némuna­ca­sareana, vécharipa eta macachi­chai­ra­havipa ema Viya. Vuíchahasera tímechahavi éma eta viúrivayare. Véchari­pavare eta vicuti­rayare ema Jesucristo eta te machava. Taicha vímahayare eta máimahiquene éma.

1 Juan 3:2 Iomraidhean Croise

San Mateo 5:8

“Tétavikawa eta náurikakarewaya ena tiuripanereruana, taicha naima'ayare ema Viya.

San Lucas 17:30

Ene taka'eyare eta machavirayare ema machicha ema achane.

San Lucas 20:36

taicha waipa tiápechawaima'i tépenana. Nakutinapa ena ángeleana, yátupinapa machichanaveanainapa ema Viya, taicha ema tikaechepukawaka'i.

San Juan 1:12

Énasera nákani tijachapana'i, tási'a nasuapa'i ema, maijaraka'i, maimikacheracha'i eta yátupikene'i machichanaveana'i ema Viya.

San Juan 11:52

étasera juka máepenirayare'i ema Jesús, mawacharekainapa eta naviurewa'i namutu nákani machaneranayare'i ema Viya, te apánapanenejikeneana awasareana. Wa'i tákarichu'ini eta naviurewana ena israelítana. Taicha te táekenenapa, mawara'a'i makurujimuri'ayare'i, étamurianayare'i namutu ena.

San Juan 17:24

“Tata, píti píjarakanu'i, nuwara'a nakachanenu nuti te navi'ayare, apaesa naima'a eta nujaraiwa eta pijarararunu'i, taicha piti pemunakanu'i akaneipa eta takaepiyairayare eta apake'e.

Romanos 8:16

Émaichu ema Machanewa Viya ema tiawa'aka'avi'i eta viachanewa viti emara timireucha'aviyare'i eta machichaira'avi'i ema Viya.

Romanos 8:18

Németeaka'i nuti, tayanapane ichapepuka eta vikatajiwaira'i puiti juka sácheana, tájinachucha táichawa'i taicha jarari'iyare eta ichape táitsiwayare, vijakapaya eta ichape viúrikakarewaya te majaraiwa ema Viya.

Romanos 8:19

Jé'eware, tétavikawa'i eta tajamurachakarewa'i te táitekapapa eta sácheyare, eta vímairaya eta vikuchapakene'i eta takaitsiwairaya eta viáke'e vimutu viti machichanaveana ema Viya.

Romanos 8:29

Akaneipa'i eta máimatira'avi'i, tinerejika'avipa machicha'aviyare'i. Mawara'a'i ema vikutiyare ema Machicha Jesucristo eta máuriwa'i. Tímikutijirikawayare'i viparapeya ema, véchavimuri'i eta makachichaira'avi'i.

1 Corintios 13:12

Puiti wicha'a támutu'ini vímatiekene'a'ini. Tikuti'icha'a te vímararakaicha eta vikuna te jákani ichasime espejo, wa'i takaechera'ini. Járajapainapasera eta sacheyare tikaecherainapa tamutu. Ema Viya wicha'a tímituka'avi'ini tamutu eta mapanereruana. Té'esera te apajara'inapa, tamutuya vikaikutiara máicha. Takuti'ichu eta máimaira'i puiti eta vipanereruana víti.

1 Corintios 15:49

Éneichuware viti achaneana vikaepiyakene mateji viwasijirikaka'i, taka'e viwasi'iware ema Viya tikawasa te anuma.

1 Corintios 2:9

Taicha, taka'e'i eta Takapika'ukene Ajureka: “Tétavikawaya eta náurikakarewaya ena nani témunakana'i ema Viya máijarakawakaya eta náikuchi'i ena, etapa eta máima'asiricha'a.”

2 Corintios 3:18

Taka'e, vimutu viti vé'ikana'i ema Viákenu vikuti'ipa eta espejo eta tarapepesira'i eta tajaraiwa'i eta sache, víti, yátupi'i vímereka'i eta máuriwa'i ema Viákenu, waipa vikaepakamira'ini, eta taka'e, víti puiti tiápajukawainapaipa eta vikutirayare ema Viákenu taicha tiápajukawa'i eta majaraiwa'i te visamureana. Étavene'iware eta máwa'asira'avi'i ema Machanewa Viya máijararu'i ema Viákenu.

