1 Juan 2:1 - Táurinakene máechejiriruwa’i ema Viya tikaijare

¹ Nuchichachichana, nukajure'e'i eta júkana taicha nuwara'a wa'i ekukapekaturaini. Té'esera íchapuka eta pekatu, marari'i ema tikatajira'i viye'e te mamira'u ema Tata Vikaiyakene, tikaijare Jesucristo ema tikatajika'avira'i, ema, matapiraware; tétavikawa eta máuriwa.

Ignaciano

¹ Nuchicha­naveana, nucaju­rehehi eta júcana taicha nuvaraha vahi ecuca­pe­ca­turaini. Téhesera íchapuca eta pecatu, mararihi ema ticata­jirahi viyehe te mamirahu ema Tata Vicaiyaquene. Ticaijare Jesucristo ema ticata­ji­ca­ha­virahi. Éma, matapi­ravare; tétavicava eta máuriva.

1 Juan 2:1 Iomraidhean Croise

San Lucas 10:22

“Ema Tata Nukaiyakene, ema tíjarakanu'i eta nútiraya néchaya tamutu. Nájina timatina ema machicha emachucha ema Vikaiyakene, nájinawa timatina ema Vikaiyakene emachucha ema machicha manerejiru.”

San Juan 10:15

Éneichuware taka'e'i eta nímatirawaka'i ena nuchanerana. Ena tímatinuana'iware. Eta néñamairawaka'i, nuti nímijararekawa'i eta nítaresira náichavene'i ena.

San Juan 13:33

Nuchichanavechichana, ánipine eta juka ekachaneranuyare, nuyanainapa. Eti, etanukanuinapa. Étaichu'i eta numetarapi'i naye'e ena tikatianakanuana, eta níchirawaka'i, wa'i ítujikawaima'i e'ikanu te nukaiju'eyare nuti.

San Juan 14:16

Tási'a, nuti nuyaseakainapa ema Tata máewataka ema Machanewa Viya. Ema tímikataka'eyare, wa'i tínajiaka'ema'i.

San Juan 14:6

Ema Jesús májikapawarepa: –Nútira né'ikakare'i, núti'ichuwa yátupikenenu'i. Nútiware nukaitarera'i, nájina apanaina ákasiñaima'i eta ítekapirayare me Tata.

San Juan 21:5

Ema Jesús mayaserekawakapa: –Nuchichanaveana ¿Tájinaicha'a íturewaina eta jima? Ena najikapapa: –Tájinaicha'a.

San Juan 5:14

Té'esera te táekenepa, ema Jesús makapaikapa ema achane te templo, máichapa: –Píma'a, waipa pikuapechawa pikukapekatura, machu tachawauchavi eta pijuma, máchuware pávetiji.

San Juan 5:36

Wá'isera mákarichu eta máimikaecherachiranu'i ema Juan. Jarari'i eta apana táimikaecherachiranu'i, tiápajupanawa'i eta táramikarewa. Taicha nuti nicha eta nématanerepiana máijararunu'i ema Tata.

San Juan 6:27

Wa'isera ekukaeñamarakawa eta etánusira eta enikakenerepi taicha títawayare'i, tatuparaka'isera etanukayare eta tinikakare tikaitareka'eyare'i, máichekuarakiraya eta naitaresira. Etara eta juka níjararu'eyare'i nuti Manerejirunu'i ema Viya, ema Tata manaka'i eta tímereuchanu'i eta yátupira'i nuwanekasiwa'i eta maye'e ema.

San Juan 8:11

Tási'a, esu suíchapa: –Nájina, tata. Ema máichawarepa: –Nuti apanaware, wá'iware nímikapakavima'i. Piyana pichawa, wáipasera pikuapechawa pikukicha eta pekatu.

Hechos 7:52

¿Naja'apukaini ena wanairukana wa'i náemekatajiwacha'i ena iáchukanaveanaini eti? Ena nakapapajika'i nákaini kametarairuanapa'i eta maitekapirayare'i ema yatupikene eta mauriwa, puitisera ema maka titekapaipa'i, etisera ekatichapa ekapakapa.

Romanos 5:10

Eta máepenira'i ema Machicha, puiti ema Viya tíchu'a'avi'i vipauchayare ema, tájina vipika'ini eta viáwa'asiraipa ema, tási'a puiti, eta vikasiñawaira'i eta maye'e, waipa véñamawa'ini, taicha taimikaecheracha'i eta mauriwa'i viye'e ema Viya.

Romanos 6:15

¿Taja'a vikayemainapa? ¿Vimiyanawayare vicha eta tamaurikeneana, taicha waipa tawanara'avina'ini eta wanairipi, taichavene eta maemunasira'avi'i ema Viya kawanara'avipa? ¡Nemeteaka wa'i!

Romanos 8:34

Tájinakenepa tímikuñaka'avima'i taicha ema Cristo máepenina'avipa, tichawaipaware títareka. Puíticha téjaka'i te mawaure ema Viya, téchejiuruka'avipa ema.

1 Corintios 15:34

Tátupiruwapa táuri eta ítaresiraina eti, wáipaware ekukicha eta pekatuana. Taicha narari'i ena wícha'a náimati'ini ema Viya te emuri. Titsiri'akareipa'i eta nakasirikira'e'i eti machanerakeneana'i ema Viya.

