1 Juan 1:9 - Táurinakene máechejiriruwa’i ema Viya tikaijare

⁹ Té'esera vitupiruwa'i eta vimetauresirawa'i eta vikapekaturairana maye'e ema Viya, je'ewarepa vikasiñawainapa maye'e ema Viya, ema matapijraware, japanupavinapa eta vichira eta vipekaturana, tási'a tepachinacha'avinapa eta taiñema'ikeneana vipanereruana.

Ignaciano

⁹ Téhesera vitupi­ruvahi eta vimetau­re­si­ravahi eta vicape­ca­tu­rairana mayehe ema Viya, jarari­hiripa eta maperdo­na­chi­ra­havihi. Taicha tíjara­cavahi éma eta maperdo­na­chi­ra­ha­viyare, vahi táeñama­va­ca­rehíni. Éneri­chuvare májahaya tépachi­na­cha­ha­viyare tamutu eta tamauri­queneana viyehe.

1 Juan 1:9 Iomraidhean Croise

San Mateo 3:6

Timetaurekawanaware eta napeketurana, tási'a ema Juan máikachasikawakapaipa te kajakure Jordán.

Marcos 1:5

Namutu ena tikawasana'i te tinapaika te Judea étapa te awasare Jerusalén. Tiuchukanapa'i eta nawaraira'i nasamararaka. Timetaurekawanaware eta napekaturana, tási'a ema Juan máikachasikawakapaipa te kajakure Jordán.

San Lucas 22:57

Émasera ema Pedro tépiyakawapa wa'i máimati. Máichapa: –Píma'a, esena, wa'i nímati nuti ema píchakene'i.

San Juan 17:25

Tata, yátupikenevi'i eta piuriwa'i, ena achaneana te juka apake'e wa'i náimativi'ini, nútisera nímativi'i, etajuka naecha'i eta piwanesiranu'i

Hechos 19:18

Taka'e, ena té'ikanapaipa ema Jesús, te náurujisirawana te tiyujarakana, timetaurekawanapaipa tamutu eta náejekapirawana eta náitaresira'i,

Romanos 3:26

Taicha ema tetavikawa eta mauriwa. Ema mawara'a timecha'avi eta maemunasira'avi puiti juka sacheana taicha ema maepachinacha'i eta napekaturana maijaraka'i eta nauriwaya; taicha ema tetavikawa'i eta mauriwa'i, nákaini tisuapana ema Jesús maijarakayare'i eta nauriwayare'i

1 Corintios 1:9

Ema Viya wa'i ma'apapikaima'i eta mapanereruana'i, yátupi eta máitauchirayare'i eta máichuira'e'i, mawara'a'i iúrujikawayare ekachanenapa ema Machicha Jesucristo ema Viákenu.

1 Corintios 6:11

Eneni'i eka'e eti te wicha'a imati'ini ema Viya. Puitisera ejachapaipa eta iuriwayare epáchi'aipa eta epeketurana, puitisera santu'eripa'i maicha ema Viákenunu Jesucristo émapa ema Machanewa Viya.

Efesios 5:26

Taicha mawara'a'i tisantucha'aviyare'i, tási'a, masipasina'avipa eta viáchanewana eta visuapira'i eta máimiturapiana, eta masipasira'avi'i taye'e eta maechejiriruwa etapa eta vikaikachasirai.

1 Timoteo 1:15

Nuwara'a námutu'ini ena achaneana nasuapa eta vé'iru'i taicha yátupi'i eta juka vímiturapiana: Ema Viákenu Jesucristo tímiteka'i te juka apake'e makuchuku'awakayare'i ena tikapekaturara'iana.

Tito 2:14

Ema, máepenina'avi'i, mawaraira'i makaichepaikaya tamutu eta víchira'i eta tamaurikeneana'i. Máepachinachayare tamutu eta tamaeperajiwana eta viáchanewana. Taicha mawara'a'i machanerakene'aviyare. Taka'e, puiti vichaya eta táurikeneana.

Hebreo 10:23

Eta taka'e, vímiyanawa vétumechawa eta vé'isira'i, wa'i viyakujima'i, yátupina eta vikuchapira eta víkuchi'i taicha ema Viya máitauchayare tamutu eta máijararuwa'i eta viye'e.

Hebreo 11:11

Ésuipa, esu Sara tikasiñawa'iware maye'e ema Viya, máitauchayare'i eta máijarasirawa eta sukachichairaya, ichavikachichaipa'inéni. Macheru'iware esu. Máijaraka'isera ema Viya eta suchicha, taicha eta susuapira'i eta máitauchirayare ema Viya tamutu eta máijararuwana'i eta suye'e.

Hebreo 6:10

Ema Viya tétavikawa'i eta máitauraiwa'i, wáipaine'i máemitisikaima'i eta ekaemataneasirana'i, étapa tímereucha'e'i eta émunasirawaka'i ímikatasirawaka'iware ena echamuriana'i taye'e eta juka vé'iru'i, máima'a'i eta ímiyanawaira'i ekaemataneaka.

1 Juan 1:7

Té'esera yátupina eta visuapira eta mawanairipiana, vinasi'ichu'i eta te majaraiwa'i ema Viya, takuti'i eta manasiraichu'i ema eta te majaraiwa'i. Tási'a, eta vinasiraichu'i eta te majaraiwa'i, viúritarekayare'i eta viúrujiusirakaka naye'e ena vichamuriana. Éneichuware máepachinachayare tamutu eta vipekaturana, taicha te tépenapa ema Jesucristo Machicha ema Viya, máepusaika'i eta máitine eta máepachinachira'aviyare'i.

Apocalipsis 15:3

Tási'a tijirana'i eta jirasare majirasaini ema Moisés, mawanaraini ema Viya. Eta jirasare maye'e ema Cordero, ani taka'e'i: “Píti ichapekenevi'i akenuka, tétavikawa eta pítupajijiasirawa. Tamutukene'i píturuekene'a. Tétavikawapa eta táramikarewa'i eta pépiyaruana'i. Tiúrikakare'iware eta pinakipairuana'i. Wa'i apánapanenejina'ini eta péchejiriruwana. Píti akenukavi'i, péchaya tamutu awasareana.