1 Juan 1:8 - Táurinakene máechejiriruwa’i ema Viya tikaijare

⁸ Te vika'e'ipuka tájina eta vipekaturaina, vítijiwapa viwayuarakawa'i, taka'e, wa'i wátupiema'ini eta vipanereru'i.

Ignaciano

⁸ Te vicahe­hipuca: “Tájina eta nupeca­turaina”, tacahe, vahi vátupie­mahini eta vipane­reruhi. Vítijiva vivayua­ra­cavahi víti.

1 Juan 1:8 Iomraidhean Croise

San Juan 8:44

Ema tikachicha'e eti, ema Wínaraji; ema técha'e'i, taicha ewara'a'i íchayare eta máichakeneana ema. Taicha ema, tikapa'i eta máitaresira'i te tépanawainapa. Étachucha maurika tiwayuarereka. Ema, naiya'i ena tépiya'ira'iana.

Romanos 3:10

Eta Takapika'ukene Ajureka, taka'e'i: “¡Nájina émanaina'ipukaini máuri'ini!

Romanos 3:23

taicha namutu tikapekaturana'i, eta taka'e nayere'i'i eta naimairaina'ini eta majaraiwa ema Viya.

1 Corintios 3:18

Wa'i ekuejekapawa eta ímijachira'i ímatipa tamutu eta juka vítaresira'i. Étisera ekarawa'uya eta me Viya. Ema, tímituka'eya eta ítupajijiasirawanaya yátupikeneana. Échemaraiwaina máicha.

Gálatas 6:3

Taicha narari'i ena tímijachawana'i wa'i tiákipaikawanaima'i taye'e eta pekatuana, wa'i ekuwayuakawa, wa'i takaemuñawakare'ini, taicha eta juka wa'i tanekapakare.

1 Timoteo 6:5

Tamutu sácheana tikatianarerekana taicha máuripanererura'ana ena, máimatira'ana'i eta yátupikeneana, nawara'a nakawacharapiyare eta naye'e religión, piti wa'i pikupauchawaka ena nani.

2 Timoteo 3:13

Énerichuware, ena achaneana wínarajikeneana tiápajukawainapa eta nawínarajiwanaya, éneichuware ena tikaetemara'iana, tiápajukawainapa eta nakaetemaraiwaya, énajikakainapa tikaetemakakanayare.

Santiago 1:22

Ítauchayare eta tametarapiana'i eta máechajiriruwana ema Viya, wa'i takuejekapawa eta epanereruana, machu ímijachapuka tarataichu'i eta esamararasira'i taicha te taka'e eta juka vitijiwainapa viwayuakawa.

Santiago 1:26

Narari'ipuka nákani tímijachawana'i yatupikeneana naitaucha eta mawanairipi ema Viya, wa'isera náituka'ini tikaratajakachawana, ena nani téjekapawana'i eta napanereruana.

Santiago 3:2

Vimutu véjekapawa eta véchejisirana. Nájina émanaina wa'i makuejekapawaini eta máechejisira. Te matiari'ina'ini mákani achane wa'i makuejekapawaini, ichape'ini eta makunachakarewaina'ini, taicha ema, yátupi'i eta máitupajijiasirawa'i, máituka'iware tikaratakawa eta máke'e.

2 Pedro 2:13

ena, náimikatajiwacha'i nákani apamuriana achaneana. Páureanasami, ena tiápajukawanaya eta nakatajiwairayare. Ena nani, tétupikawana'i eta náimairawa'i, tiúrisamurereakawana'i eta nakawa'aira'i te sácheana. Táitaurewakene tétavikawa'i eta natsiri'akarewa eta namaetupikushiwana'i, eta nakasirikira'e'i te jákani énisirakakana ena echamuriana. Tikamapurawana'i tikurisamurechawana, nawaraira'i náituruka jákani najamurachakeneana.

1 Juan 1:10

Té'esera vika'e'ipuka tájina vipekaturaina, vépiyaekene'a'i ema Viya, vímikutijirikapa ema maepiya'ira'ini, wa'i tátupiruwa'isni eta vijachapiraina'ini eta máechejiriruwa.

1 Juan 1:6

Te vinasi'ichupuka víti te timapiku, tási'a te vika'e'ipuka, viúrujikawa maye'e ema Viya, tási'a víti vépiya'ira'ipa. Wa'i viúrujikawa'ini maye'e, wá'iware visuapa'ini eta mawanairipiana.

1 Juan 2:4

Te narari'ipuka ena nákani achaneana naka'e'i: “Nuti nímati ema Viya”, wa'isera nasuapa'ini eta mawanairipiana, taka'e náepiyewa'i ena, wa'i tásuapakare'ini eta náechejiriruwa.

1 Juan 4:20

Te narari'ipuka ena naka'e'i: “Viti vémunaka ema Viya”; tasi'asera nakatichaichucha ena nachamuriana, ena tépiya'ira'iana'i. Taicha náima'anenipuka ena nachamuriana, wá'isera náemunaka'ini, ene taka'e'i eta namaemunasira'i ema Viya máima'asikene'i.

2 Juan 1:2

Viti vémunaka'e taicha vikutikaka'i eta visuapira eta yátupikene máechejiriruwa ema Viya. Máichekuarakirenapa eta visuapiraya.

3 Juan 1:3

Tétavikawa'i eta núrisamurewa'i, te títekapanapa ena vichamuriana, taicha timetakanuanapa eta pisuapira'i, pé'isira'i eta yátupikeneana echéjirirukawana maye'e ema Cristo.