1 Juan 1:2 - Táurinakene máechejiriruwa’i ema Viya tikaijare

² Ema, matiari'i'i akane, manasikeneipa'i maye'e ema Maiya. Tiúkupaikapasera eta viye'e. Víti vímatipa eta achánekenera'i ema. Tási'a, puiti vimetaka'e eta juka víma'akene'i étapa eta visamakene'i.

Ignaciano

^2-3 Éma, matiarihihi acane, manasi­que­ne­ripahi mayehe ema Maiya. Tiúcupai­ca­pasera eta viyehe. Víti vímatipa eta acháne­que­nérahi éma. Tásiha, puiti vimetacahe eta juca vímaha­quenehi étapa eta visama­quenehi. Vimetacahe taicha vivaraha iúruji­ca­vahíni eta viyehe. Taicha víti viúruji­cavahi mayehe ema Tata Vicaiyaquene émapa ema Machicha Jesucristo. Tásiha, éti apana iúruji­ca­vahíni nayehe.

1 Juan 1:2 Iomraidhean Croise

San Juan 1:18

Yátupikene, nájina náimati'ini eta máima'i ema Viya, makarichukene ema Machicha, émaichu'ineni ema Viya kachanekakana'i ema Maiya, éma'i tímimaticha'avi'i ema Maiya.

San Juan 1:4

Émaichu'iware tikaitareka'avi'i viti achaneana. Émaichuware tinákapa te viáchanewana eta tamika'u eta vítaresira'i.

San Juan 10:28

Níjarakawakayaresera nuti eta máichekuarakireyare eta naitaresira. Wá'ikene náima'a'ini eta náikuñayareni. Nájinaware tiverejikanuanaima'i ena nujanearuana'i.

San Juan 14:6

Ema Jesús májikapawarepa: –Nútira né'ikakare'i, núti'ichuwa yátupikenenu'i. Nútiware nukaitarera'i, nájina apanaina ákasiñaima'i eta ítekapirayare me Tata.

San Juan 15:27

Tási'a eti apanaware ítametakawakayare, taicha tiyereipa eta ekachaneranu'i, tépanawapa te nunérejika'enapa.

San Juan 16:28

Nuti, eta nási'a'i maye'e ema Tata eta nítesira'i te juka apake'e, puítisera nujunijikainawarepa eta apake'e, nuchawainawarepa maye'e ema Tata.”

San Juan 17:3

Níjarakayare eta náitaresirayare máichekuarakireyare, ena píjararunuanayare apaesa náimativi, piti Tata pikarichu yátupikenevi'i Viya, nútipa nuti Jesucristo, nuti piwanerunu'i te juka apake'e.

San Juan 17:5

Puítisera nuchawainawarepa eta piye'e. Píjarakanuyare eta nukunachakarewaya piye'e, takutiyare akane tasinekene, eta návine'i te tépanawainapa eta apake'e.

San Juan 19:35

Nuti Juan nájuekene'a'i tamutu eta juka, níma'akeneana'i. Nuwara'a nítametaka'e tamutu. Yátupi'iware eta numetasira'e'i, taicha nuwara'a esuapa'ini eti apanaware.

San Juan 21:14

Eta juka, mapa'ekenepa eta máimeresirawa'i ema Jesús eta naye'e ena máimitureana eta máechepusira'i te máekari.

San Juan 3:13

“Najina nayana'ini nápana'ini te anuma, emachucha ema tiukupaika'i te anuma; ema Machicha ema Ajaira.

San Juan 7:29

Nútisera nímati'i ema taicha étakene'i násine'i eta maye'e eta nítekapauchira'e'i.

San Juan 8:38

Nuti néchejisi'a'i eta máimechakenénuana'i ema Tata. Étisera étachucha ícha'i eta mawanairipianaichu'i ema tikachicha'e.

Hechos 1:22

ena tikachane'aviana'i te tikaikachasinapa ema Jesús me Juan, wa'i najunijika'avi'ini, natiari'ikene'i te tiyapapa ema Jesús te anuma. Takamunupa emanaina masiapa vichamurina, apaesa maimikataka'avi eta véchejisi'aira eta maechepusira'i ema Jesús.”

Hechos 10:41

Waipa námutu'ini ena achaneana náima'a'ini, vítinecha vitametaka'i taicha viti manerejiruana'i ema Viya, vinekapaekene'a'i tamutu eta vikachanera'i ema Jesús te vinisirana, verirana.

Hechos 2:32

Puíticha, ema Viya makaechepuka'i ema Jesús, tási'a, viti véchejisi'a'i eta juka víma'akene'i.

Hechos 3:15

Tási'a, émapa ímikapaka'i ema tikaitareka'avi'i. Émasera ema Viya makaechepuka'i te máekari. Véchejisi'a'i víti ema taicha víma'akene'i eta mápechirawa'i títareka.

Hechos 5:32

Víti vitametaka'i eta juka taicha víma'akene'i eta mápechirawa'i títareka. Víti véchejisi'a'i maicha ema Machanewa Viya máijararu'avi'i ema Viya viye'e viti visuapana ema.

