Psalms 99:4 - Keley-i Bible (Antipolo Ifugao)

⁴ Hi-gam ni Patul e et-eteng kabaelan tu niya limpiyuh ni emin hu tuka pehding, ey tuka hellipat-i ma-lat ya limpiyuh niya neiptek hu meippahding di Israel.

Psalms 99:4 Iomraidhean Croise

Job 37:23

Ey eleg tayu han-awat hu kabaelan Apu Dios ni mengippahding ni emin. Nem anin ni hanniman et kayyaggud niya meandeng hu tuka pehding e eleg daitsu panligligat.

Psalms 11:7

Hi Apu Dios ey limpiyuh ey nakappinhed tudda hu tuun kayyaggud hu daka pehpehding. Et humman hu, mekihha-ad idallin hi-gatun edum ni aggew.

Psalms 98:9

Tep um-alilli hi Apu Dios ni man-ap-apu eyad puyek. Meandeng ali niya limpiyuh hu pehding tun man-ap-apu.

Isaiah 42:4

Hi-gatu ey eleg medismayah niya eleg meendi namnamah tu ingganah ang-angen tu e meandeng emin hu kamekapkapyad kebebbebley eyad puyek. Ey anin idan nambebley di nangkeidawwin bebley et ihik dan dedngelen hu tuka ituttuddu.”

Isaiah 61:11

Nanna-ud ni ihhehwang Apu Dios, e Eta-gey ni peteg, ida tutu-u tu henin bukel e nanna-ud ni umtemel. Meidaydayaw ali hi Apu Dios di kebebbebley.

Isaiah 9:7

Mannananeng ali kabaelan tu niya melinggep hu pan-ap-apuan tun eleg mepappeg. Hi-gatu meihhullul ni man-ap-apud pan-ap-apuan David. Ya pehding tun man-ap-apu ey kayyaggud niya meandeng ni ingganah. Hi Apu Dios e Kabaelan tun emin ey nanna-ud ni pehding tullin emin huyya.

Jeremiah 23:5

Kan mewan Apu Dios ey “Medettengan ali tsimpuh ni pillien ku hu hakey ni helag David ni mampatul. Humman alin mampatul ey limpiyuh ey meandeng hu pehding tud emin di pan-ap-apuan tu.

Deuteronomy 10:18

Tuka i-ehneng ida nepu-hig niyadda nebalu, ma-lat meidwat kelebbengan da. Tudda kapinheda hansinu-wan ni nekibebley ni hi-gatsu e tudda kaiddawsin kennen da niya balwasi da.

Jude 1:15

et huwetan tu emin tuud puyek. Et emin hu eleg mengu-unnud nan Apu Dios ey mekastigudda, tep ya lawah ni impenahding da niya tep ya lawah ni in-inhel dan hi-gatu.”

Revelation 19:11

Entanni ey in-ang-ang kud kabunyan ey heni neibeghul ey wada inang-ang kun mablah ni kebayyu. Ya etan nantakkay ey humman etan kameingngadnin Makulug niya Kameiddinnel di tuka pehpehding. Meandeng hu tuka penuwet ni tuu niya kaumlaw ni an mekiggubbat.

Revelation 19:16

Wada neitudek di balwasi tu niyad heli tun kantuy “Patul ni emin ni patul niya Ap-apun emin ni ap-apu.”