Psalms 76:7 - Keley-i Bible (Antipolo Ifugao)

⁷ Endi edum ni kametekkusi nem ebuh ka e Apu Dios, niya endi hakey ni kabaelan tun an mekihhanggan hi-gam hedin bimmunget ka.

Psalms 76:7 Iomraidhean Croise

1 Chronicles 16:25

Hi Apu Dios ey eta-gey ni peteg. Hi-gatu hu lebbeng tun daydayawen tayu e beken ni yadda etan linggeman ni dios.

Ezra 9:15

Hi-gam e Ap-Apu e Dios min helag Israel ey kayyaggud ka. Himmek dakemi et deh e nanengtun mategu kami. Mika ebbuluta liwat min hi-gam ey endin hekey lebbeng min um-ehneng di hinanggam.”

Psalms 130:3

Apu Dios, inamtak e gullat ni muka ituttuddek ni emin hu liwat ni tuu et endin hi-gami hu eleg mekastigu.

Psalms 2:12

Ey pengu-unnud kayu etan ni U-ungnga tu, tep hedin eleg yu u-unnuda, man pinhakkeyey umbunget hi Apu Dios et pappegen tu biyag yu. Yadda etan tuun kamengiddinnel nan Apu Dios ni mengippaptek ni hi-gada ey um-amleng ida.

Psalms 89:7

Em, hi-gam ni ebuh hu katekkusiddan emin ni wadad kabunyan. Tep emin ida wadadman ey ida kametngan hi-gam.

Psalms 90:11

Apu, eleg mi han-awat hu kameippahding hedin bimmunget ka. Ey gapuh tep ya nemahhig ni bunget mu ey daka katekkusiddan tutu-u.

Exodus 15:1

Et gapuh ni nunman ni nengihwangan Apu Dios ni hi-gada ey impappangngulun Moses ida edum tun helag Israel et man-a-appeh. Kandad a-appeh day “Ia-appehan ku hi Apu Dios tep naka-apput tudda buhul tu e imbeng tud baybay etan ida kebayyu et yadda nantakkay.

Exodus 15:4

Imbeng tuddad baybay hu sindalun iEgypt niyadda kalesa da. Et mangkalsing ida ketultuledan ni aap-apun sindalu da etan di Madlang ni Baybay.

Nahum 1:6

Hipa tuun dammutun meihwang hedin bimmubbunget hi Apu Dios? Heni kamantetebbel ni apuy hu bunget tu niya kamangkebukli hu babattu et ida kamambalin ni dep-ul di hinangga tu.

Matthew 10:28

Entan tu takusidda hu memettey ni hi-gayu tep anin petteyen da annel yu et eleg mabalin ni wada da pehding ni linnaweyu. Heballi kumaddan hi Apu Dios tekkutan yu tep hedin petteyen dakeyu, dammutun pellaw dakeyud impiernoh e kalawwin kamekastigu.

1 Corinthians 10:22

Tep pinhed Apu Dios ni hi-gatun ebuh hu daydayawen tayu. Eleg tu pinhed ni wada edum. Kaw pinhed yun pebungnget? Kaw kan yu nem e-etteng kabaelan yu nem hi-gatu?

Revelation 14:7

Inlet tu ehel tu et kantuy “Kulug yu hi Apu Dios. Daydayaw yu tep nedatngan law hu panhuwetan tun tuud puyek. Em, daydayaw yu hi Apu Dios e nanletun emin eyan puyek, ya kabunyan, ya baybay niyaddan emin kautbulin danum.”

Revelation 15:4

Emin hu tuu ey kullugen daka e Ap-apu mi niya daydayawen daka, tep hi-gam ni ebuh hu kayyaggud ni peteg. Emin hu katuutuud kebebbebley ey um-aliddan an menaydayaw ni hi-gam, tep inenang-ang ni emin ni tuu ida etan kayyaggud ni muka pehpehding.”