1 Juan 1:3 - Táurinakene máechejiriruwa’i ema Viya tikaijare

³ Vimetaka'e taicha viwara'a iúrujikawa'ini eta viye'e. Taicha víti viúrujikawa'i maye'e ema Tata Vikaiyakene émapa ema Machicha Jesucristo.

1 Juan 1:3 Iomraidhean Croise

San Juan 17:11

“Nuti nujunijikawakainapa ena píjararunuana. Énasera nanasiyarecha'a te juka apake'e. Nútisera nútijapainapa eta piye'e. Tata Nukaiyakene, piti yátupikenevi'i eta pisantuwa'i. Nuyaseakavi pijaneasinanuwakachucha ena, apaesa náimiyanawa'i eta náurujiasirakakaina, náwa'asirakakayare nákuti'ini eta viáwa'asirakaka'i víti.

San Juan 17:21

Nuyaseakaviware wá'ini takuitawa'ini eta náurujiasirakakayare ena. Pakutini piti, Tata eta piawa'asiranu'i nuti, tási'a nuti eta piye'e, eneichuware ena nakachane'avi'ini viti, apaesa ena achaneana te juka apake'e náimati'ini yátupina eta piwanesiranu'i.

San Juan 17:25

Tata, yátupikenevi'i eta piuriwa'i, ena achaneana te juka apake'e wa'i náimativi'ini, nútisera nímativi'i, etajuka naecha'i eta piwanesiranu'i

San Juan 17:3

Níjarakayare eta náitaresirayare máichekuarakireyare, ena píjararunuanayare apaesa náimativi, piti Tata pikarichu yátupikenevi'i Viya, nútipa nuti Jesucristo, nuti piwanerunu'i te juka apake'e.

San Juan 19:35

Nuti Juan nájuekene'a'i tamutu eta juka, níma'akeneana'i. Nuwara'a nítametaka'e tamutu. Yátupi'iware eta numetasira'e'i, taicha nuwara'a esuapa'ini eti apanaware.

Hechos 13:32

“Taka'e vitira vikametarairu'i eye'e eta Arairu maechejiriruwa ema Viya: Eta maikure'i ema, naye'e ena viáchukanaveanaini,

Hechos 13:41

‘Íma'a, eti épurura'iana'i, iáramekayare eyanapa ejuna, taicha titekapainapa eta sache nichayare eta tiaramikareana emáima'akeneana'i eta emasuapakene'i eti, natiari'inapuka ena nametaka'e.’ ”

Hechos 2:42

Eta nasamararasira'i eta náimiturapiana ena apústuleana, ichapeine'i nasuapa. Tamutu sácheana tikurujikakana'i eta nayujarasirayare'i, étapa eta nanisirayare'i eta pan.

Hechos 20:27

tamutu'i numetaka'e eta mawara'akeneana ema Viya, tájina wa'i nuyumurupika'ini.

Hechos 4:20

Víti, wa'i vimatinaima'i eta véchejisi'airaya tamutu eta juka víma'akeneana'i visamakeneana'iware maye'e ema Viakenu.

Romanos 15:27

Tétavikawa'i eta náurisamurewa'i eta nanakisirawa'i, nawaraira'i títsirijikawanaya naye'e. Táurika eta juka náitsirijisirawaya, taicha ena nachamuriana israelítana tímimatichana'i ena apawasana eta máimiturapiana ema Viákenu. Tási'a puiti, enapawaya ena vichamuriana apawasanana, nakajiyare ena nachamuriana israelítana.

1 Corintios 1:30

Puítisera eti, majakapakeneanaripa ema Viya. Máwa'aru'ewarepa ema Jesucristo maicha ema Maiya. Taka'e, ichapeipa eta échemaraiwa'i máicha, santu'eipa máicha, ekutipaipa eta masantuwa'i ema. Iuchukurepaipa'i taye'e eta tikaviurekarewana.

1 Corintios 1:9

Ema Viya wa'i ma'apapikaima'i eta mapanereruana'i, yátupi eta máitauchirayare'i eta máichuira'e'i, mawara'a'i iúrujikawayare ekachanenapa ema Machicha Jesucristo ema Viákenu.

1 Corintios 15:1

Nuparapenaveana, nuwara'a némecha'eyare eta numetarairu'i eye'e. Eta máechejiriruwa'i ema Viya taye'e eta viúchukuirayare, étara táemesiawa'i eta juka te esamainapa, etupiruwawane'i ejákapa, puíticha tanasi'i eta esuapira'i.

Efesios 3:6

Ani taka'e'i eta juka tayumururewanaini'i: Eti apawasana, eti apanaware ejákapakare'iware maye'e ema Viya maicha ema Jesucristo, iúchuku'ayare táichavene'i eta é'isirayare eta vimetarairuana, esiapamuri'a'aviyare viti machanerana ema Viya, etamuri'avipa, vikutikakainapa eta víkuchi'i viti israelítana.

Filipenses 1:7

Éneichuware nukasiñawa'i eye'e, taicha némunaka'e'i ichape emutu eti. Nukasiñawa'iware vikutikakaipa'i eta vijakapira'i eta maemunasira'avi'i ema Viya, tayanapane viyere'ikaka'ipuka. Étaipa te juka návi'a'i nukaerataiya'i. Étapa te nutupi'amirauchawaka ena tuparairukana, eta nukatiuchirayare'i eta Arairu maechejiriruwa ema Viya.