2 Corintios 4:17

Taicha eta viátajiwana'i puiti juka vítaresiraicha'a, wa'i táunakakare, tékatikawanachucha. Éneichuware, jarari'i eta táitsiwa'i, taicha vijakapa'i eta táetaviuchirawaya eta viúrikakarewayare, máichekuarakirenapa.

Gálatas 3:26

Puiti, eta ekasiñairapa ema Jesucristo, machicha'eipa ema Viya.

Gálatas 4:6

Puiti, eta machichaira'eripa ema Viya, tíjaraka'eipa ema Machanewa Viya tiáwa'aka'eripa te esamureana. Émapa témecha'e'i maye'e ema Viya, tímituka'epa eta eyujarauchirawaya: “¡Tátachicha! ¡Vikaiyakene!”

Filipenses 3:21

Máitsiwachainapa ema eta juka viáke'esami, apanainapa eta táima'iyare, takutinapa eta makáke'era ema, tapachinakene'i. Tétavikawainapa eta tatumewayare taicha ichapekene eta máitupajijiasirawa'i ema, marata'a'i makapakecha tamutu.

Colosenses 3:4

Té'esera te machawa ema Viákenu Jesucristo, máitsiwachainapa eta iáke'eanayare. Tási'a ekachanenapaipa ema, tétavikawaya eta viúrikakarewaya vimutu máicha.

Hebreo 9:28

éneichuware ema Cristo, éta'eichu'i eta máepenira'i makaepa'airayare eta vipekaturana viti kamurikeneana achaneana. Yátupisera tiápechawaya tímerekawa, wáipasera étaima'i tímiteka mawachachaya eta pekatuana. Eta tímitekayare ema, tépana'aviyarepa viti vé'ikana'i vikuchapana'i ema eta makuchukuira'aviyare'i.

2 Pedro 1:4

Taye'e te juka vima'akeneana'i taurinakeneana eta taka'e tíjaraka'avipa eta vikuchi'i, taicha taetaviure'i eta, maitupajijiasirawa, tetavikawaware eta tasiwachawa'i, apaesa visiapa taye'e eta mawasa ema Viya, apaesa wa'ipa vikuima'a eta tamaurikeneana, tajamurachakeneana eta viake'e te juka apake'e.

1 Juan 2:28

Puítisera, nuchichanaveana, ímiyanawa eta iáwa'asiraina eti ema Jesucristo apaesa túmesamure'eina eti, wa'i ekutsiri'a maye'e eta te machawa.

1 Juan 2:7

Nuparapenaveana, eta juka wanairipi nijararu'ekene'i wa'i arairuina'ini: etaichu'ineni eta ejachapakene'e eti kape te taepaninewapa. Eta juka wanairipi tainapure'i etara eta maechejiriruwa ema Viya eta esamakene'i.

1 Juan 3:1

Íma'a, tétavikawa eta máemunasira'avi'i ema Tata Vikaiyakene, tímijarecha'avi'i machichanaveana. Puíti'ipa yátupikene'i machicha'avipa'i. Énasera ena apamuriana achaneana wicha'a nákaikutiara'ini eta makachichaira'avi'i ema Viya, taicha wicha'a náimati'ini eta máemunaraiwa'i ema.

1 Juan 3:10

Nákani wa'i tíchana'i eta táurikeneana, wá'iware náemunaka'ini ena nachamuriana, náimereka'i eta wa'i machichawakaina'ini ema Viya. Nímereka'i eta machichairawaka'i ema wínaraji. Vítisera, víchira'i eta táurikeneana, étapa eta vémunasirakaka'i, vímerekawa'i eta makachichaira'avi'i ema Viya.

1 Juan 3:21

Nuparapenaveana nemunarukeneana, te wa'ipuka tipikakarakawa eta visamure, je'ewarepa eta vikasiñawaira eta me Viya;

1 Juan 5:1

Yátupi'i eta makachichaira'avipa ema Viya vimutu viti visuapana'i ema Jesús eta émaira'i ema Cristo. Tási'a, vémunaka'i ema tikachicha'avi'i.

Apocalipsis 2:28

Tétavikawayare eta ejaraiwayare ekutiyare eta jarairiki te tiane'ipa tijara'i.

Apocalipsis 22:4

Naimararakayare te mamira tamutu sacheana. Tási'a namayare eta máijare te nana'u.