Romanos 8:3

Taicha ema Viya, eta máimaira'i eta vimaetumechirawa'i, vimárata'aira'i vítaucha'ini eta wanairipiana, mawanekapa tiúkupaika'i ema Machicha, makake'eyare'i eta juka viáke'e viti achaneana. Eta máijarasirawa'i, makamitiekene'aipa eta tapamisira'avi'i eta viáke'e eta vikapekaturairana.

Gálatas 4:4

Émasera ema Viya, te máima'a tiuri eta táitauchirawayarepa eta mapanereru'i, máewatakapa ema Machicha te juka apake'e. Ema Jesús, tiáchanechawapa te suju'e esu maena. Eta máuchusira'i, viwasima'i eta vikake'era'i viti achaneana, eta majurusira'i, tikarawa'upa eta viye'erepiana viti israelítana,

1 Timoteo 3:16

Taicha eta juka vé'iru'i vimutu, tétavikawa'i eta táuriwa taechapewa'i: Ema Viakenu timerekawa'i eta máukupaisira'i makake'era'i eta juka viake'e'i viti achaneana, émaipa ema Machanewa Viya makametarapi'iware eta yátupira'i Machicha ema Viya. Náima'a'iware ena ángeleana eta máechepusira'i te máekari. Nakametarairpa tamutu awasareana, namutu achaneana nasuapa'i te juka apake'e. Ichapemuriana ena tijachapána eta majaraiwa te anuma.

2 Timoteo 1:10

Puíticha, eta majapanuira'avi'i ema Viya, máewatasina'avi'i ema Machicha Jesucristo tikatiucha'aviyare'i. Ema, máechepure'i te máekari. Puiti manakika'i eta Arairu máechejiriruwa'i, eta makaitaresira'aviya, máepenakaka'avinapa.

Tito 1:2

etara eta juka vikuchapakene'i taicha eta vitaresira maichekuarakirenapa. Taicha ema Viya wa'i maepiya'ira'ini.

1 Pedro 5:1

Nuwara'a nechejirika'eya emutu eti pastoreana ejaneakana'i ena vichamuriana. Nuti éneichuware pastulerunu'i. Éneichuware nitametaka'eya eta nímararasira'i eta makatajiwaira'i ema Cristo. Esuapanuyare puiti eta nechejirapi, taicha vikutikakayare eta vikatupara'airaya viávi'ayare te majaraiwa ema Cristo te táitekapa eta machaviraya.

1 Juan 1:1

Vímiajureka'e eta eye'e. Viwara'a vimetaka'e eti, eta véchakene'i maye'e ema Jesucristo, ema tíjaraka'avi eta echéjirirukawa tikaitarekara'i. Ema, matiari'i'i akane te tépanawapa tamutu. Taka'e, tiúkupaika'i, tímerekawa'i eta viye'e. Visamapa eta máechejiriruwa. Kamuri eta sácheana eta vímararasira'i ema te viúki'a. Vémama'aka'i te viwa'u.

1 Juan 2:25

Eta'i eta juka máikure'avi'i ema Viakenu Jesucristo, tíjaraka'aviya máichekuarakirenapa eta vítaresira.

1 Juan 3:5

Ema Jesucristo, tájina matapirawaina ema. Vímati'ipasera eta tímiteka'i ema te juka apake'e eta makaepa'airayare eta vipekaturana.

1 Juan 3:8

Ema ticha'i eta tamaurikeneana tímereuchawaka'i eta machichairawaka'i ema wínaraji. Taicha ema winaraji, ema tinakucha'i, tákenu'i eta pekatu. Eta taka'e, eta maitesira'i ema Machicha ema Viya, makaepa'airayare eta majarareruana'i ema wínaraji.

1 Juan 4:14

Tási'a, viti vikachaneanaipa ema Jesús, vimetakawakapa'i namutu ena vímanaruanapa'i eta máukupaisiraipa te anuma, taicha viwara'a náimatiyare namutu eta mawanesira'i ema Viya máiteka ema Machicha tikatiucha'aviyare vimutu viti achaneana te juka apake'e.

1 Juan 4:2

Eta juka eta ímatiarayare ena máwa'aruana ema Machanewa Viya: te naka'e'ipuka: Ema Jesucristo yátupikene'i achane eta máuchusira'i.

1 Juan 5:11

Étaichuware eta juka eta mametasira'i ema Viya, eta máijarasira'aviripa eta vítaresirayare máichekuarakirenapa, ema Machicha ema Viya, ema técha'i eta vítaresira.

1 Juan 5:13

Nukajure'e eta juka eti esuapana maye'e ema machicha ema Viya, apaesa echa eta maichekuarakirenapa eta itaresira tiuri.

1 Juan 5:20

Vítisera vécha'i eta máitesira'i eta te juka apake'e ema Machicha ema Viya, ema tímitupana'avi'i, émavene'i témesenika'avi'i maye'e ema Maiya ema yátupikene'i Viya. Máichavene ema Machicha Jesucristo, viáwa'akaipa víti ema yátupikene'i Viya, émara ema makarichukene'i yátupikene'i Viya, ema, tíjaraka'aviya eta vítaresiraya máichekuarakirenapa.