Filipenses 2:1

Taka'e puiti, németeaka esamawa'i eta máetumechira'e'i ema Cristo, iúrisamurera'iware táichavene'i eta máemunasira'e'i; ewapinawa'iware eta máwa'asira'e'i ema Machanewa Viya, máimitusira'e'i eta ekajira'i ejapanura'i'iware,

Filipenses 3:10

Nuwara'a'i nuti tajurukachucha eta nímatirayare'i ema Cristo. Nuwara'aware nukapayayaraka'iwareni eta makatajiwaira'i. Étapa eta népenira, nuwara'aware táurichawakayare ena nuchamuriana, tákuti'ini eta táurichira'avi'i eta máepenira'i ema Jesús,

Colosenses 1:13

Ema Viya tikatiucha'avipa maye'e ema wínaraji tiavi'a te timapiku, tiama'avipa eta mawasa ema maemunarukene Machicha Jesucristo,

1 Tesalonicenses 1:10

eneichuware timetaka'aviana eta ekuchapira'i eta machaviraya ema Machicha ema Viya mási'airaya te anuma, ema maka Jesús émaichu ema makaechepukasikene'i te máekari maicha ema Maiya. Émara tikatiucha'aviyare taye'e eta ekuñaraki náikuchi'i ena masuapajiraira'ana.

1 Timoteo 6:2

Étaipa te nakakenu'ipuka mákani vichamuri'i, tiápajukawayare eta napikauchirayare. Wa'i tímipanawanaima'i eta nachamurira'i ema, náimerekayare yátupi eta táuriwaya eta náemataneana, taicha ema nakaemataneyeru'i, nachamuri'i máemunaruware ema Viya. Piti nuchicha Timoteo, pímitukayare tamutu eta juka naye'e ena vichamuriana. Pémechawakayare eta vímiturapiana.

Hebreo 2:12

Eta Takapika'ukene Ajureka, ani taka'e'i: “Néchejisi'airaviyare, Tata, naye'e ena nuparapenaveana. Nuwara'a nujirauchaviyarewa, nakachanenu'iware ena.”

Hebreo 3:1

Nuwara'a numetaka'eya eta apana, eti nuparapenaveana máepachiaruana'i ema Viya, máichu'akeneana'iware eta esiapiraya eta máwasa. Nuwara'a epanerecha apaesa ákaikutiara eta táetaviuchira'i eta máitupajijiasirawa'i ema Jesús. Ema yátupi'i mawaneru'i ema Viya eta máimitusira'aviyare'i eta juka vé'iru'i. Makarichu'i ema tiyaseucha'aviparaka'i eta vikasiñawaira'i me Viya.

Hebreo 3:14

Taicha viti machamuri'aviana'i ema Cristo, vijakapainasarepa eta víkuchi'i maye'e ema, te vímiyanawa'i eta vikasiñairawa maye'e, vétumechirawaina eta vé'isira'i takutichu te tepanawapa.

1 Pedro 5:1

Nuwara'a nechejirika'eya emutu eti pastoreana ejaneakana'i ena vichamuriana. Nuti éneichuware pastulerunu'i. Éneichuware nitametaka'eya eta nímararasira'i eta makatajiwaira'i ema Cristo. Esuapanuyare puiti eta nechejirapi, taicha vikutikakayare eta vikatupara'airaya viávi'ayare te majaraiwa ema Cristo te táitekapa eta machaviraya.

2 Pedro 1:16

Eta vímitusira'e'i, eta machaviraya ema Viákenu Jesucristo, máimeresiraya eta máitupajijiasirawa, wa'i vépiya'ira'ima'i, wá'iware vive'akenéna te vichuti, vímatipa yátupi, taicha víma'a'i te viúki'ana eta majaraiwa'i ema Viákenu.

1 Juan 1:1

Vímiajureka'e eta eye'e. Viwara'a vimetaka'e eti, eta véchakene'i maye'e ema Jesucristo, ema tíjaraka'avi eta echéjirirukawa tikaitarekara'i. Ema, matiari'i'i akane te tépanawapa tamutu. Taka'e, tiúkupaika'i, tímerekawa'i eta viye'e. Visamapa eta máechejiriruwa. Kamuri eta sácheana eta vímararasira'i ema te viúki'a. Vémama'aka'i te viwa'u.

1 Juan 1:5

Vimetaka'e eta máimitusira'avi ema Jesucristo. Eta juka eta makayemakene'i: jarari'i eta tijara'i maye'e ema Tata Vikaiyakene, tájina timapikuina maye'e.

1 Juan 1:7

Té'esera yátupina eta visuapira eta mawanairipiana, vinasi'ichu'i eta te majaraiwa'i ema Viya, takuti'i eta manasiraichu'i ema eta te majaraiwa'i. Tási'a, eta vinasiraichu'i eta te majaraiwa'i, viúritarekayare'i eta viúrujiusirakaka naye'e ena vichamuriana. Éneichuware máepachinachayare tamutu eta vipekaturana, taicha te tépenapa ema Jesucristo Machicha ema Viya, máepusaika'i eta máitine eta máepachinachira'aviyare'i.