2 Corintios 5:21

Ema Cristo, tájina mapekaturaina'ini. Étasera mawaraira'i ema Viya viúchuku'ayare víti, émapa ema Cristo tamuriaka'i eta vipekaturana. Puiti, tájinasarepa víchirawaima'i, tájinawarepa viviurewaina te mamira'u ema Viya vimutu viti viúrujiaruana'i ema Cristo.

Gálatas 4:19

Nuchichanavechichana, tétavikawapa takatiwa nusama taicha eta ímipanereresiranu'i, tikuti'ine'i súkani esena tikatiru'apa, taicha tikati'i susama eta amuya, ene nuka'e'i nuti eta nukatisamurerawa'i, néñamirawa'i icha eti, nuwara'a ákutini ema Cristo eta máuriwa'i, tiámainukawa te níma'a'epa ekutinasipa ema eta máuriwa'i, núrisamurenapa ícha.

Efesios 2:18

Puiti, eta viúrujiasira'i ema Jesucristo, tiáwa'aka'avi'i ema Machanewa Viya. Tási'a, máichavene'i ema Machanewa Viya, vimutu vikutikakaipa'i eta vipauchiraipa ema Tata Vikaiyakene.

Efesios 4:26

Te tatiari'ipuka eta táimiyusemaka'e, ejaneakawaicha machu ekapekatura; te esemapuka, wa'i takunasi eye'e. Énewanena ajapanu.

1 Timoteo 2:5

Taicha májina apanaina'ini, makarichu ema Tata Vikaiyakene, émanaichuware ema achane techejiucha'i mamira'u ema Viákenu, te namira'u ena achaneana: makarichu'i ema Viákenu Jesucristo.

1 Timoteo 3:14

Puiti nukunewaya eta nítekapirawaneya eta ara piye'e, té'esera vuícha'apuka nukuitujikawa níteka, nukajurevi'isera juka

Hebreo 9:24

Ema Jesucristo, tájina máimatiya'ini mayujaraka'ini eta te jena santuario te juka apake'e. Étakene'isera masiapa eta mayujarasirayare eta te Santuário tiávi'a'i te anuma. Puíticha matupi'amiraucha'i ema Viya eta mayaseuchira'avi'i víti.

Santiago 1:27

Vítisera, eta vítauchira'i eta yátupikene té'ikakare, te viwara'a tájina véchejisiakarewaina te mamira'u ema Tata Vikaiyakene: tatuparaka'i vijapanuyare vítatiyare ena amaperuana wáchachichana énapa ena náepenaimakeneana taye'e eta nakamunuirawana'i, tituparaka'avi'iware wa'i víchaima'i eta pekatuana te juka apake'e.

Santiago 3:9

Eta vinene, étaichuware táuchusi'a eta náechejiriruwana ena tikunachanayare'i ema Tata Vikaiyakene, ena achaneana naparaepíyana'i me Viya.

1 Pedro 2:22

Ema Cristo, tájina'ineni maviurewaina'ini, mapekaturaina'ini. Nájinaware makaetemakenena'ini.

1 Pedro 3:18

Taicha ema Cristo, éta'eichu'i vímikapaka'i, táichavene'i eta vipekaturana. Ema, tétavikawa eta máuriwa, matapiraware'iware. Tíjarakawa'isera tikatajiwaya víchavene'i víti wínarajikeneana, mawaraira'i tiáma'avi me Viya. Tépena'i eta máke'e, étasera eta máchanewa tímiyanawaichucha títareka.

1 Juan 3:18

Nuchichanavechichana, vémunakakachucha vikajikaka eta vikaye'ekeneana, wá'iware vikuepiya'ira'i eta vémunasirakakaira'i, wa'i takukarichu eta véchejiriruwa.

1 Juan 3:5

Ema Jesucristo, tájina matapirawaina ema. Vímati'ipasera eta tímiteka'i ema te juka apake'e eta makaepa'airayare eta vipekaturana.

1 Juan 3:7

Nuchichanaveana, wa'i ekuisapawa nawayuaka'e: Víti, te vímisiapawa'i eta te táurikeneana, vímerekaya eta viúriwa. Vikutinapa ema Jesucristo eta máetaviuchira'i eta máuriwa;

1 Juan 4:4

Nuchichanavechichana, eti machicha'e ema Viya, eti ekapakechaipa ena naenana tepiya'ira'iana, taicha ena tawa'aka'e eti ema tapajupanawa'i titupajijiapanawa'i maye'e ema tiavi'a te juka apake'e.

1 Juan 5:17

Tamutu eta taiñema'ikeneana pekatu'i; jarari'isera eta pekatu wa'i tiñe'icha wa'i takapakaima'i.

1 Juan 5:21

Nuchichanaveana, wa'i ekukasiñaraji; wa'i ekukuti ena achaneana tikasiñarajiana eta achanemirana.

3 Juan 1:4

Tájina tákuti eta núrisamurewa'i taicha eta nusamairisiraparaka'i eta é'isira'i eti nuchichanaveana eta yátupikene echéjirirukawa maye'e ema Cristo.