Psalms 6:7 - Keley-i Bible (Antipolo Ifugao)

⁷ Eggak law um-aang-ang, tep limmetuk hu matak ni nanginangih kud kapehpehding idan buhul kun hi-gak.

Psalms 6:7 Iomraidhean Croise

2 Kings 20:3

“Apu Dios, nemnem mu anhan e impannananeng kun nansilbin hi-gam. Endi edum ni nak inenu-unnud nem hi-gam ni ebuh, niya impahding kun emin hu kamengippeamleng ni hi-gam.” Ginibbuh tun nandasal ey kamannannangngih e nemahhig lemyung tu.

Job 17:7

Eleg law um-aang-ang matak tep ya nanginangih ku. Nekappiguttak et heni-ak law allinnew.

Job 7:3

Hedin hi-gak ngu man nakka umlelemyung ni kewa-wa-wa niyan kahilehileng tep endi law namnamah kud neitu-wan ku. Huyya katteg ngu indawat Apu Dios ni neitu-wan ku.

Psalms 32:3

Yan eman ni eggak pantuttuyyuan ni liwat ku, e Apu Dios ey endin hekey hu linggep kun kewa-wa-wa.

Psalms 38:10

Nemahhig ni endi law hu elet ku ey nakka umkenebkeb ni peteg ey anin ni ya matak et eleg law um-aang-ang.

Psalms 69:4

Hantapug ida buhul ku e daddakkel ida nem ya bilang ni bewek di uluk. Endi lawah ni nak impahding ni hi-gada, nem kapyatun anggebe-hel da-ak, et nemahhig ni ihik idan memettey ni hi-gak, ey nangka-let ida man anhan. Nemahhig ni ida kaman-ittek, tep anin ni eleggak manekew et da-ak kapenekkew, et daka pepippilit ni ibbangngad ku kunu hu sinekew kun hi-gada.

Psalms 88:9

Apu Dios, limmetuk hu matak ni lewalewak et eleggak law um-aang-ang. Ey kewa-wa-wa ni nakka mandasal niya nakka itata-gey hu ngamay kun bagak ni hemek mu.

Jeremiah 45:3

Kammuy ‘Anggehemmekkak! Induman kumedek nan Apu Dios hu ligat ku et deh e nakka umlelemyung ey kimmapuyyak ni peteg niya endi linggep ku!’”

Lamentations 5:17

Et humman hu, nemahhig lemyung mi niya eleg um-aang-ang mate mi tep ya lewa mi.