Psalms 69:1 - Keley-i Bible (Antipolo Ifugao)

¹ Apu Dios, ihwang muwak anhan, tep iyyadyan heni-ak melsing di nemahhig ni ligat ku.

Psalms 69:1 Iomraidhean Croise

Job 22:11

e heni ka wadad engeenget niya heni ka nalsing di lebeng.

Psalms 18:4

Lawah hu neipenahding ni hi-gak, et humman hu, kenayun ni nakka hanghanggaa hu ketteyyan ku et heni kamanhehhegged hu kulung ni hi-gak.

Psalms 32:6

Et humman hu, emin hu tuun kamengu-unnud ni hi-gam e Apu Dios ey mandasadasal idan kenayun et ni hi-gam, ma-lat eleg ida meapput hedin wada nemahhig ni panliggatan da.

Psalms 45:1

Wada ninemnem kun kayyaggud ni peteg ni a-appeh ni pinhed kun ittudek meippanggep nan apu patul. Heni-ak nelaing ni kamantuddek ni a-appeh e ussalen ku laing kun mengapyan nunyan a-appeh. Huyya a-appeh ni ittudek ku.

Psalms 60:1

Apu Dios, inwalleng dakemi niya impeapput dakemi, tep nemahhig hu bunget mun hi-gami. Nem yan nunya ey mika iddasal ni hi-gam e entan dakemi law anhan ibubbunget ma-lat u-unnuden daka mewan ni hi-gami.

Psalms 69:2

Ey heni-ak kamangkeillunnek di luyluy niya heni-ak kamangkelneng di danum ni ligat kun nemahhig ni nakka panlelehhani.

Psalms 80:1

Dengel mu dasal mi e Apu Dios e heni kamengippattul niya kamengipappangnguluddan helag Joseph niya yimmudung di ta-pew ni Kaban di nambattanan idan anghel diman.

Isaiah 28:17

Ya meandeng ni kapehding niya kakinayyaggud hu keippuunan ni pengibbehwatak ni nunya. Peellik ali dallallu niya elwang et pan-ideplug tudda itek ni yuka pandinneli.

Isaiah 43:2

Wada-ak ni ingganah ni umbaddang ni hi-gayu. Et humman hu, anin ni um-ali hu ligat ni hi-gayun kamei-ellig ni man-agwat di edallem ni danum, et eleg kayu melsing. Ey anin ni kayu kamanhelheltap e kayu kamei-ellig ni kamandaddallan di apuy, et eleg kayu meettungi.

Lamentations 3:54

Entanniy kamangkelbeng hu nengibbengan dan hi-gak et kangku nem metteyyak law diman.’

Revelation 17:15

Kan mewan etan ni anghel ni hi-gak ey “Ya etan ida wangwang ni inang-ang mun kapanyuyyuddungi etan ni biin tuka pebeyyad annel tu ey humman kakeiddingpatiddan dakel ni tuun nambakbaklang bebley da, ya nahlagan da niya ehel da.